كنت ناوي اكتب تعليق ..........
بس كفاية رأي الناس
عرض للطباعة
كنت ناوي اكتب تعليق ..........
بس كفاية رأي الناس
والله يا حماعة ردودكوا تفرح و تبين اننا فاهميين الى حدا ما الحمد لله فى وسط الاجواء المبهمة ده
انهاردة بقى فى موقفين حصلوا وانا لسة جى من تحت قدام عينى
اول واحد :)
الطريق واقف جدا وانا واقف و قدامى عربية فيها نقيب شرطة و بينا فى موتسكل دليفيرى كنتاكى
الطريق طبعا واقف خالص فالموتسكل عمال يدى كلاكسات جامدة بغباء كدة فنزله النقيب بيقوله ايه يابنى فى ايه الكلاكسات دى كلها منتا شايف الطريق !!
قاله ما ترمى نفسك انت يمين ولا شمال شوية افتحلى سكة عشان اعدى !
قاله و بعد ما تعدى منى هتروح فين منتا شايفها واقفة فى كل حتة اهه لا حول ولا قوة الا بالله
راح قايلو يا عم احنا هنعد نرغى ما تترمى فى اي حتة و ريحنى
قاله ايه !! تترمى !!
قاله اه تترمى هتعملى ايه يعنى ها انطق هتعملى ايه :)
رحت انا نازل بايس دماغ النقيب و ضحكت انا و هو و قلتله سبحان الله راح الواد بتاع الموتسكل مهزقنى معاه هههههههههههه وقالى هتفضلوا جوبنا لحد امتى هه ؟ يا استاذ هو ده الوقت اللى تديهم فوق دماغهم واحنا عملنا الثورة دى عشان و عشان وانا بقوله طبعا طبعا انت فتحت عينى على حاجات كتير و ربنا يخليكوا لينا و الاشارة فتحت :)
و تانى موقف عقيد واقف فى اشارة الكيتكات على الكورنيش و واحد معدى راح جى ادامه و سورى على اللى جاى راح تافف فى الارض و قال عالم جبانة و وسخة ! و مشالش عينه من على الظابط ههههههههههههه
الناس يا عينى اتهبلت
بس تعرفوا رغم انى مع الظباط فى الموقفين دول بس ربك مبيظلمش حد اكيد عملوا فى حياتهم اللى خلاهم يتعمل معاهم كدة و اكيد الاتنين ول اتظلموا واتهزقوا قبل كدة عشان كدة شموا نفسهم بقى و هزقوا اللى الظباط
الظلم وحش و دول فئة من اغلب الناس و الافترا عليهم فى حياتهم عادى
مع اعتذاري الشديد يا اما تقري كل المشاركات يا اما بلاش تقولي انت قلت ولا مقولتش
بعض المشاركات المتعلقة بنظام الحكم علشان هواة جمع المشاركات لاني زهقت من الاسلوب ده
بالامس 1:23
يا ريت الفساد كله يتجاب من فوق لتحت يا شنر من لغاية ما يوصل لاصغر انسان في مصر
بالامس2:38
وانا مش بدافع عن نظام سابق ولا دافعت عنه ولا هدافع عنه وكنت بنتقده وهو نظام حالي وقتها
بالامس4:28
ومبدئيا انا غير موافق على جهاز امن الدولة بطريقته الحالية بل لابد من اعادة هيكلته مرة اخري بما يجعله لا يتدخل في السياسة الداخلية الا في حالة حدوث خطر يهدد الدولة نفسها لا يهدد الحزب الحاكم وذلك بعد تطهيره من العناصر الفاسدة الموجودة بها ومحاكمة من يثبت عليه ارتكاب جريمة من اعضاء الجهاز الحاليين ووضع شروط خاصة لضم اعضاء جدد
بالامس 6:49
مدير امن البحيرة زبالة واتشال بينما مدير امن اسوان اتعملت مظاهرة علشان الناس عايزينه ومش عايزينه يمشي
نخلص من الزبالة والنضيف يبقي مكانه ونديه صلاحيات حقيقية
اليوم 5:51
نوضح للمرة العاشرة لم ادافع عن مدير الامن ولا قلت انه رجل شرطة ممتاز والمفروض نكرمه
قلت المفروض الفيديو كان وضع كامل من البداية ولا يقتطع منه الجزء الذي يهيج اي انسان وبعد ان يثبت في الاذهان يوضع الفيديو الكامل زي اخبار كتيرة جدا بتوضع الان وفي مواقع صحف وبعد ما تؤديدورها فيتهييج الناس تختفي من موقع الجريدة زي خبر منع استيراد قطع غيار السيارات الاستيراد وغيره
ومدير امن دمنهور ده انسان متخلف عقليا هو واللى واقف جنبه وانا كلامي كله من الدباية كان عن طريقة وضع الفيديو وليسعن الشخص نفسه
وراجع المشاركات بتاعتياللى قبل مشاركتك دي هاتلاقي مشاركات كتير بقول فيها انه لا يصلح لعمله وان المفروض يتم تطهير جهاز الشرطة من امثاله واشدت في المقابل بمدير امن اسوان اللى الاهالى عملوا مظاهرة رافضين انه يتنقل ومصممن على بقائه
يعني انا ضد اي فاسد او متجبر او او او او ومع كل صالح ونظيف - ولا بلاش نظيف دي حد يقول بيدافع عن احمد نظيف- يقوم بما يرضي الله في عمله ومتيهالي ده احنا متفقين فيه
اختلافنا حول طريقة تناول الفيديو وعرضه وليسعل ىالشخص او كيفية تطهير جهاز الشرطة
اول امس 6:28
والاختلاف في الرؤية لكيفية التعامل مع جهاز الشرطة في الفترة القادمة
جهاز الشرطة مثل باقي اجهزة الدولة به فساد واستغلال سلطات لكن الفساد به اكبر والحل ليس بالغائه تماما والا نعيش في فوضي وليس باستبداله بالشرطة العسكرية لانه ليس عملهم وليس بقتل اي شخص لمجرد او الاعتداء عليه لانه ظابط شرطة كما طالب البعض
الحل في تنقية الجهاز بالكامل من العناصر الفاسدة به ومن يثت عليهم من ارتكاب جرائم يتم محاكمته محاكمة عادلة ومن يثبت عدم فساده يستمر في عمله
ايه المشكلة في ده ؟
اول امس 6:59 بخصوص اقالة مدير امن البحيرة
يستاهل
واي واحد يخطئ ينال عقابه
لكن في نفس الوقت التعميم مرفوووووض
كفاية كدة ولا مطلوب اجيب فيها مشاركات تانية تدل على رفضي لاي عنصر فساد ايا كان موقعه وايا كان من هو ؟؟؟؟؟؟؟؟؟
حكاية بقة انه مبيعرفش يتكلم فعلا مش بيعرف يتكلم ولو بيعرف يتكل مكانش قال تصريحات زي دي
انه فاسد ولا لا اللى عنده اي دليل يروح يقدمه للنائب العام ويشرف جنب اخواته
مطلوب ايه تاني ؟؟؟؟؟؟
وبصراحة ومع اعتذاري الشديد اي حد يقتبس نصف جملة من وسط الكلام ولا ينظر للمشاركة كاملة او يقتطع مشاركة قيلت ردا على مشاركة سابقة عليها دون ان يوضح ما هي هذه المشاركة بيبقي اسلوبه مستفز جدا
اللي عمله محمود وجدي مش اختراع ...ده نظام موجود في دول كتيير في العالم
لما يبقي فيه حاله توتر وفوضي يتم التعامل مع الامر من باب المراقبه لحين ترتيب كل الاوراق والعوده بقوه وهيبه الجهاز مره اخري
.............................
حتي لو مشي وجدي ...وجيه واحد مدني برضه حيتبع نفس الاسلوب ده ......عاجبنا ام لا يعجبنا....الاسلوب ده حيفرق مع اغلبيه الشعب ...حتي انت اللي فاهم وعارف حتيجي عليك لحظه وحتتعب من قله الامن وانعدام احساس الامان
نعم كلنا متفقين انه اسلوب خاطئ ....بس كيف السبيل الي تعديله وانت عندك الجهاز كله عايز يتبدل
بس برضه للاسف معندكش الاشخاص المدربين ليحلو مكان الشرطه الفاسده....او بلاصح قدامك وقت لتجهيز كوادر جديده للشرطه
خلال هذا الوقت مش عارفه ايه الي ممكن يحصل ....كفايه قوي حكايه المدارس اللي عماله تتعرض للبلطجه
دي حتسرع عمليه قبول وجود الشرطه والاحتياج ليها
وربنا يستر علينا وعلي اولادنا
والبعض اللى عاملين نفسهم دلوقت زعماء الثورة ومن غيرهم ما كانت تقوم للثورة قائمة واللى يقول انى عدو الثورة من اول يوم يرجع للمشاركات ايام الثورة لما كان اي كلمة بتتحسب علينا
زي ما ناسهاجمت كريم اللى فتح منتداه للى عايز يهاجم الحكومة والرئاسة ويحرض على التظاهر وفوجئنا بالبعض يقولوا له لازم تعتذر
الكلام يبقي مقبول لو بالعقل ومن حد له مواقف انما مش من حد ظهر بعد الثورة رغم انه عضو من زمان وعمره ما شارك في اي كلمة تتعلق بالسياسة او المجتمع او من حد عمل عضوية بعد الثورة وجاي يعمل علينا زعيم الجهاد
تفتكر يا طارق لو اي موقف من الاتنين دول وواضح انك غير راضي عنهم حصلوا لصاحبك بتاع قسم ........ وانت عارف انه انسان محترم كنت هاتبقي مبسوط ؟؟؟؟؟؟؟
وتفتكر لو سواق النص نقل ده بعد ما عمل الموقف ده خبطته عربية المفروض العقيد ده يروح يشوف فيه ايه ؟ ولا ممكن يخاف ينضرب ؟
المشكلة الحالية من الطرفين يا طارق وبلاش نرميها على جانب واحد
+1
وده دليل د.محمد
وده مايمنعش زي مامتفقين كلنا ن الدولة لازم تبين التعديلات في جهاز الداخلية وهيكله وطريقة الرقابة عليه بعد كده
http://www.nilemotors.net/Nile/Arabi...t-top-left.gif اقتباس http://www.nilemotors.net/Nile/Arabi...-top-right.gif
http://www.nilemotors.net/Nile/Arabi...ot-by-left.gif المشاركة الأصلية كتبت بواسطة tamer_a7 http://www.nilemotors.net/Nile/Arabi...t-by-right.gif
http://www.nilemotors.net/Nile/Arabi...p-right-10.gif
طيب انا شفت الظباط اللي قاعدو في قسم شبرا وما هربوش وكنت بالصدفه البحته عند احد اقاربي
عارفه عملو فيهم ايه رموهم من الدور الرابع
وعلي فكره لا بلطجيه ولا نيله مواطنين عاديين بس هرجله وغوغاء واندفاع والنهايه كانت المنظر المؤسف اللي شفته بعيني
ليه قريبي كان متوجد في منكطقه سجن طره ضابط جيش
واحب ااكد ليكي ان عمليات اطلاق النار من اهالي المسجونين علشان يجبرو الشرطه انها تطلعهم كانت زي الرز
لا ولادهي كمان كان في شباب من الامام بيحدفو طوب علي القوات اللي بتحرس البوابه الرئيسيه علشان يخشو ويبقي هما حاصرو المكان
والشباب دي ما كانتش فاهمه هما بيعملو ايه هما عادو بميكرباص لاقو ناس بتحدف الشرطه بالطوب قالو فرصه
والله زي ما بقولك كده
الشرطه عليها مليون علامه استفهم بس احنا كمان بقي علينا علامات استفهام كتير في حياتنا
http://www.nilemotors.net/Nile/Arabi...t-bot-left.gif
http://www.nilemotors.net/Nile/Arabi...-bot-right.gif
يا جماعه من الآخر كده
اللي مش عجبه حاجه ينفذ ويعمل الحلول بتاعته
الناس اللي هما شباب الثورة لهم راي ورؤية ولهم حق فيها وانا موافقهم فيها
دلوقتي بينفذوا مش بيتكلموا وبس
اللي له مطالب مخالفه لهم او اي شئ بدل ما يتكلم ينفذ ويكون ايجابي بدل الكلام
اصل كتير مننا بيتكلم بس ومفيش تنفيذ
فانا رايي دلوقتي ان اللي مش عاجبه حاجه من الآخر يفرجنا هيعمل ايه
دلوقتي العالم ماشي باللي بينفذ مش باللي بيتكلم
حد شاف الشباب اللي كانو من شوية موجودين مع منى الشاذلي في العاشرة مساءا
والله الواحد بيزعل ان فيه حد بيتكلم عليهم وهما بيعملوا المجهود ده كله مع العلم ان واضح جدا من مظهرهم انهم مش محتاجين
ومع ذلك مش سايبين اي حاجه حتى قانون العمل بتاع العمال ومشاكل العمال بيتكلموا فيها والفلاحين وديونهم
والله حاجه تفرح وتقهر ان فيه ناس قاعده في بيتهم ومفيش وراها حاجه غير انها تشتمهم وتسخر منهم
حاجه تقهر بجد
============================
حبيب العادلي: قياديين كبار بالحزب الوطني وعدد من رجال الأعمال كانوا على اتصال دائم بي وطالبوني بفتح السجون وإخراج المعتقلين لإحداث فوضى ورعب في البلاد حتى يعود المتظاهرون في بيوتهم
ده علشان الناس اللي مكنتش متخيلة ازاي الداخلية تفتح السجون
ياريت نشوف مبررات بعد اعتراف الوزير نفسه
ههههههههههههههههههههههههه ههههههههههههههههههههه
زي ما مدير أمن البحيرة عمل كده ؟
ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههاقتباس:
حبيب العادلي: قياديين كبار بالحزب الوطني وعدد من رجال الأعمال كانوا على اتصال دائم بي وطالبوني بفتح السجون وإخراج المعتقلين لإحداث فوضى ورعب في البلاد حتى يعود المتظاهرون في بيوتهم
ده علشان الناس اللي مكنتش متخيلة ازاي الداخلية تفتح السجون
ياريت نشوف مبررات بعد اعتراف الوزير نفسه