عرض للطباعة
با جماعة انا معايا لانوس2 و بفكر ابيعها و اجيب 4*4 علشان محتاج مساحة داخلية واسعة و شبكة تسمحلى بنقل البضاعة و كمان تنفع عربية اسرة.
انا بصراحة معنديش فكرة خالص عن سيارات الدفع الرباعى, فياريت تفيدونى اجيب اية فى حدود سعر ال60000 الف و توافر قطع الغيار و اسعارها وقيمة الضريبة واستهلاك البنزين
اسف على الاطالة
ولكم الف شكر
الاختيارات قليله
لادا نيفا كسر زيرو - دى الميزه انها هتكون موديل عالى- لكنها لن تكون واسعه
سوزوكى فيتارا اربعه باب موديل التسعينات 2000 سي سي بيشكروا فيها
شفروليه اعتقد اسمها بليزر موديل الثمانينات - صالون بحق - بس مصاريف وبالذات فى البزين
جيب واجنر او شيروكى واسعه بس مصاريفها مرتفعه
والاهم هتلاقى معلومات مهمه فى قسم الديزل وال suv
في رينج السعر ده...
ممكن شيروكي أواخر تسعينات....بس كنبتها الخلفية ضيقة.... و استهلاكها للبنزين عالي ...
ممكن شيفروليه فرونتيرا.... و برضه استهلاك بنزين عالي.... لكن صالونها أوسع شوية و هي أريح من الشيروكي...
كمان ممكن زي ما ذكر الأخ abokoko سوزوكي فيتارا.. و ديه ممتازة فعلا... و في نظري هي أحسن اختيار.... ممكن تجيبها و تركبلها شبكة سقف قوية... و تحملها زي ما تحب.... بس طبعا تراجع كويس على عفشتها بحسب الحمولة اللي ناوي عليها..
[quote=m!na;3873317390]
شفروليه اعتقد اسمها بليزر موديل الثمانينات - صالون بحق - بس مصاريف وبالذات فى البزين
جيب واجنر او شيروكى واسعه بس مصاريفها مرتفعه
السلام عليكم
حبيب قلبى ,
اما عن البليزر فحدث و لا حرج , اكبر حجم فى العربيات الى انت زكرتهم , و فيها الكنبة الخلفية بتطبق و الشنطة بتبقى واسعة معاك حبتين ,
بس اعيوبها التالى
الاستهلاك العالى فى البنزين , الموتور الاصلى 8 سلندر , حريقة بنزين
حجم العربية كبير حبتين و حيعملك مشاكل و خاصة فى الزحمة
العربية قديمة شوية , مفيش اوبشنز كتير و لا رفاهية و هى بتحب تروح للميكانيكى كتير
مفيهاش حاجة اسمها نعومة او ثبات على السرعات العالية , عربية ناشفة جدا
الواجنر ( على راى الميكانيكى ) عربية اتشطبت من التاريخ من زمان , ملهاش قطع غيار و بيوفقولها قطع غيار من عربيات تانية , فيه الدودج نفس الموديلات , التمانينيات , عربية فاشلة جدا و متتركبش
انا رايى زى السيد مينا , اتكل على الله
لو عاوز اى معلومات عن البليزر انا فى الخدمة
الف شكر للاعضاء المحترمين اللى تكرموا بالرد , اعتقد سوزوكى فيتارا اربعه باب او شيفروليه فرونتيرا هتكون من افضل الاختيارات.
و هقولك كمان على حاجة جامدة أوي تعملها....اقتباس:
المشاركة الأصلية كتبت بواسطة gouda78
لو ناوي تخلي الفرونتيرا معاك.... و مش هتبيعها.... ممكن تشتري فرونتيرا موتورها و فتيسها تعبانين.... عشان تستفيد برخص السعر.... ترمي الموتور و الفتيس... و تجيب موتور شيفروليه الدبابة (ديزل) بفتيسه ... هينزلوا مرتاحين في حوض الفرونتيرا... لأن الفرونتيرا نفس شاسيه الدبابة بالظبط....
و بكدا تبقا جمعت بين حاجات كتيرة أوي....
عربية مريحة.... وسع داخلي... ملاكي (مش نقل ولا أتوبيس خاص) .... قطع غيار متوفرة جدا جدا و رخيصة.... ديزل (عمر طويل و خدمة شاقة و وفر في الوقود)
شكرا يا استاذ مينا على الرد و المشاركة, بس دة هيكون صعب عليا شوية, هحاول ادور على فرونتيرا بحالة جيدة.
انا شوفت على contactcars بس 89000 هتصل بصاحبها و اشوف لو يقدر ينزل شوية.
فكرة عبقرية وجديدة ومعلومة هايلة ولكن لى تساؤلات موتور الدبابة كام سى سى وهل يشترى استوك ولا مستعمل ومكان بيعه وهل يمكن ان ياتى هذا الموتور بفتيس اوتوماتيك ولا مانيوال فقط وهل الموتور هايجرى الفرونتيرا زى الاصلى اقصد سحب وسرعة السيارة بعد تركيبه على الفرونتيرا وشكرا جزيلااقتباس:
المشاركة الأصلية كتبت بواسطة m!na
موتور الشيفروليه الدبابة 2500 سي سي... و الجديد منه تيربو ديزل (يعني سحبه زي الموتور البنزين بالظبط... بالإضافة للعزم بتاع الديزل للجر و الشد و التحميل... دا غير قوة تحمل و طول عمر الموتور الديزل مقارنه بالبنزين)اقتباس:
المشاركة الأصلية كتبت بواسطة elmanahry
بيتجاب استيراد (استعمال الخارج زي الجديد بالظبط...) و بيتجاب بفتيس عادة... نادرا ما يكون فيه منه أوتوماتيك...بس مش معدوم الوجود يعني.... و على ما أعتقد أن التاجر اللي بيبيع الاستيراد ممكن بالطلب يجيب الفتيس الأوتوماتيك....
شكرا مينا باشا على معلومات سيادتك القيمة لان الذى يفهم فى اسرار الدفع الرباعى قليلون جدا واسمح لى اخر سؤال اين يوجد هؤلاء المستوردين بمعنى الى اين يتجه من يريد اجراء هذا التعديل لان لى صديق معه فرونتيرا وكل يوم يقابلنى فى الجراج يشتكى لى من كم استهلاك البنزين وفرح جدا لهذه المعلومة وشكرا جزيلا على افادتك الرائعة
رجائى الاخير تطمنى على الاستاذ ادهم صديق سيادتك لانى لا اجد له مشاراكات منذ مدة وشكرا جزيلا