مساعده فى شراء عده

**iso_loma** · 28-02-2011 07:00 PM

السلام عليكم
انا عندى سماعتين بايونير 400 جديده مع سماعتين فى الباب الخلفى ومعايا كاست كلريون مع سى دى شنشار وبصراحه انا حابب الكاست مش عارف ليه وكنت بفكر اجيب سمعتين بايونير تانى لكن حاسس انو هيبقى كتير على الكاست ولا الكاست هيشيلهم وفكرت فى سمعات للباب اللى قدام وهو الصوت هيكون متوزع ولا اجيب جى ام عليهم وياريت حد يقولى ايهم افضل جى ام سيمفونى ولا كينوود للسمعات والصب

**_Ahmed_casper_** · 28-02-2011 10:46 PM

متهئلى ان اللى عندك كده تمام بس هات جى ام٣٥٠ وات حطه على البيونير و هتسمع الفرق

**ahmad--ezzat** · 01-03-2011 06:27 AM

زود سماعات دبل بيز مع جى كينوود 350 وات دة لو عندك مكان ورا واعتقد الجولف البورده فيها واسعه

**iso_loma** · 01-03-2011 11:09 PM

ايه السمعات الدبل بيز دى يا باشا انا اول مره اسمع عنها ولا دى اللى هى الصب وياريت تقولى يعملو كام

**mody_mt2007** · 02-03-2011 07:52 AM

انا من راى تجيب بازوكا و جى ام كينوود او سينفونى و انا قولت سينفونى لأنة قوى جدا مع الباوزكات و الصبات و بكون 600 2 تشانيل و توصل السماعات معكوسة و البازوكا من البريدج و خلى سماعات الأبواب على الكاسيت بس و هتسمع صوت جامد جدا ان شاء الله

**_Ahmed_casper_** · 02-03-2011 08:00 PM

السماعات مقلوبه ازاى يا مودى؟

**mody_mt2007** · 03-03-2011 09:47 AM

يعنى تعكس فردة من فرد السماعات اثناء التوصيل و الهدف من كدة انك مهما تعلى البيز من كنترول الكاسيت ما يضرش السماعات لأنك كدة يعتبر مشغل السماعات تريبل و ميدرينج فقط و الهدف من كدة تطويل عمر السماعات معاك

**ahmad--ezzat** · 03-03-2011 09:57 AM

المشاركة الأصلية كتبت بواسطة mody_mt2007

يعنى تعكس فردة من فرد السماعات اثناء التوصيل و الهدف من كدة انك مهما تعلى البيز من كنترول الكاسيت ما يضرش السماعات لأنك كدة يعتبر مشغل السماعات تريبل و ميدرينج فقط و الهدف من كدة تطويل عمر السماعات معاك

كده السماعات مش هتبقى مرتاحه لا بيز ولا تربل ولا هيستفاد بيهم...

الى صاحب الموضوع خلى السماعات كلها على الكاسيت وهاتلك بازوكا وجى ام

لو مش عايز زحمه هاتلك سماعتين كينوود دبل بيز وجى ام سونى 350 وات او كينوود وسعر السمعتين 550 ضمان سنه