محمود وجدى وزير الداخلية المحترم !!

hh · 28-02-2011 05:09 PM

على فكرة أحنا الناس مسكت يوم الخميس اللي الفات اتنين بيثبتوا الناس بسلاح أبيض و كتفوهم و راحوا نادوا على اتنين ضباط شرطة في كمين على أول الشارع عشان يسلموهم قالوا لهم ملناش دعوة كلموا الجيش !!!!!!!!!!!!!!!!

يا ترى الأعضاء اللي بيدافعوا عن الشرطة و بيقولوا انهم يا حرام خايفين رأيهم ايه؟؟؟؟

و على فكرة موضوع التثبيت ده انتشر عندنا جدا في خلال الأسبوع اللي فات رغم انه مكنش موجود الفترة اللي قبليه و ده تزامن مع رجوع الشرطة.... يا ترى صدفه؟؟؟؟؟؟؟؟؟؟؟

أنا متأكدة 100% من قبل الموضوع ده ان فيه تعمد من الشرطة انها تشيع الفوضى اهي منها تنتقم من الناس اللي جريتهم زي الفراخ و منها يقلبوا الشعب على المتظاهرين و يحسسوهم انهم السبب في عدم الأمان اللي موجود.

**م. حاتم السباعي** · 28-02-2011 05:19 PM

السلام عليكم
يا جماعة الخير
جهاز الشرطة فعلا به المحترم و به غير ذلك
و ما يحدث الان هو (( ادارة ازمة ))
يعني يمكن ان تكون وجهة النظر سليمة او ان تحتمل الخطأ
فالقاهرة الكبري عبارة عن مناطق متلاحمة بجوار كل منطقة راقية
تجد منطقتين تلاته (( عشوائية )) و لن ندخل الان في مين المسئول
و ما اريد توضيحه
ان احياء بأكملها مثل (( شبرا الخيمة و دار السلام و حلوان و البساتين و المعصرة و طرة و فيصل و الهرم و العمرانية و بولاق و الدويقة و منشية ناصر و جزء من مدينة نصر و السبتية و روض الفرج و الكثير من المناطق الاخري تم التعدي علي اقسامها و علي ضباطها و جنودها )) و من ينكر ذلك يبقي انسان غير عاقل
و هناك الكثير من هذه المناطق اصلا تكثر فيها البلطجة قبل الاحداث و العشوائيات و سوء السلوك في المرور مثلا و الحياه بمختلف اشكالها اليومية و مع كامل احترامنا لابناء هذه المناطق المحترمين الا ان هناك فئات كثرت او صغرت بها تخلق حالة من هذه العشوائية
و تجد من هذه الفئات من لهم عداوة مع الجهات الامنية
و لذا انا اقترح انشاء جهاز مدني للتعامل مع الجمهور
في مجالات الحياة اليومية مثل (( المرور - الجوازات - المطارات )) وغيرها من الهيئات التي يتم التعامل فيها مباشرة مع الجمهور و يكون تعامل الموظف القائم بالخدمة للمواطن هو الذي يخاطب الضابط او العسكري
يعني هيا (( افتكاسة كده )) حتي يتم خلق جيل جديد من المنضمين لكليات الشرطة يكون شعارة (( خدمة المواطن - و منع الجرائم قبل حدوثها - و كيفية معاملة المواطنين بتواضع و بأدب ))
و ان يكون معيار الاختيار الاسس و القانون مش الواسطه و الفلوس
و كذلك في هذه المرحلة الانتقالية نعمل علي تحسين سلوك المواطن العادي و العمل داخل الاحياء الشعبية لخلق نوع من النظام و تربية اطفال هذه المناطق علي ان الفقر مش عيب ولا قلة الامكانات هي التي تجعلنا غير نظاف و لكن الكسل و التخاذل هو الذي يجعلنا نبدو في هذه الصورة القذرة سواء في الشوارع او البيوت او السلوك
رحم الله ابي قال لي ان (( الارمن و الجريج )) كانو يخدمون فئات اجنبية في مصر و كان هؤلاء الفئات هم فقراء الاجانب
الا انه حينما تدخل بيوتهم تجدها نظيفة مرتبة و تجد احيانا (( رقعة )) في الملاية او المفرش و لكنك لا تجد ابدا رائحة كريهة او زبالة سواء داخل البيت او امامه كالذي يحدث الان في بيوت و شوارع الكثير من ابناء الوطن و حجتهم في ذلك انهم احياء فقيرة

م.حاتم السباعي

**dr-mohamed** · 28-02-2011 05:27 PM

المشاركة الأصلية كتبت بواسطة hh

على فكرة أحنا الناس مسكت يوم الخميس اللي الفات اتنين بيثبتوا الناس بسلاح أبيض و كتفوهم و راحوا نادوا على اتنين ضباط شرطة في كمين على أول الشارع عشان يسلموهم قالوا لهم ملناش دعوة كلموا الجيش !!!!!!!!!!!!!!!!

يا ترى الأعضاء اللي بيدافعوا عن الشرطة و بيقولوا انهم يا حرام خايفين رأيهم ايه؟؟؟؟

و على فكرة موضوع التثبيت ده انتشر عندنا جدا في خلال الأسبوع اللي فات رغم انه مكنش موجود الفترة اللي قبليه و ده تزامن مع رجوع الشرطة.... يا ترى صدفه؟؟؟؟؟؟؟؟؟؟؟
.

لان يا حرام ظابط قسم العمرانية لما اتصل الاهالي بيشتكوا ان فيه عائلتين من اللى بيتاجروا في المخدرات بيضربوا بعض وسط الشارع بالنار والمولوتوف وراح الظابط ومعاه قوة من القسم انضرب عليه نار من العائلتين واول ما بدلهم ضرب النار الاهالي كلهم راحوا يحرقوا القسم باللى فيه
عرفتي ليه يا حرام مش بيتدخلوا

خبر دلوقت ان الشرطة بدات تسيير مجموعات قتالية عبارة عن ظابطين ومعهما 5 جنود امن مركزي مسلحين لاعادة الامن مرة اخري

**otefa** · 28-02-2011 05:51 PM

كلام منطقي وقلته في مشاركات كتيرةهو الشرطة كان حصلها أيه كقوات وأسلحة الثورة كسرتهم معنويا لحد ما لكن الجهاز بكامل معداته وقوته لم يحدث به أي نقص .....ولو نرجع لأيام الثورة يوم 28 وأختفاءهم (اللغز الغامض ) وفي الأغلب كحركة أرباكية للدولة من قيادات في الداخلية
القرار السياسي بعدم نزولهم هو تهدأة الأجواء الى فترة ما يتم ترتيب أوراق الداخلية والسيطرة على الفساد الداخلي بها ومحاكمة من يثبت أدانته في أمور جنائية علشان ماتحصلش مفاجأت بعد نزولهم وتعاملهم مع الناس

**maka** · 28-02-2011 06:04 PM

دى قلة ادب يعنى عاوزين الدنيا تخرب و يبقى كلابها على ديابها علشان نبوس ايديهم و نقلهم احمونا

لا و الف لا ربنا عادل و مش هيسيب الناس دى تضيع اللى شباب الثورة عاملوه و يمكرون و يمكر الله و الله خير الماكرين

و الشرطة فى عهد حبيب كانت بتعمل ايه ما البلطجية كانوا عايشين و يشتغلوا فى حماهم و طول عمر الحشيش بيتباع الاول كانت الداخلية بتلمه و تنزلوا تانى السوق دلوقتى بيتباع دايركت على الرصيف

متخفوش يا جماعة ربنا مش هيضيع دم اخواتنا و لا تعبنا .............. ربنا كبير

**medo_2060** · 28-02-2011 06:07 PM

هو الجواب باين من عنوانه ومحمود وجدى من اول خطابه وباين طريقه تعامله...
العقيد عمر عفيفى طبعا كلنا عارفينه.. وكان بيشتم فى العادلى ايا ما كان موجود وهو الى فضح مناهج الشرطه فى الاكاديميه فى قناه الحره.. وبصراحه مشفتش الراجل دا قال كلام ميدخلش العقل او محصلش...
لما محمود وجدى مسك قال الكلمتين دول عليه

العقيد عمر عفيفي اتهم وزير الداخلية الحالي محمود وجدي بأنه صنيعه نظام الرئيس السابق محمد حسني مبارك ،وان زوجته –أي زوجة وزير الداخلية الحالي –صديقة لقرينة الرئيس السابق سوزان مبارك ،كما اتهمه بقتل اللواء محمد إمام ونجله إرضاء لزوجة الرئيس السابق .

سرد عفيفي قصة الوزير الحالي عبر موقع التواصل الاجتماعي "فيس بوك " تحت عنوان (من هو وزير الداخلية الجديد).

حكي عفيفي قصة وزير الداخلية الحالي قائلا :هو محمود وجدى محمد محمود ، عمل مدير لمباحث القاهرة ثم مدير لأمن كفر الشيخ ثم مديرا أمن أحدي محافظات الصعيد.

يضيف عفيفي :متزوج وله بنت وهو من "النجيلة" بحيرة ، ويبلغ 70 سنه تقريبا، زوجته صديقة شخصية لسوزان مبارك وهو صديق شخصي لزكريا عزمي ،كان شريكا من الباطن لحوت مدينة نصر،وشقيقه كان يعمل ضابطا بالمخابرات الحربية وحاليا بالمخابرات العامة، كما إنه –يقصد شقيق وزير الداخلية -مقرب جدا لعمر سليمان.

ويؤكد عفيفي أنه عمل مع وزير الداخلية الحالي أكثر من عشرة سنوات بمباحث القاهرة ،ويصفه بالذكاء الحاد ،وان ذكائه يفوق وزير الداخلية السابق حبيب العادلي ،وأنه يعتمد علي الحيلة ،ودموي لو اضطرته الأمور

ويقص عفيفي واقعة تصفيته للواء محمد امام ونجله الذي كان يعمل ضابط بالشرطة برتبة رائد قائلا: شارك-وزير الداخلية الحالي - في تصفية اللواء محمد أمام ،ملياردير و متضخم ماليا ،كان يسكن بمصر الجديدة ،وله ابن برتبة رائد الشرطة تم قتلهما بالرصاص وحرقهم بمسكنهما بتعليمات من سوزان مبارك، لأن نجل إمام ضابط شرطة رفض ترك طاولته بفندق "شيراتون " المطار لـ"منير ثابت" شقيق سوزان مبارك وتجرأ علي الرفض.

يكمل عفيفي ،كان علي رأس المأمورية اللواء فادي الحبشي مدير مباحث العاصمة ومعه اللواء محمود وجدي (وزير الداخلية الحالي) وكان وقتها رئيس المباحث الجنائية بمديرية أمن القاهرة.

ويضيف أن وجدي عمل تحت رئاسة العادلي لمدة 3 سنوات كمدير مباحث القاهرة وقت أن كان العادلي مديرا لأمن القاهرة ،وهو من أهم مهندسي تزوير أنتخابات 1995 و 2000-وفق قول عفيفي - وتخلص منه العادلي بعدما اختلفا لأنه كان يطمح أن يكون وزير للداخلية

**Mohamed_Rashad** · 28-02-2011 06:52 PM

المشاركة الأصلية كتبت بواسطة medo_2060

هو الجواب باين من عنوانه ومحمود وجدى من اول خطابه وباين طريقه تعامله...
العقيد عمر عفيفى طبعا كلنا عارفينه.. وكان بيشتم فى العادلى ايا ما كان موجود وهو الى فضح مناهج الشرطه فى الاكاديميه فى قناه الحره.. وبصراحه مشفتش الراجل دا قال كلام ميدخلش العقل او محصلش...
لما محمود وجدى مسك قال الكلمتين دول عليه

العقيد عمر عفيفي اتهم وزير الداخلية الحالي محمود وجدي بأنه صنيعه نظام الرئيس السابق محمد حسني مبارك ،وان زوجته –أي زوجة وزير الداخلية الحالي –صديقة لقرينة الرئيس السابق سوزان مبارك ،كما اتهمه بقتل اللواء محمد إمام ونجله إرضاء لزوجة الرئيس السابق .

سرد عفيفي قصة الوزير الحالي عبر موقع التواصل الاجتماعي "فيس بوك " تحت عنوان (من هو وزير الداخلية الجديد).

حكي عفيفي قصة وزير الداخلية الحالي قائلا :هو محمود وجدى محمد محمود ، عمل مدير لمباحث القاهرة ثم مدير لأمن كفر الشيخ ثم مديرا أمن أحدي محافظات الصعيد.

يضيف عفيفي :متزوج وله بنت وهو من "النجيلة" بحيرة ، ويبلغ 70 سنه تقريبا، زوجته صديقة شخصية لسوزان مبارك وهو صديق شخصي لزكريا عزمي ،كان شريكا من الباطن لحوت مدينة نصر،وشقيقه كان يعمل ضابطا بالمخابرات الحربية وحاليا بالمخابرات العامة، كما إنه –يقصد شقيق وزير الداخلية -مقرب جدا لعمر سليمان.

ويؤكد عفيفي أنه عمل مع وزير الداخلية الحالي أكثر من عشرة سنوات بمباحث القاهرة ،ويصفه بالذكاء الحاد ،وان ذكائه يفوق وزير الداخلية السابق حبيب العادلي ،وأنه يعتمد علي الحيلة ،ودموي لو اضطرته الأمور

ويقص عفيفي واقعة تصفيته للواء محمد امام ونجله الذي كان يعمل ضابط بالشرطة برتبة رائد قائلا: شارك-وزير الداخلية الحالي - في تصفية اللواء محمد أمام ،ملياردير و متضخم ماليا ،كان يسكن بمصر الجديدة ،وله ابن برتبة رائد الشرطة تم قتلهما بالرصاص وحرقهم بمسكنهما بتعليمات من سوزان مبارك، لأن نجل إمام ضابط شرطة رفض ترك طاولته بفندق "شيراتون " المطار لـ"منير ثابت" شقيق سوزان مبارك وتجرأ علي الرفض.

يكمل عفيفي ،كان علي رأس المأمورية اللواء فادي الحبشي مدير مباحث العاصمة ومعه اللواء محمود وجدي (وزير الداخلية الحالي) وكان وقتها رئيس المباحث الجنائية بمديرية أمن القاهرة.

ويضيف أن وجدي عمل تحت رئاسة العادلي لمدة 3 سنوات كمدير مباحث القاهرة وقت أن كان العادلي مديرا لأمن القاهرة ،وهو من أهم مهندسي تزوير أنتخابات 1995 و 2000-وفق قول عفيفي - وتخلص منه العادلي بعدما اختلفا لأنه كان يطمح أن يكون وزير للداخلية

بحث بسيط على الشبكة العنكبوتية عشان نعرف تاريخ وزير الداخلية اللي كان آخر منصب يشغله مدير مصلحة السجون!!!

**أبو عبدالله** · 28-02-2011 06:57 PM

نتذكر جميعا ان عمرو عفيفي بعد احداث كنيسة القديسين اتهم حبيب العادلي بانه وراء تلك العملية وانه عنده معلومات من داخل وزراة الداخلية بانه وراء تلك العملية وساعتها محدش صدق كلامه واتهموه بأنه عايش في امريكا وبتاع وكلام قرفنا من سماعه من كل من لا يريد ان يصدق وقائع امام عينه وبالتالي اكيد لما عمرو عفيفي يقول حاجه دلوقتي اكيد المفروض اخدها بحمل الجد والصدق وليس التكذيب وده فيديو له بعد احداث كنيسة القديسين وفيها بيتهم حبيب العادلي
[youtube]http://www.youtube.com/watch?v=Uhzckm6xxLc[/youtube]