محمود وجدى وزير الداخلية المحترم !!

**zkralla** · 01-03-2011 12:57 AM

المشاركة الأصلية كتبت بواسطة dr-mohamed

والبعض اللى عاملين نفسهم دلوقت زعماء الثورة ومن غيرهم ما كانت تقوم للثورة قائمة واللى يقول انى عدو الثورة من اول يوم يرجع للمشاركات ايام الثورة لما كان اي كلمة بتتحسب علينا
زي ما ناسهاجمت كريم اللى فتح منتداه للى عايز يهاجم الحكومة والرئاسة ويحرض على التظاهر وفوجئنا بالبعض يقولوا له لازم تعتذر
الكلام يبقي مقبول لو بالعقل ومن حد له مواقف انما مش من حد ظهر بعد الثورة رغم انه عضو من زمان وعمره ما شارك في اي كلمة تتعلق بالسياسة او المجتمع او من حد عمل عضوية بعد الثورة وجاي يعمل علينا زعيم الجهاد

قبل الثوره مكنش فيه حد بيتحسب على كلام فى السياسه قاله على النت لا حضرتك اتحسبت ولا اى حد فى المنتدى وحتى لما فيه ناس اتحاسبت كان الزعماء والقيادات الى بيدعوا لاتخاذ اجراءات فعليه ضد النظام ( زى ساره عبد الفتاح بتاعه حركه 6 ابريل لما اتقبض عليها فى 2008 فى الو حركه تتم على الفيس بوك )هما الى بيتخدواواعتقد ان حضرتك ولا انا ولا حد معانا هنا من دول
والى كان عاوز يقول حاجه على النت كان بيقولها واقرب دليل حضرتك وعلى حد قولك كنت بتتكلم فى السياسه ومحدش عملك حاجه
ديه الثوره ذاتها اتنظمت على الانترنت وطلعت والعالم كله عارف
قالوا شويه عيال سيبهم يلعبوا
يعنى مكنوش قدرين يجيبوا ا لابيهات ip بتاعه الناس الى طالعه ويقبضوا عليهم
طول عمر النظام كان متبع اسلوب الى عاوز يتكلم يتكلم واحنا هنعمل الى احنا عاوزينه

طب ليه فيه ناس كانت ملهاش اهتمامات سياسيه قبل 25 يناير او معظم الناس كانت كده وفى يوم وليليه بقت ليها فى السياسه
انا رحت التحرير اخر اسبوع ومعايا صحاب كتير
عمر حد منهم ما اتكلم فى السياسه نهائى
ايه الى خلانا نروح
الى خلانا نروح ان الثورا فتحوا باب الامل قدامنا وخلونا نحس ان ممكن يكون فيه تغيير

الناس كانت محبطه وبعد 25 يناير اصبح عندها امل فيدأت تتكلم

مفيش حد هيعمل بطل من ورا شاشه ولوحه مفاتيح لا انا ولاحضرتك ولا اى حد
الابطال الى نزلوا خدوا الرصاص فى صدرهم وعينهم واعتقلوا واتبهدولو وباتوا ايام فى الشارع

**Xander2010_Evo** · 01-03-2011 01:43 AM

المشاركة الأصلية كتبت بواسطة mahmoudysf

يعني حضرتك اسست كل استشهادك بهجوم الاهالي على قسم الشرطة وضرب النار على قوة الشرطة في العمرانية على خبر في اليوم السابع
والله انت من كتر ما بستسشهد بالواقعة دي في مواضيع متخلفة افتكرتك شوفتها بنفسك وشوفت هجوم الشرطة على القسم واليوم السابع دي او غيرها من مصادر الاعلام وخصوصا اليوم السابع ما يصحش تبقى مرجع لينا في خبر والتاكيد على علية وكان رؤي عين
ولما زميل فاضل لا اعرفه شخصيا ويمكن انت تعرفه اكتر منى عمل موضوع وفيه انو ليه صديق شرطي وضح الوزير قال ايه لظباتة واقسم بصدق روايتة رحت حاطط ليه رواية اليوم السابع
بالعقل وبالمنطق ايهما نصدق

+11111 أنا من رأيي بلاش نقرأ خبر ف أي حتة ونيجي ننقله مادام مش متأكدين منهم
الناس بتاعت الوفد واليوم السابع وصراوي وغيرهم كتيييير كل الصحف
دوول ناس زيننا من حقهم يكتبوا أي حاجة في ظل الظروف دي لأن بالعقل كده محدش هيعرف يحاسبهم
والحكاية قلبت تصفية حسابات بين كل الناس ف أي حتة ف مصر كلها
بقينا بنعوم فالشائعات وربنا يستر ومنغرقش

المشاركة الأصلية كتبت بواسطة Tarek Gen 2

والله يا حماعة ردودكوا تفرح و تبين اننا فاهميين الى حدا ما الحمد لله فى وسط الاجواء المبهمة ده

انهاردة بقى فى موقفين حصلوا وانا لسة جى من تحت قدام عينى
اول واحد :)

الطريق واقف جدا وانا واقف و قدامى عربية فيها نقيب شرطة و بينا فى موتسكل دليفيرى كنتاكى
الطريق طبعا واقف خالص فالموتسكل عمال يدى كلاكسات جامدة بغباء كدة فنزله النقيب بيقوله ايه يابنى فى ايه الكلاكسات دى كلها منتا شايف الطريق !!
قاله ما ترمى نفسك انت يمين ولا شمال شوية افتحلى سكة عشان اعدى !
قاله و بعد ما تعدى منى هتروح فين منتا شايفها واقفة فى كل حتة اهه لا حول ولا قوة الا بالله
راح قايلو يا عم احنا هنعد نرغى ما تترمى فى اي حتة و ريحنى
قاله ايه !! تترمى !!
قاله اه تترمى هتعملى ايه يعنى ها انطق هتعملى ايه :)
رحت انا نازل بايس دماغ النقيب و ضحكت انا و هو و قلتله سبحان الله راح الواد بتاع الموتسكل مهزقنى معاه هههههههههههه وقالى هتفضلوا جوبنا لحد امتى هه ؟ يا استاذ هو ده الوقت اللى تديهم فوق دماغهم واحنا عملنا الثورة دى عشان و عشان وانا بقوله طبعا طبعا انت فتحت عينى على حاجات كتير و ربنا يخليكوا لينا و الاشارة فتحت :)

و تانى موقف عقيد واقف فى اشارة الكيتكات على الكورنيش و واحد معدى راح جى ادامه و سورى على اللى جاى راح تافف فى الارض و قال عالم جبانة و وسخة ! و مشالش عينه من على الظابط ههههههههههههه

الناس يا عينى اتهبلت
بس تعرفوا رغم انى مع الظباط فى الموقفين دول بس ربك مبيظلمش حد اكيد عملوا فى حياتهم اللى خلاهم يتعمل معاهم كدة و اكيد الاتنين ول اتظلموا واتهزقوا قبل كدة عشان كدة شموا نفسهم بقى و هزقوا اللى الظباط

الظلم وحش و دول فئة من اغلب الناس و الافترا عليهم فى حياتهم عادى

[COLOR="rgb(65, 105, 225)"]
والله زي مافي ناس يعني قلة محترمين فالشرطة لكن فيه بردو ناس أعوذ بالله منهم
أنا مش بدافع عن الشرطة يا جماعة لحسن أطلع عميل ولا حاجة[/COLOR]

المشاركة الأصلية كتبت بواسطة أبو عبدالله

============================
حبيب العادلي: قياديين كبار بالحزب الوطني وعدد من رجال الأعمال كانوا على اتصال دائم بي وطالبوني بفتح السجون وإخراج المعتقلين لإحداث فوضى ورعب في البلاد حتى يعود المتظاهرون في بيوتهم

ده علشان الناس اللي مكنتش متخيلة ازاي الداخلية تفتح السجون
ياريت نشوف مبررات بعد اعتراف الوزير نفسه

[COLOR="rgb(65, 105, 225)"]
ياريت يكون الإعتراف ده صح علشان الحقيقة تبان
بس من وجهة نظري بالنسبة لوزير الداخلية
هي طريقته بدفع الناس للرجوع للشرطة طريقة جااااامدة جدآآ علي الرغم إن فيها قسوة وقهر صراحة
هوا بيعتمد علي طريقة إللي يغلط نحاسبه بمعني هوا عارف إن نص الداخلية فاسدين مثلآ
هوا عاوز كل الظباط ينزلوا قدام الناس والظابط إللي هيرجع لعاداته القديمة الناس هتبلغ عنه
الناس مبقتش تخاف فعلآ
لكن بردو أنا شايف إنها متنفعش لينا...إحنا 85 مليون... مش 750 ألف زي البحرين مثلآ ولا 7 مليون زي ليبيا
نسبة البلطجية والحرامية إللي فالبلد كبيرة جدآآآ السجون هرب منها حوالي 25 ألف واحد
يعني لو ف كل محافظة فيها 500 بس ..خلاص خربت...ده غير البلطجية والحرامية إللي ملهومش ملفات سابقة أصلآ
من ناشيء الفوضي إللي نتجت بعد الثورة
م الآخر....ربنا يستر ع الجميع[/COLOR]

**dr-mohamed** · 01-03-2011 02:12 AM

المشاركة الأصلية كتبت بواسطة zkralla

مفيش حد هيعمل بطل من ورا شاشه ولوحه مفاتيح لا انا ولاحضرتك ولا اى حد
الابطال الى نزلوا خدوا الرصاص فى صدرهم وعينهم واعتقلوا واتبهدولو وباتوا ايام فى الشارع

حضرتك الاعتراض والكلام في السياسة لم يكن هنا في المنتدي الا بشكل بسيط جدا وفي الواقع كل انسان ادري بنفسه وهو عمل ايه قبل الثورة
اما الابطال من وراء الكيبورد ففيه كتير للاسف معتبرين نفسهم كدة
اما من نزلوا فلم يقتلوا كلهم ولم يبيتوا في الشارع كلهم ولا اللى كتب لهم الحياة ولم يبيتوا ليسوا من الابطال ولم يشاركوا في الثورة ؟؟؟؟؟؟؟؟؟؟؟؟؟

**Donzi** · 01-03-2011 10:01 AM

المشاركة الأصلية كتبت بواسطة dr-mohamed

مع اعتذاري الشديد يا اما تقري كل المشاركات يا اما بلاش تقولي انت قلت ولا مقولتش
بعض المشاركات المتعلقة بنظام الحكم علشان هواة جمع المشاركات لاني زهقت من الاسلوب ده

كان ممكن اجمع لحضرتك برضو المشاركات اللي بتدافع فيها عن عناصر من النظام السابق و الحالي اقل ما يقال عنهم انهم ليسوا على قدر المسئولية و لا يصلحوا لتولي اي مناصب في الدولة لكني مش هاعمل كدا و اقعد اجمع في مشاركات و ندخل في جدال مالوش نهاية

كفاية كدة ولا مطلوب اجيب فيها مشاركات تانية تدل على رفضي لاي عنصر فساد ايا كان موقعه وايا كان من هو ؟؟؟؟؟؟؟؟؟

تاني هاقول ان حضرتك في مشاركات تانية بتدافع عن عناصر فاسدة و بتوجدلها مبررات لافعالهم الغير مقبولة و اللي بتدل بشكل قاطع على فسادهم ان ماكنش بالكلام فقط فا حتى بعد ما الناس استشهدوا بافعال و مواقف واضحة مازلت حضرتك بتدافع عنهم و هوا دا الغريب

حكاية بقة انه مبيعرفش يتكلم فعلا مش بيعرف يتكلم ولو بيعرف يتكل مكانش قال تصريحات زي دي
انه فاسد ولا لا اللى عنده اي دليل يروح يقدمه للنائب العام ويشرف جنب اخواته

ماعتقدش ان في دليل مطلوب اكتر او اكبر من انه طالع يكدب على الراي العام كله تاني و يقول ان الشرطة مكنش ليها دخل باحداث الاربعاء في حين ان الناس اتمسكوا و اتصوروا بكارنيهاتهم ( شرطة و امن دولة ) و دا غير القناصة اللي متصورين و هم بيضربوا نار من فوق سطح مبنى الوزارة و فيديوهات تانية كتير للامن المركزي و هوا بيضرب نار حي و قنابل منتهية الصلاحية و بيدهس الناس بعربيات الامن المركزي و بعد كل دا حضرتك بتطلب دليل على فساد سيادة الوزير اللي بيقول الشرطة ادت ما عليها !! و هوا دا بقى الجزء المستفز

مطلوب ايه تاني ؟؟؟؟؟؟
وبصراحة ومع اعتذاري الشديد اي حد يقتبس نصف جملة من وسط الكلام ولا ينظر للمشاركة كاملة او يقتطع مشاركة قيلت ردا على مشاركة سابقة عليها دون ان يوضح ما هي هذه المشاركة بيبقي اسلوبه مستفز جدا

اولا انا لم اقتطع جزء من ردك و كمان ذكرت ردك دا كان على ايه
ثانيا اذا كان رائيي استفز حضرتك فا انا برضو بعتذر لكن احب اوضح لحضرتك ان اللي استفزني هوا ان الدفاع دا صادر عن شخص في سن و خبرة و مكانة حضرتك فاهم و قادر يوزن الامور و مع ذلك بتدافع عن اشخاص فسادهم و كذبهم بين ؟؟!!