الموضوع: افضل مكان لصيانه تكيف العربيه

اعتقد ان تشغيل التكييف و المروحة مطفية ده مضر للتكيف .... لأنه الكمبروسر بتاعه بيبدأ يشتغل و مافيش هوا بيتحرك حولين السربنتينة ... و الافضل انك تشغل المروحة على اعلى درجة الاول و التكيف مطفي لحد ما تحس ان الهواء السخن تحرك من حولين السربنتينة بعدها شغل التكييف ...
و للملاحظة اضفل انك تشغل التكيف و العربية على سرعة منتظمة مش اول ما تتحرك بيها ... عشان الموتور يكون اخد راحته و عزمة الكافي ...

يا جماعة أنا معايا دايو ريسر أوتوماتيك، لسة شاريها و بيقولوا ان معظم حاجتها هي حاجة اللانوس، ممكن لو حد معاه لانوس يقول لي سعر ماستر الفرامل العمومي بكام و كذلك طرومبة الباور جديد و استيراد و كمان عايز فلتر فتيس لو أمكن يعني و لو حد معاه ريسر زيها يقول لي بيجيب قطع غيارها منين.
بالنسبة للتكييف أنا لسة مظبط تكييف العربية دي إمبارح و بصراحة كان خربان ع الآخر يعني ماكنش فيه حاجة سليمة من أول الكتاوت و الفيوزات بتاعته لغاية الكومبريسور نفسة و خراطيم منفسه و مواسير مكسورة و مراوح عطلانه. روحت لواحد قال لي عايزين واحد بتاع رادئاتير و بعدين نوديها لكهربائي و في الآخر قال لي انا مش هعرف اعمله. روحت لواحد تاني خلف حديقة بدر خلالي التكييف بتاع كأنه لسة زيرو و أخد مني 800 جنيه بس بصراحة يستاهل أكتر من كده( كفاية أنه مخلاكش تقوم من مكانك و كل حاجة قدام عينك). نصيحة اللي عايز يظبط التكييف يروح للراجل ده و بس.

نصيحة لوجه الله..أتصور ان هذا المركز رائع حيث ضبطت تكييف سيارتي الفورد اللي كان محيرني عنده منذ شهرين ومازال يعمل للآن بكفاءة والحمد لله بس الأسعار لا أضمنها وقد تكون مرتفعة قياسا لما ذكره الأخ السابق لكن لفارق التكنولوجيا لأنه عنده كمبيوتر لتحديد العطل الكترونيا وشحن الفريون آليا...الخ. المركز اسمه مركز صبحي لتكييف السيارات وعنوانه 5 شارع الشيخ عبد الوهاب النجار-تريومف مصر الجديدة. تليفون 24147352 موبايل 0122236515 مهندس مدحت حبيب. وربنا يوفق الجميع