جبت بالعربية 170 و ظهر الآتي ..

**ahmedhossam86** · 28-02-2011 02:49 PM

كنت سايق علي الطريق الدائري في اخره خالص بعد صلاة الجمعة قبل اخر نزلة فيه.. الشجاعة خدتني بصراحة لما لقيت الطريق فاضي و قلت لما اشوف العربية دي اخرها كام.. العربية عاملة 7000كم - موديل 2011 جنط 16.. المهم جبت بيها 170 و من بعد الـ 160 حسيت الاتي...

1- صفارة مدوية من الشباك عندي - و انا طبعا مقفل كله و فاتح التكييف .. اكدت علي قفل الازاز بس برضه الصفارة زي ما هي

2- كان فيه شوية هوا اليوم ده..مبدئيا العربية ماشية علي حارتين..! و مستحيل تمسك الدركسيون بإيد واحدة

3- اي ميل في الطريق او انعواج (زي اللي قدام بنزينة توتال علي ايدك اليمين و انت علي الدائري من بعد القطامية في طريقك لمركز خدمة مرسيدس و مدخل التجمع) العربية بتاخده بسهولة جدا و بتنحرف معاه..

انا كان معايا بيجو 405 كذا سنة و كذا مرة عديت الــ 160 و عمر ما حصل كده معايا.. العربية كانت مكلبشة في الارض ..

.. السيراتو عربية بجد ممتازة بس نصيحة بلاش الجري بيها ... امبارح و انا طالع من مدينة نصر قبل المقابر و بعد المنطقة الحرة.. اخدت ملف علي شوية رمل و زلط حسيت العربية حاتقلب بيا.. و انا كنت باعملها زمان بالبيجو و العربية ما كنتش بتتهز من مكانها..

ربنا يسترها معاكم و يسلم طريقكم

**AHMED1718** · 28-02-2011 03:35 PM

الصفارة بتاعة الهوا دى جت عندى بردو دى بتيجي لما الهوا يبقا شديد ويجي بزاوية معينة كده مع ازاز السواق بالزات

اقولك على حاجة انا الصوت ده راح معايا ف نفس المكان لما بعلق ايدي على زر القفل بتاع الازاز افضل شاده لفوق يعنى

اعتقداى ان مكنة الازاز فيها تريحا سنا بسيطة وبدليل انه مريح انك لو فتح اى ازاز ف العربية فتحة بسيطة الضغط هيخف عليه وهيختفى الصوت

بخصوص انها عامت شوية منك على السرعة دى

للاسف طبيعي على السرعات العالية ف كل الحديث نظرا لخفة وزنه

بس تطلع من الليستا الشارك بالزات علشان هنا ف المنتدى دى احسن عربية

**moha4tec** · 28-02-2011 05:04 PM

ربنا يسترها علينا كلنا
1-انا معاك فى السرعات العاليه من 160 و انت طالع لازم تمسك الدركسيون بايدك الاتنين و مركز كويس لان الغلطه بفوره على السرعات دى
فى مسكه انا افتكستها ما بجرى على سرعات عاليه بعملها و الحمد لله العربيه بتبقى متماسكه جدا لحد 200 لانى مجربتش اكتر من 205 كم\ساعه بيها
اى مسكه تانيه العربيه هتلعب منك ,و مع المسكه دى بتخلى زى اكن البور تقيل اوى اوى ,غير كده متجريش اصلا
2- مفيش صفاره الحمد لله
3- مش فاهمك اوى , بس لو فهمتك صح ,يبقى الحل كالاتى:لازم تتعلم تعمل دريفت ازاى .و لازم تتعلم ازاى تخرج بالعربيه من اى تعويمه محتمله ,و لازم تتعلم تاخد الملفات على سرعه ازاى (لان كل ده ليه طريقه و لو انت متعرفهاش اى عربيه ممكن تتقلب منك او تعوم ,
لان السواقه حرفنه, و كمان لازم تروح تشيك على ضغط العجل كويس و بالمره الزوايا كمان
غير كده معرفش ,والله اعلم
و يا ريت اكون افدتك و ملخبطكش
و السلام ختام

**ahmedhossam86** · 01-03-2011 10:03 AM

المشاركة الأصلية كتبت بواسطة AHMED1718

الصفارة بتاعة الهوا دى جت عندى بردو دى بتيجي لما الهوا يبقا شديد ويجي بزاوية معينة كده مع ازاز السواق بالزات

اقولك على حاجة انا الصوت ده راح معايا ف نفس المكان لما بعلق ايدي على زر القفل بتاع الازاز افضل شاده لفوق يعنى

اعتقداى ان مكنة الازاز فيها تريحا سنا بسيطة وبدليل انه مريح انك لو فتح اى ازاز ف العربية فتحة بسيطة الضغط هيخف عليه وهيختفى الصوت

يعني مش موضوع عزل او Rubber ضعيف ؟

**ahmedhossam86** · 01-03-2011 10:09 AM

المشاركة الأصلية كتبت بواسطة moha4tec

فى مسكه انا افتكستها ما بجرى على سرعات عاليه بعملها و الحمد لله العربيه بتبقى متماسكه جدا3
- مش فاهمك اوى , بس لو فهمتك صح ,يبقى الحل كالاتى:لازم تتعلم تعمل دريفت ازاى .و لازم تتعلم ازاى تخرج بالعربيه من اى تعويمه محتمله ,و لازم تتعلم تاخد الملفات على سرعه ازاى (لان كل ده ليه طريقه و لو انت متعرفهاش اى عربيه ممكن تتقلب منك او تعوم ,
لان السواقه حرفنه, و كمان لازم تروح تشيك على ضغط العجل كويس و بالمره الزوايا كمان
غير كده معرفش ,والله اعلم
و يا ريت اكون افدتك و ملخبطكش
و السلام ختام

ايه المسكة دي يا باشا.. افيدونا افادكم الله :))

بص.. كنت طالع من مدينة نصر و علي ايدي اليمين المنطقة الحرة.. فضلت مكمل علي طول للميدان و كسرت يمين عشان اخد طريق الشهيد للقطامية و الدائري.. كان في واحد علي يميني و انا بالف.. في لفيت معاه علي سرعة شوية و صادف شوية زلط و رمل في الحتة دي.. بس انا ماكنتش باخد دريفت و لا حاجة.. بس العربية عومت.. بصراحة تعويمة كوري.. اي عربية اوروبي مايحصلش فيها كده..

العجل كويس و ضغطه تمام

المشاركة الأصلية كتبت بواسطة ma7oo

اعنقدمش موضوع حرفنه ده بيقول حاجات العربية بتعملها مكنتش فى ال 504!!!!!!!!! ده موضوع عربية

405 يا باشا.. عربية البوليس مش 504 :)

المشاركة الأصلية كتبت بواسطة normal

هو الحقيقه على أى سرعه كانت متسوقش السيراتو بأيد واحده :)
العربيه بتحس بأى حاجه تختيها ولازم تركز معاها

و الله عندك حق.. العربية محتاجة لجام :)

**AHMED1718** · 01-03-2011 12:31 PM

المشاركة الأصلية كتبت بواسطة ahmedhossam86

يعني مش موضوع عزل او Rubber ضعيف ؟

مظنش حوار عزل

-

الموضوع: جبت بالعربية 170 و ظهر الآتي ..

LinkBack

أدوات الموضوع

عرض

-

-

-

المواضيع المتشابهه

ما رأيك في الآتي ؟؟!!

هل ينفع امشي بالعربية واطلع برة القاهرة بالعربية بدون نمر

من كثرة المخالفات عَمَلِت هي الآتي ( صورة كوميدية )

الكلمات الدلالية لهذا الموضوع

المفضلات

المفضلات

ضوابط المشاركة