الموضوع: تقرير صور فرش نيسان ( صني - تيدا - اكستريل ) By "جينزكار"

أحبائي اعضاء قسم نيسان و اعضاء نادي نايل موتورز

عملت جولة رائعة جدا في شركة "جينز كار" و بصراحة اقوياء في صناعة فرش محترم للسيارات و الفرش اللي بيعملوه فعلا معمول بطريقة احترافية و خصوصا التفاصيل في الاداء و عدم الاحساس بإنك في عربية بفرش تفصيل او تركيب كسوة ...

نيجي بقي اللي بيتعمل في العربية :

اولا ً : في الشركة يوجد الكثير و الكثير من الاختيارات لتحديد اللي تحب تركبه في عربيتك اذا كان جلد او قماش او جلد مع قماش و اللي فعلا عايز ياخد قرار الشراء يبقي لازم تروح الشركة بنفسك و تعاين الوضع لأن يوجد الكثير من الخامات و الموديلات و قصات و خياطات و الوان يعني ممكن تركب جلد لون واحد في العربية او تداخل لونين مع بعض .

ثانيا ً : بالنسبة للتكلفة .. انت اللي هتختار الخامة و القصة و الخياطة لأن في كذا طريقة للخياطة و الجودة في الاختيارات السابقة و طبعا علي كل ده بيوضع السعر و تأكدوا ان اي اختيار هتختاروه هتخدوا الشغل في كل الاحوال 100%

بالنسبة لعروض الشركة :

يتحكم في السعر عاملين :

1-حجم و قصة و خياطة السيارة
2-الخامة المختارة من قبل العميل

نيسان صني يبدأ من 800 جنيه حتي 1600 جنيه
نيسان تيدا يبدأ من 800 جنيه حتي 1700 جنيه
نيسان اكستريل يبدأ من 900 جنيه حتي 1800 جنيه

طبعا اختيارك حسب نوع الخامة و جودتها و حسب الخياطات الخارجية لأن لها كذا طريقة في الخياطة .

يوجد ايضا ً فرش للابواب و ده عبارة عن تغليف فرش الابواب بالجلد للمناطق اللي فيها قماش فقط و يتكلف الباب الواحد من 80 جنيه حتي 125 جنيه.

و يوجد ايضا ً تغليف لأرضية العربيات بالجلد و لكن يوجد كذا سعر حسب الخامة اللي هتختارها يعني الاسعار 250 و 350 و 450 و 500 جنيه

.... و طبعا مش هننسي التخفيض الجميل بتاع نايل موتورز للي معاه الاستيكر
.... و الهدايا الجميلة و هي فرش لشنطة العربية و المعطر و فوط تلميع رائعة
.... و طبعا الاستضافة من قبل جميع عاملين الشركة المحترمين

خامة الخيط المستعمل في الشغل .. خيط من النوع البلاستيك المطاط و ليس قطن و قد شددنا هذا الخيط و لكنه لم يقطع بتاتا ً لأنه يتكون من ثلاث خيوط و كل خيط من الثلاث يتكون من ثلاث خيوط أخريين يعني تسعة خيوط في خيط واحد.

بالنسبة للجلد في قمة المرونة و لم يقطع رغم الاختبار الصعب لبيان قوة تحمل هذا الجلد و الفرش يتكون من الجلد و الاسفنج المقوي و عازل و كل هذه خامات مستوردة.

طبعا جبت معايا من جينزكار مجموعة كبيرة من الصور لناس ركبت فرش في عربياتها نيسان (صني – تيدا – اكستريل) صور لأكثر من 10 عربيات



اسيبكوا بقي تستمتعوا مع الصور

م / بيشوي

لو عايزيين تستفسروا عن اي حاجه اونلاين معاكو اهم لينكات :

تجربتي عند جينز كار :
http://www.nilemotors.net/Nile/203522-a.html

الموضوع الاعلاني للشركة علي نايل موتورز :
http://www.nilemotors.net/Nile/133983-a.html

موقع الشركة :
Jeans Car

أولا ً سيارة نيسان صني "EX-Saloon"

السيارة "1"







السيارة "2"







السيارة "3"







السيارة "4"

المشاركة الأصلية كتبت بواسطة sonasteel

السلام عليكم
بيشوي باشا ...... كيف حالك
تقرير جمييييييييييييييييييييييي ييييييييييييل جدا جدا جدا اتبسطت منه اوي ماشاء الله
اول فرش الاسود في بيج ولا ابيض ده .... راااااااااااااااااااااااا ااااائع جدا ماشاء الله
سؤال بقي نفسي اعرفه
ينفع اخليهم يعملولي المسند اللي في كنبة السوبر صالون عندي في الex
ولو عايز اعمل مساند برده في الكنبة زي السوبر صالون ينفع
يبقي ميه فل وعشرة ان شاء الله
تقرير مميز ........ تسلم ايدك يا جميل
تقبل مروري
وأقعد بالعافية :))

المشاركة الأصلية كتبت بواسطة sedyrohy

تقرير رائع و جميل لكل اعضاء نيسان
شكرا على الجهد المبذول في خدمه اعضاء نيسان في المنتدى
تنسيق ولا اروع ولا اجمل ولا احلى من كده
سؤال ينفعش اعمل المخدع الي في السوبر صالون عندي في الاكس صالون ولا ايه

احبائي و اخواتي حسين و محمد
انا حبيت اعمل المشاركة معاكم انتوا الاتنين لأن سؤالكم واحد
بس في الاول احب اشكركم علي محبتكم و تقديركم اللي مستحقهوش
بالنسبة للسؤال ده .. انا فكرت فيه فعلا و انا هناك في جينزكار لأني كنت عايز اعمله
بس للاسف الاجابة ان المهندس قال ان لازم تكون الفابريكة كده زي السوبر صالون
يعني لازم يكون مشند السوبر صالون هو اللي موجود انما ميقدروش يعملوا مخادع او مساند زي السوبر صالون طول ما الفابريكة مافيهاش الاوبشن ده
طبعا زعلتوا زي ما انا زعلت بالظبط ساعة الاجابة
فالحل اننا نشتري ظهر كنبة السوبر صالون عشان نعمل اللي احنا عاوزينه
و اي خدمة احلي شباب