الموضوع: بدايه رحله تعديلي للنيو سيراتو

اولا مبروك يا شباب علي الشعار مع اني شايف اننا ممكن نعمل واحد احسن بس خير دا جميل بردو

ثانيا احب اضيف اول بأول تقييمي و حلي لمشاكل و التعديلات التي اقيمها في سيارتي النيو سيراتو

و كان اول تعديل لي هو طقم الصوت لانه يعتبر المفيد للي راكب العربيه اكثر من الشكل الخارجي
انا كان عندي 4 بيونير 400 من ايام البومه و اشتريت جي ام 640 و مون تربو تيواني و ده الوحيد التيواني الي قبلته لان كل السوق بقا صيني

السماعات كنت اشتريت الطقم ب 265 وقتها دلوقتي ب300 لان التيواني بيخلص خلاص و كله هيبقا صيني

الجي ام عشان السوق نايم جبته ب 570 بعد فصال و المفروض سعره الطبيعي الي كنت اسمعه 630 دا السنفوني و هو تقفيل مصري و مكونات صيني(يا حلاوه) بس بيقولو كويس

اما المون تربو و دي كانت اكبر مشكله لاني مش بحب البيز اكثر ما بحب صوت المغني و مكنتش عاوز 6 سماعات لان شكلهم بقا قديم اوي و الي بسمعه عن قوه المون كان بيغريني لفيت عليه ملقيش الا صيني جديد او تيواني يوزد و مبدء اليوز مرفوض حتي لو مكنشي اشتغل اخر لما زهقت رجعت لمحل عصفور و هو اصلا و هو متخصص في الصوت بس اصلا صوت اي حاجه في اي حاجه و انا اشتريت منه مون اسمه spp علي ما اظن تيواني منقوش عليه انه تيواني مش لزقه بس مع ان الكل قال مفيش تيواني لكن اشتريته ثقه في سمعه المحل لاني مشتري منه كل حاجه اصلا

بكدا كمل الطقم ولكن هيهات من 3 العصر ل 3 بليل بشتري و اركب
رحت لدربكه عشان اركب قال روح الحسنيه لمحل معين هناك و قول لهم طقم سلوك دربكه(مع اني كنت عنده من ساعه بأكد له الحجات الي هجبها ) و قال روح بسرعه ابل ما يقفلو لانهم بيقفلو 9 و الساعه كانت 9.15 قلت لان هو انا هقف علي دي عملت ارجوز في وسط الزحمه و وصلت للمحل بعد محاوله من تجار اخرين انهم يقنعوني انهم يجيبو لي الوصلات المطلوبه و بيقولو ان المحل الي انا ريحله اصلا قفل من بدري و هو كان فاتح النحيه التنيا بس انا مكنتش شيفه(شعب يستاهل القزافي ولله) جبت الوصلات و قلبي ارتاح و كان سعرها 30 و هما وصلتين للجي ام لكن تفرق في نوع السلك و اظن دا انظف محل من الي اتحكالي رحت له بدء يتشقلب في العربيه و كان نفسي اقول له انت ركبت لسيراتو ابل كدا ولا لا لاني كنت خايف مع اني متأكد انه محترف و ممنعتش نفسي و سألته قال لي اه بجرب عليك قلت له ريحت قلبي بس طلع مركب ابل كدا
و رحت جبت جلد مقارب اوي لبتاع العربيه و اسفنج و علبه جله صغيه(شعان نعمل دماغ بالمره) و السعر 35
و هو جاب تحويله للجي ام و سلك مش عارف اسمه ايه كدا و وش للمون كله ب 110 بس الي عارف سعره بالظبط هو الوش ب 25 لاني نقيته بنفسي من وسط ميت واحد غيره كلهم نفس الشكل,,,
اعد متابع و كل حاجه بتتفك و اسمع صوت الكلبسات و هي بتفرقع في قلبي بس كنت بهون نفسي و بقول ياما عربيات اعلي اتركب لها اطقم صوت
و كانت العربيه اصعب من البومه بكتير في الفك و كمان في عمل الاستند لان الحزام هيطلع منه و خدد معاه وقت طويل شويه و جينا لاصعب حته و هي التقطيع سبته و اعد في عربيه واحد صحبي

للعلم معملشي القطع دواير زي البومه لان اصلا في عضم في الجمبين و اعد يشرح لي هو مربع في النص بس هو الي يمفع يتقطع و قطعه كله و كان ملزق السماعات في بعضها عشان الحته تخدهم و هي يدوب علي ادهم بالملي اصلا و ظبط البارات بتاعت الشنطه في جمب عشان الحاجه تركب و الشنطه تقفل و تفتح كويس

نيجي للجزء بتاع الكست و كان مقرف شويه بس اتفك عادي بدون اي تجريحو فصل السمعتين الي في البابين الي ورا و ركب عليهم الجي ام و عمل لي مفتاح في الطبلو الاما السمعيتن الي ادام مع الطقم لاما السمعتين الي ادام بس و ده بناء علي طلبي

كفل الكست و الكنبه و كل حاجه و زي ما قلت الاول متعبه شويه بس ربنا معاه بقا و بدء يظبط الصوت من الكاسيت و وطي البيز اوي عشان المون طبعا انا مش عجبني الحوار ده اوي بس دا هيخليني اطر اني ازود بزوكه كمان شويه عشان البيز
بدئنا 10 و خلصنا علي 2 وشويه حسبنا 460 جنيه 110 الحجات الي من عنده و الباقي المصنعيه و الاستند عارف انه رقم كبير لكن هو ده دربكه عشان عارف انه انضف واحد بيطلب الي عوزه بس بردو فصلنا جامد(الرقم ال350 دا عشان العربيه جديده لان الجديد بيبقا مقرف في الشكل بتاعه يعني مش عام)

و طلعت اخد لفه علي الجامعه و طبعا قلبي كان بيتهز و وداني بتصفر و انا عمله علي 25 و ابص في المرايه عمله زي الجيلي و اقول الله يرحمك يا تعتيم و الجيش وقفني و دي تاني مره في خلال اسبوعين انا هفرقع بس طبعا مفتشي زي المره الي فاتت بردو بعد سستمه طبعا(و يوم لما يكون معايا واحد طيار و احط كابه و كتفته علي الطبلو الاقيهم بيقولو اتفضلو يا شباب و يفتحو الطريق بلد كوسه) و بردو ابل ما اخرج من الكمين فتحت الطقم تاني و طبعا صوته بسم الله ما شاء الله قلت اجربه في الشارع عندي بالمره طلعت البيت لقيت اهلي صحيين و حاسس انهم هيمفجرو في انت الي كنت فاتح الصوت ده و بكل بساطه

دا شرح للموضوع كله و تكلفته و يارب اكون افتكم

الخطوه الجيه تعديل خارجي في دماغي سمبل بس ان شاء الله يعجبكم
تقبلو تحياتي
وشكرا

المشاركة الأصلية كتبت بواسطة mshawky

مبروك ياعاكف بس انت كده مشغله على كاسيت العربيه الاصلى صح ؟

اه يا مان انت عارف انه مش بيتغير الا لازم الوش كله بس ان شاء الله ناوي علي زيرو بور عشان محملشي علي الكاست