اقتباس:
المشاركة الأصلية كتبت بواسطة spiderroma2010
اهم حاجة فى العربية :
اولا : مش عاوزك تفكر فى كورى او صينى لانى انا بكرهم
ثانيا : اهم حاجة قوة الموتور و ثبات العربية
ثالثا : هاتشباك او سيدان
رابعا : متزيدش عن 135000 جنية
بس كدة
بس يا باشا زى ما قال استاذ formulator الميجان و الفلوينس على قمة العربيات المتوفر فيها الكلام دا
و الميجان اول فئة استيبترونيك و الفلوينس لو زودت شوية 142000 متهيألى هتجيب فلوينس استبترونيك الفئة الثانية و الاثنين زى ما قلت قبل كده واحد بس فرق الشكل .. يعنى ترجع انك تفضل هاتشباك و لا سيدان
البرافو عربية تحفة بس المشكلة الكبيرة فى التوكيل :redeye:
عربية لعربية انا شايف البرافو تكسب بس صفقة كلها على بعضها انا شايف الميجان تكسب لأن التوكيل عامل مؤثر فى حبك للعربية حتى بعد كده :w6266d
اداء الموتور اكيد البرافو تكسب .. الميجان مش وحشة بس بطيئة فى الاول شوية .. بس البرافو طيارة
الرينو من خلال تجربتى ليها مواتير قوية اوى على الطريق السريع بس مملة شوية جوه المدينة مش 128 بس مش اداء عالى اوى دا داخل المدينة بس ماتورها قوى انا جبت بيها 210 على طريق السخنة ميجان 2006 و عاملة 90 الف كيلو .. اكيد الجديد بيطوروا فى نفسهم كمان
احساس السواقة فى الرينو على الطرق المفتوحة احساس مختلف بجد .. الثبات بتاعها لا خلاف عليه .. ثباتها عالى جدا ماشاء الله
دلوقتى اكثر حاجتين منطبق عليهم طلباتك
الميجان ( الفلوينس ) , البرافو ..
الاختلاف فى نقطة واحدة بين الاثنين
برافو اداء ماتور اقوى
ميجان ( فلوينس ) توكيل احسن و راحة دماغ من موضوع التوكيل
لو عندك استعداد انك تستحمل توكيل مش كويس اوى و دا بشهادة الناس بتوع قسم فيات لأنى ممتلكتش فيات قبل كده
يبقى البرافو
لو عايز توكيل محترم بشهادة معظم الناس برضه مع التضحية بشوية اداء اقل
يبقى الميجان ( الفلوينس ) :00020140:
و برضه عشان مبقاش متجنى على حد فى الرد .. مش معنى انك اخترت البرافو ان مفيش توكيل خلاص .. لا فيه توكيل و ممكن يكون مش سىء اوى بس مش زى توكيل الرينو و مش معنى انك اخترت الميجان ( الفلوينس ) ان مفيش اداء .. لا اداء و قوى كمان بس البرافو احسن
يا ريت اكون قدرت اوضح لك وجهة نظرى