عرض للطباعة
السلام عليكم
واحد صاحبى (و العهدة عليه) كتب على تويتر :
معنى ان الانتخابات بالرقم القومي إنك مش محتاج بطاقة انتخابية، بس لو مكانش عندك بطاقة انتخابية قبل كدة لازم تسجل إسمك في كشف الناخبين
عشان تسجل روح القسم قبل 5 مارس ومعاك بطاقتك وشهادة ميلادك وصورة ضوئية منهم واملا الاستمارة وحتعرف لجنتك وانتا واقف
و بيقول ان مصدر كلامه القسم , بس لو الكلام ده صح يبقى ايه فائدة الانتخاب بالرقم القومى ؟!
حد عنده معلومات عن الموضوع ده؟
قبل 5 مارس ؟؟؟؟؟؟؟؟؟؟
حد يا جماعة عندو فكرة عن الموضوع دة ؟؟؟؟
السلام عليكم و رحمة الله و بركاته
أنا ماسمعتش أن الحكومة أعلنت عن حاجة بخصوص الاجراء ده .
انا سمعت نفس الكلام ده بس سمعت ان لغاية 8 مارس بس مش متأكدة
كلام مش منطقى
والا هيبقى الانتخاب بالرقم القومى ما لوش معنى
طيب نسأل فين يا اخوانا .....
لو حد عنده خبرة او ليه علاقة بحد لازم يدلنا الوقت بيجري إنهارده
1 مارس
بس لو فيه الكلام ده يبقى كان حيتقال فى وسائل الاعلام
مافيش اي حاجه ععلي الكلام ده ثم احنا بنصلح عشان يكروتونا قبل 5 مارس
عن تجربة شخصية
فى الانتخابات الماضية
دورت على اسمى فى موقع كان يتيح الاسماء المسجلة فى الكشوف الانتخابية
وجدت اسمى موجود فى احدى اللجان وانا اساسا مش مطلع بطاقة انتخابية
ورحت اللجنة و انتخبت ببطاقة الرقم القومى
ملحوظة وجدت ايضا اسماء اقاربى المتوفيين منذ سنوات فى الكشوف الانتخابية ايضا :majd(4):
حضرتك مواليد كام؟؟؟ أصل أنا أعرف ان موالديد 1985 (مش واثقة في السنة ) و ما بعدها متسجلين تلقائيا في كشوف الناخبين انما الأكبر من كدة لأ.اقتباس:
المشاركة الأصلية كتبت بواسطة hany_mohamed
عموما اللي فهمته ان المفروض تروح القسم اللي انت تبعه و معاك بطاقتك و تطلب تسجل نفسك في الكشوف الانتخابية. و يا ريت اللي عنده معلومات مؤكدة عن الموضوع ده يقول لنا.
انا مواليد السبعينيات و متأكد انى مطلعتش بطاقة انتخابية بس وجدت اسمى فى الكشوف فى انتخابات عام 2005 تقريبااقتباس:
المشاركة الأصلية كتبت بواسطة hh
وكمان اسامى ناس ماتت من اوائل التسعينيات كمان
بيان بتفاصيل مواعيد التسجيل على موقع وزارة الداخلية
ظˆط²ط§ط±ط© ط§ظ„ط¯ط§ط®ظ„ظٹط© - طھظˆط¹ظٹظ‡ ط£ظ…ظ†ظٹظ‡
وبيان تانى على صفحة الفيس بوك
http://www.facebook.com/MoiEgy/posts/182656815111323
واللي القسم في منطقته اتحرق ومفيش فيه ولا ورقة .. ولا خفير درك حتى .. يعمل ايه .. اعتقد الكلام دا مش منطقي
الصفحة الرسمية لوزارة الداخلية
لا احتياج للذهاب لأى قسم شرطة للتسجيل لان الاستفتاءات والانتخابات القادمة سيكون التصويت عليها ببطاقة الرقم القومى ووفقا للكشوف الصادرة من مصلحة الاحوال المدنية ولن يتم استخدام البطاقات الانتخابية
منقول من الفيسبوك
الكلام مضبوط 100% وأنا كتبته للإخوة في المنتدى (التسجيل في الجداول الإنتخابية حتى يوم 9 مارس )
لكي تنتخب لازم تكون مسجل في الجدول الإنتخابي ليه؟؟؟؟
أولا علشان تتحدد لك لجنة وغالبا تكون أقرب ما يمكن للعنوان اللي في البطاقة ( ولازم تكون عارف اللجنة قبل يوم التصويت)
ثانيا علشان المواطن يعطي صوته في لجنة واحدة مش أكثر ، فلو أنهم تركوها مفتوحة حيروح المواطن يدي صوته في أي عدد من اللجان علشان ينجح مرشحه وعلشان كده لآزم يكون اسمك مقيد في لجنة واحدة فقط
ثالثا لآزم يكون عدد الناخبين في كل لجنة معروف قبل الإنتخابات وده علشان يسلموا لرئيس اللجنة بطاقات تصويت بعدد الناخبين وبعد الإنتخابات يقوم رئيس اللجنة بإحصاء عدد البطاقات الباقية التي لم يصوت أصحابها فيعرف عدد الحاضرين ويكون كل مواطن قد وقع أمام اسمه في الكشوفويكون عدد التوقيعات = عدد البطاقات في الصندوق وعدد الأسماء المسجلة وليس أمامها توقيعات = عدد البطاقات الفائضة
لو سمحوا أن المواطن ينتخب ببطاقة الرقم القومي في أي لجنة تعجبه طبعا حيصوت في كذا لجنة وكمان حتحصل مشكلة حيدوا كام بطاقة انتخاب لكل لجنة؟ وممكن يروح المواطن ينتخب يقولوا له البطاقات خلصت!!
أرجو أن أكون وضحت الصورة وأرجوكم اللي عارف يقول للي مايعرفش واللي مراحش يروح بصورة البطاقة في 5 دقائق قبل 9 مارس
مواليد 1982 وما بعدها مسجلين أوتوماتيكيا بس الأفضل يروحوا برضه على الأقل يعرفوا لجنتهم فين