الموضوع: عدو الثورة الأول

المشاركة الأصلية كتبت بواسطة otefa

بس دي مش دقيقة يادياب دي ممكن تدخلها في 8 سنين

ثورة فرنسا قعدت 8 سنين.. والناس اضربت واتقتلت لحد ما حققت حريتها.. يا ريت لما نروح نتفسح في الشانزليزيه نبقي نفتكر ناس قد ايه ضحت عشان تعمل من بلدها حاجة..

خلاص خليها الشجاعة ان تتحمل خوفك حتى تنتصر علية
وبعدين كده افهم ان معظم معارضتك غاية من الخوف من طول المدة مش المباديئ اللي الناس بطالب بيها

المشاركة الأصلية كتبت بواسطة mahmoudysf

خلاص خليها الشجاعة ان تتحمل خوفك حتى تنتصر علية
وبعدين كده افهم ان معظم معارضتك غاية من الخوف من طول المدة مش المباديئ اللي الناس بطالب بيها

بالظبط كده بس مش خوف على أد ماهي مفاضلة للوصول للأفضل أنا وغيري من تحسبوهم ضد الثورة عمرنا ماقولنا في ولا مشاركة على المنتدى بأي مشاركة ضد الثورة.
أختلاف الأراء في سيناريو التطبيق الأفضل للمرحلة القادمة بواقعية وليس مثالية
وقلت أسبابي في مشاركات كثيرة أبسطهم وليس أقلهم أهمية أن مجتمعنا بالفعل غير مؤهل بالصورة الكافية لفتح الباب بالكامل صدقني ماينفعش مستقبل بلدنا يبقى في أيد نسبة فوق ال40% أمية ونسبة كبيرة تحت خط الفقر أي فرد أو حزب قوي هايشتري أصواتهم بتراب الفلوس
طب مابدال مانقعد زي فرنسا عدة سنوات علشان نوصل للحرية السياسية الكاملة مانبدأ من دلوقتي وفقا للأرضية الجيدة لحد كبير ومع الأصلاحات بجميع مؤسسات المجتمع وأهم مافيها التعليم وأحتمالات تقليل الأمية في المجتمع وزيادة الوعي بالأحزاب ودورها في المجتمع وظهور المزيد منها حتى لو خلال الفترة الرئاسية الأولى.......ده فكري!!

المشاركة الأصلية كتبت بواسطة otefa

ماهو ده ألي بنقوله من بدري أنت سيادتك عايز أسم ثورة بمعناها الحرفي السياسي وتبدأ من الصفر وأنت وبختك ياتطلع حمراء ياتطلع قارعة ده غير السنين ألي هاتضيع في سبيلها
ولا عايز الأصلاحات ونسميها ثورة مطالب شعبية (أنتفاضة)
ونبدأ من نقطة معقولة بدون الحاجة لهدم أجهزة الدولة بالكامل بل بالعكس البدأ في أصلاحها
ياريت تسأل صاحبك السياسي هايقولك أن الحياة مابتبقاش بامبي بعد الثورات ألي بتهد أجهزة الدولة بالكامل وتبنيها من الزيرو
ربنا رزقنا بجهاز وطني(القوات المسلحة) واعد وضامن للأصلاحات بالتدريج وليس بالتصادم .......يبقى نحمد ربنا ولا نكابر وندخل نفسنا في متاهات وفوضى تشكيل أجهزة الدولة بالكامل؟

اسمح لى يا دون اوتيفا

للاسف كاتب المقاله مش صاحبى ولا اعرفه

بس قريتها وعجبتنى جدا وحسيت انها بتعبر عن كلام كتير كنت عاوز اقوله

الناس فى مصر (وفى المنتدى) انقسمت ل 3 اقسام

القسم الاول اللى شايف ان اللى حصل ده غلط وعاوز ينزل يقول احنا اسفين يا ريس (وطبعا رأيهم يحترم طالما ده رأى شخصى بدون مصالح مع النظام او خوف من محاسبه على فساد سابق)

القسم الثانى شايف ان الثوره شىء كويس وان التغيير قادم قادم وان احنا على الطريق الصحيح واننا دفعنا ثمن كبير للى حصل ومش معقول ندفع اكتر من كده وانه لازم الصبر واكتر من كده هنبقى زى اللى بيزود الملح فى الاكل والاكله هيبقى طعمها وحش وممكن نرميها او تتسبب فى مشاكل اكتر (وده رأى يحترم طبعا)

القسم الثالث شايف اننا دفعنا ثمن كبير ولسه ما اخدناش حقنا بالكامل واننا لازم نزود النار علشان الطبخه تستوى
وكمان لابد من التغيير الفورى والحالى الغير مؤجل (زى اللى بيدفع مبلغ زياده وهو بيشترى عربيه علشان يستلمها من المعرض وميستناش حجز التوكيل وممكن ساعتها التوكيل يجبره على لون عربيه مش عاجبه) وطبعا ده رأى يحترم برده اشمعنا هوه يعنى

وانا شايف انى مع القسم الاخير اللى عاوز اخد حقى وقتى طالما ان التمن تم دفعه
واؤمن بنظريه الطرق على الحديد وهو ساخن
وان التغيير واحده واحده ممكن يتسبب فى المماطله وساعتها ندور على حقنا ويقعدوا يفاصلونا فيه
وبمناسبه الحديد لى صديق يعمل كحداد كان دايما يقولى على حكمه (ضربه بالمرزبه احسن من 10 بالشاكوش)
وانا نفسى النظام القديم كله ياخد ضربه المرزبه دى

تحياتى ليك دون اوتيفا وانا عارف انك مع القسم الثانى

واحترامى للدكتور محمد وكل من لهم رأيه رغم اختلافى معهم فى الرأى

ولى كلمه اخيره

كلنا بنحب بلدنا ونفسنا نشوفها احسن وان اختلفت رؤيتنا لطريقه التنفيذ ومن الممكن ان تكون كل الطرق تؤدى الى نهايه واحد سواء جيده او سيئه ونتمنى من الله ان تقودنا اى الطرق الى الافضل

المشاركة الأصلية كتبت بواسطة أحمد كمال

نتفق او نختلف بس فيه شخص معانا شغال فعلا مدافع رسمي عن الحكومة في كل مشاركاته .....

و مش هاقول مين عشان ما تبقاش شخصنة و لا تهكم و لا هجوم شخصي

أ.وسام...تمام هو ده ألي وصلي عن رأيكم .... النقطة أن رأينا هو ألي ماكانش واصل لناس كتيرة وواخدينه بمعنى ضد الثورة
((القسم الثالث شايف اننا دفعنا ثمن كبير ولسه ما اخدناش حقنا بالكامل واننا لازم نزود النار علشان الطبخه تستوى))
طيب ولما الرز يشيط جزء منه وبلاش يتحرق......ده لعب بالنار
ورديت برده فوق عن سبب من عدة أسباب لتأيدي للحل رقم 2
تحياتي