هل تؤيد مطالبات المتظاهرين بإقالة حكومة شفيق؟

**waleedfadeel** · 28-02-2011 02:50 PM

عايز افرق بين موضوعين

الاول: هل توافق على اقالة شفيق والاجابه: نعم

الثانى: هل توافق عل مظاهرات لاقالة شفيق والاجابه : لا

**mazagngi2000** · 28-02-2011 03:09 PM

متخدوش على استفتاءات مصراوى لانها بتنضرب بسهوله سواء من مصراوى نفسه ان يقلب نعم الى لا او من تصويت الافاقين بتوع الحزب
انا مبثقش فيهم من اول استفتاءات الثوره زى دول
هل توافق على ما جاء في خطاب الرئيس مبارك؟(كان الخطاب الاول )
نعم (70%)

لا (30%)

إجمالى الأصوات: 23,737
http://www.masrawy.com/polldetail.as...neName=default
=============================
هل تؤيد استمرار المظاهرات المطالبة بتنحي الرئيس مبارك ؟
نعم (29%)

لا (71%)

إجمالى الأصوات: 59,887
Untitled Page
===============================
وده الاستفتاء اللى خلانى اقل ادبى قدام اخويا
هل انت راضي عن خطاب الرئيس مبارك ونائبه ؟ (الخطاب التالت)
نعم (90%)

لا (10%)

إجمالى الأصوات: 37,293

http://www.masrawy.com/polldetail.as...neName=default

**itsonlyme** · 28-02-2011 03:12 PM

طبعا شفيق لازم يمشي.

هو مفيش غير تلميذ مبارك وصديق العائلة يمسك.

طالما وراءه شبهات انتماء لنظام فاسد الشعب اسقط رأسه وعايز يسقط بقيته، يبقى يمشي.

ده حتى لو الراجل زي الفل، خلاص مفيش حد غيره كفئ يبقى رئيس وزراء؟

hh · 28-02-2011 03:43 PM

أنا عايزة أعرف بس الناس اللي عمالين يقولوا حنبقى زي تونس, حنبقى زي تونس عارفين أيه اللي بيحصل في تونس؟؟

تونس كلنا عرفنا ان بن علي هرب و ساب البلد و طبعا دي حاجة تفرح الناس زي بالظبط ما احنا فرحنا بتنحي مبارك.
ايه بقى للي حصل بعد كدة؟؟؟ مسك رئيس مجلس النواب كرئيس مؤقت و كلف نفس رئيس الوزرا انه يشكل حكومة جديدة.... يا حلاوة, يعني تخيلوا كدة بعد مبارك ما مشي جم قالو لنا خلاص, فتحي سرور حيبقى رئيس و أحمد نظيف حيشكل وزارة جديدة لانج, و متقلقوش كله تمام.

استمرار التظاهر في تونس طبيعي جدا لأن مفيش حاجة اتغيرت غير ان الرئيس مشي, انما كل حاجة تانية زي ما هي. يمكن احنا الوضع عندنا و لو ظاهريا أحسن شوية انما برضه لسة فيه حاجات لاااااااااازم تتغير قبل ما نقول كله تمام.

الناس فاهمة كلمة تغيير النظام غلط, تغيير النظام يعني النظام كله يمشي و يحصل حملة تطهير في البلد بأكملها و نبتدي على نظافة, و ده اللي المتظاهرين بيطلبوه و معاهم حق مليون في المية, مفيش حاجة اسمها تغيير نظام و أنا عامل حكومة حزب وطني و سايب الحرامية يستفوا ورقهم قبل ما أشيلهم. مش عارفة الناس مش فاهمة كدة ازاي؟؟؟

**تامر.محمد** · 28-02-2011 03:59 PM

الناس من الآخر (عايزة تخلص) بكسر التاء و فتح اللام

**أبو عبدالله** · 28-02-2011 04:11 PM

المشاركة الأصلية كتبت بواسطة hossaam

اولا... اللي بيحصل في مصر وتونس ده متوقع لأي ثورة تغيير حقيقية

لا ينبغي ان نفترض ان نظاما ديكتاتوريا قضى عشرات السنين في تربية
اتباع ومريدين بل قل منتفعين ..ثم نتوقع انه بعد ان ينهار ...يتم التحول
للديمقراطية والسلام في 24 ساعة...لا ولن يتم ذلك...

لان الاف من المتنفعين السابقين لن يسمحوا لك بذلك...
ولان الاف الانتهازيين الذين يريدون القفز لن يهدؤا ايضا..
وغيرهم وغيرهم داخليا وخارجيا....

ولذلك دائما مرحلة ما بعد الانهيار بتكون اخطر المراحل للثورة على الاطلاق..
ومتوقع فيها الشد والجذب والكر والفر..وطويل النفس ينتصر...
يعني الموضوع مش بالساهل ولا ببلاش...

ثم بالنسبة لنقطة الخوف ان ايه اللي يضمن لنا لما ييجي واحد ما يعجبش الناس ونظل في حلقة مفرغة؟!..
فاسمحلي ان اقول ان هذا ليس خطا الثوار...الخطا خطا الناس اللي في السلطة..
اللي مش عاوزين يفهموا "كل" الكلام والمطالب...

يعني الثورة تقول اسقاط "النظام كله"....يعملوا مش من هنا ويشيلوا الرئيس ويفضل الديول اللي هي حكومته وامن دولته ومحافظينه وووو...
يرجع الشعب يقول يا جدعان لسه لازم تشيلوا الناس اللي باقية دي ...برضوا يعملوا ماخدوش بالهم ويشيلوا رئيس الوزراء فقط او يغيروا مجموعة من الوزراء...او او ..ويسيبوا امن الدولة مثلا... وهكذا...

فالعيب مش في الثورة ..هي واضحة ومطالبها واضحة...لكن العيب في اللي عامل فيها مش فاهم...

ولمعلوماتك...الثوار في تونس كان مطلبهم واضح رحيل حكومة الغنوشي بالكامل ويحل محلها حكومة اتفاق من مختلف الاحزاب...وبرضه عايزين يستهبلوا ..شالوا الغنوشي بس..وحطوا مكانه واحد تاني برضه ليس عليه اتفاق او اغلبية الاحزاب... شغل حاوريني يا...

بالظبط كده
انا لسه رادد على دكتور محمد بحاجه شبه كده بالظبط
ان المشكلة مش في المطالب ولكن المشكلة ان اللي بينفذ المطالب بينفذها بنظام نقطة نقطة

**otefa** · 28-02-2011 04:50 PM

رابط المشاركة
........... منقول ......... من المصرى اليوم
أكد المجلس الأعلى للقوات المسلحة أنه سيتم الاستفتاء على تعديل الدستور أوائل أبريل المقبل، فيما تقام الانتخابات البرلمانية في يونيو والرئاسية في أغسطس، ونفى المجلس ما تردد عن إبلاغه شباب ائتلاف ثورة 25 يناير إقالة حكومة شفيق خلال ساعات.

واجتمع المجلس الأعلى للقوات المسلحة، الاثنين، مع عدد من شباب ائتلاف ثورة 25 يناير، وبحث المجلس مع الشباب الجدول الزمني لإجراء استفتاء تعديل الدستور والانتخابات البرلمانية والرئاسية خلال الفترة المقبلة.

واستعرض المجلس مع الشباب الأوضاع التي تمر بها مصر الآن، وأكد أنه سيتم الدعوة إلى استفتاء شعبي على المواد التي تقدمت بها لجنة تعديل الدستور في أول أبريل المقبل وأن الانتخابات البرلمانية سيتم إجراؤها خلال شهر يونيو المقبل، وأنه من المقرر إجراء الانتخابات الرئاسية خلال شهر أغسطس المقبل.

وناقش المجلس مع الشباب النتائج التي توصلت إليها لجنة التعديلات الدستورية، والتعديلات التي أجريت على مواد الدستور والإجراءات المحددة لاختيار رئيس الجمهورية وشروط اختياره وإلغاء قانون الإرهاب والتغييرات التي ألحقت بمواد الدستور الأخرى.

وأكد المجلس أن موقف القوات المسلحة منذ بداية الثورة، واضح، وهو الانحياز إلى مساندة تحقيق مطالب الثورة والحفاظ عليها، مشدداً على أنه لم ولن يتعامل بعنف مع أبناء هذا الشعب العظيم، وأن القوات المسلحة تقوم بحمايتهم وحماية هذا الوطن وتوفير الأمن والأمان الذي يتيح التعبير عن مطالب الشعب المشروعة.

وشدد المجلس على أن القوات المسلحة ستظل هي الحامية والضامنة لأهداف هذه الثورة العظيمة.

ونفى المجلس في وقت لاحق أن يكون قد تطرق خلال حواره مع ائتلاف ثورة 25 يناير، إلى إقالة حكومة الفريق أحمد شفيق، خلال الفترة الحالية كما أشيع على شبكات التواصل الاجتماعي وتناقلته بعض المواقع

**Moh.Abdelbaset** · 28-02-2011 04:59 PM

استطلاع مصراوي زادت فيه النسبة المؤيدة لرحيل رئيس الوزارء أحمد شفيق

**dr-mohamed** · 28-02-2011 05:11 PM

ط§ظ„ظ„ط¬ظ†ط© ط§ظ„طھظ†ط³ظٹظ‚ظٹط© ظ„ط¬ظ…ط§ظ‡ظٹط± ط§ظ„ط«ظˆط±ط© طھط¯ط¹ظˆ ظ„ط§ط¹طھطµط§ظ… ظ…ظپطھظˆط. ظ„ط§ط³ظ‚ط§ط· ط.ظƒظˆظ…ط© ط´ظپظٹظ‚

أصدرت اللجنة التنسيقية لجماهير الثورة بيانا أكدت فيه على تأكيدها مطالب الثورة وضرورة تنفيذها في اسرع وقت.
وقال البيان رقم 6 - الذي تلقى مصراوي نسخة منه - : نحن جماهير الشعب المصري
من اعطاهم توكيل للتحدث باسم الشعب المصري ؟؟؟؟؟؟
صاحب السيادة الوحيد على أرضه ومصيره ومقدراته ومصدر كافة السلطات في هذا البلد التى استردها باندلاع ثورة 25 يناير الشعببة السلمية سبق وأن طالبنا وأكدنا مرارا فى بيانات واعتصامات ومسيرات مليونية في شتي أنحاء مصر بإسقاط حكومة أحمد شفيق.
وتضم اللجنة التنسيقية لجماهير الثورة ستة كتل من شباب الثورة وهي ائتلاف شباب الثورة ومجلس امناء الثورة وتحالف ثوار مصر وائتلاف مصر الثورة وشباب 25 يناير والاكاديميين المستقليين،
مين دول كمان ؟
هما دول اللى قابلوا المجلس العسكري امس ولا ناس غيرهم ؟؟؟؟؟
لو هما بيغيروا كلامهم كل شوية ليه ولو مش هما يبقي مين فيهم اللى بيمثل الشعب المصري كلهم بيقولوا احنا الل بنمثل الشعب
ووصف البيان حكومة شفيق بأنها "امتداد للنظام المخلوع وسياساته الفاسدة وأنها أكبر معوق للأستقرار والأمن فى البلاد وكذلك إقالة المحافظين الذين لازالوا يمثلون نفس السياسة".
وأكد البيان ان اللجنة قررت الاعتصام الشامل والكامل أمام أماكن حيوية وحساسة في الدولة لحين الاستجابة الكاملة لارادة الشعب وعدم مغادرة أماكن الاعتصام حتي تنفيذ طلبات جماهير الثورة
اعتصام كامل وشامل لاماكن حساسة في الدولة يعني 24 ساعة ولاماكن حساسة كمان ولغاية ما يتم الاستجابة لمطالبهم ؟
فين الناس اللى كانت بتقول نتظاهر الجمعة بس
وفين اللى كانوا بيقولوا نتظاهر بعد انتهاء اوقات العمل
وفين اللى كانوا بيقولوا ممكن الناس تشتغل واحنا نتظاهر ومفيش ضرر
يا تري كل واحد له مطلب هايعمل كدة ويعمل اعتصام كامل شامل ؟
اهلا بالفوضي
وهي:
أولا: اقالة حكومة أحمد شفيق ونائبه ووزرائه وتعيين حكومة انتقالية من المستقلين والمتخصصين المشهود لهم بالامانة والكفاءة تدير البلاد خلال الفترة الأنتقالية وتحقق الأستقرار والسلم فى البلاد، ولا يحق لأي من أعضاء هذه الحكومة الترشح لأول انتخابات برلمانية أو رئاسية قادمة.
ثانيا: اقالة جميع المحافظين وحل المجالس المحلية وتعيين شخصيات مستقلة ومتخصصة لأدارة الحكم المحلي من المشهود لهم بالكفاءة والأمانة مساعدة الحكومة على تحقيق الأستقرار خلال الفترة الانتقالية.
وتأمل جماهير الشعب المصري الاستجابة لهذين المطلبين قبل يوم الجمعة الموافق 4 مارس 2011 وقبل بدء الاعتصام حفاظا علي الشرعية الثورية، وارادة الشعب وتجنيب مصالح ومرافق الدولة الشلل التام , والحفاظ علي استمرار سير المرافق العامة بسهولة ويسر.

-

مشاهدة نتائج الإستطلاع: هل تؤيد مطالبات المتظاهرين بإقالة حكومة شفيق؟

الموضوع: هل تؤيد مطالبات المتظاهرين بإقالة حكومة شفيق؟

LinkBack

أدوات الموضوع

عرض

-

-

-

-

-

-

المواضيع المتشابهه

اجتماع شباب الثورة مع المجلس العسكري واتفاقهم على رحيل حكومة شفيق

بيقولوا فيه مظاهرة مليونية يوم الثلاثاء لإسقاط حكومة شفيق؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة