دار السلام نظيفة تماما بعد الخناقة او المجزرة اللى حصلت فيها ونزول الشرطة ورجال الحماية المدنية نظفة دار السلام باللى فيها .......
عرض للطباعة
حسب الله و نعم الوكيل
هى حصلت الأطفال ...... هو ده الى فاضل عشان تكتمل الخطة القذرة لترويع و تخويف الناس
الناس دى بجد لازم تمشى ..... لازم نلاقى حد خايف على البلد مش خايف على نفسه
يا جماعه من فضلكم بلاش حد يقول سمعت و حد قاللى ... اللى متأكد من حاجه بس يقولها ...
ولادى فى مدرسه فى التجمع و لظروف ما رحت مرتين الاسبوع ده و الدنيا هاديه ... جارى ولاده فى الشويفات و بيروحوا عادى فى الباص
كل ده مخطط علشان نقلق و نقول يا ريت الوضع يهدى .... متساعدوهومش بنقل الكلام ...
حد من الناس اللى قالت على اوتوبيس الزمالك ولا لاشويفات ولا مدرسة مدينة نصر شاف بعينه او يعرف حد شاف بعينه؟؟؟؟؟؟
حضرك عندك اولاد ؟؟؟؟؟؟؟؟؟
كان بيحصل
على الاقل البلطجية وقاطعي الطريق كان بيبقي عندهم بعض الخوف ولم يكن الوضع كما هو الان
الشويفات اللى فهمته من حلقة عمرو اديب ان فيه ناس فهمت انه قال ان المدرسة مملوكة لاحد رجا الاعمال الفاسدين واولياء الامور بعتوا له مسجات كتيرة يهاجموه لانه كدة بيعرض اولادهم للخطر اما ان حصل فيها حاجة دي الله اعلم انا معرفش
بالنسبة لمدرسة الزمالك حصل فعلا الحادثة المذكورة هنا واحد اولياء الامور اتصل ببرنامج في التليفزيون واتصلوا بسائق الباص وقال اللى حضرتك قراته في الموضوع
زود عندك بقة ان كان فيه خناقة او كما قال احد اخونا beautiful0mind مجزرة بجوار مدرسة واحد الجرائد قالت ان بعض طلقات الرصاص كانت تجاه احد المدارس الموجودة لكن الحمد لله ربنا سلم ولا يوجد مصابين وكما قال زميلنا الشرطة والحماية المدنية نزلت ونضفت المنطقة
معلش برضه لا نستقى معلوماتنا من البرامج خصوصا لمجرد ان واحد اتصل و قال يبقى نعيش فى رعب ..
بالنسبه للمجزره زى ما حضرتك وصفتها نقلا عن عضو .. مكانش مقصود بيها المدرسه كانت خناقه فى الشارع و ممكن تحصل عند بيت اى حد فينا ... منعدش فى البيت ولا ايه ؟؟؟
تانى يا جماعه من فضلكم محدش ينقل غير الحاجه اللى هو متأكد منها و ميكونش التأكد بناء على برنامج او خبر على النت
انا عن نفسي مش هودي ولادي اسبوع واتنين لما الدراسة تبدأ واطمن
حتى لو هنوديهم ونجيبهم بنفسنا مضمنش يهجموا على المدرسة ويروعوهم والاطفال مثلا تتكدس على السلالم زي ايام الزلزال
وانا قلوقة بطبعي هابقى قاعدة طول اليوم دمي محروق ومخي بيودي ويجيب
يا جماعة:
مين المستفيد الاكبر من خوفنا على أولادنا؟؟؟
جاوبو على السؤال ده وهاترتاحوا
أحمد باشا و الله بقيت أنا الى بودى الولاد المدرسة و ساعات بجيبهم . عارف و الله صعبان عليا منظر الامهات عندهم حالة ذعر و خوف فى عنيهم غير طبيعى و حتى المدرسين خايفين . الناس لسة عمالة تجادل و تقولك لا ننزل و نتابع و نشوف أية الى بيحصل و كل واحد خايف على ولادة و لو حد من ولادة اتلمس و لا لا قدر الله حصلة حاجة حا يولع فى أدامة بدون تميز . للأسف فية ناس بتظهر مواقف عكس ما تبطن و لو هما شخصيا حصلهم حاجة حا يولعو الدنيا و مش حا يسكتو
بص يا باشا سيبك من الشرطة . طول ما الدنيا مش مستقرة حا تلاقى حوادث من هنا للسنة الجاية . معظم الناس لا تعرف كيفية حماية نفسها الا ب اللجان الشعبية و دى تتفاوت و مش كل الناس مدربة على الاشباك دة حتى لو عرف ياخد من بلطجى طبنجة و لا بندقية مش حا يعرف يستعملها الا بطريقة البندقة الرش ز و البلطجة زادت لان الدنيا بقت هايصة و الفوضى هى السمة السائدة . المكالب بتاعت الثوار سقفها لن ينتهى و بالتالى الفوضى لن تنتهى . شوف الموضوع دة كدة
http://www.nilemotors.net/Nile/204630-a.html
حرام و الله اللي بيحصل ده
لازم الناس تفهم انه مع زيادة المطالبات الفوضى و اعمال البلطجة بتزيد و ربنا يستر منوصلش الى اسوء من ما نحن عليه
النهردة في الشارع عند جدتي في عين شمس بلطجية كسرو المحلات و سرقوها
أزيك يا باشا عامل اية . بص سرقة محل دى حاجة بسيطة و بقت عادية . أنما تيجى تخطف طفل و لا تروعة يبقى لآ لغاية هنا و ألف لآ . بكرة الناس حا تنقسم و حا يضربو فى بعض طول ما البلد ماشية كدة بدون اى رقابة و لا محاسبة . يعنى الى يقدر و يعرف يعمل حاجة هو الاقوى و هو صاحب القرار يعنى بلطجة بنوع أخر
انا عايز اسأل سؤال بجد و الله مش تهريج
هي الثورة المضادة مين ممكن يقوم بيها دلوقتي
النظام السابق خلاص انتهى بكل ما تحمله الكلمة من معنى
دول هايوصلو الجيش لحالة من الملل والزهق من كتر الحمل عليه والطلبات الفئوية وطلبات ميدان التحرير والقائد ابراهيم وووووووووو................أصل معاهم العصى السحرية
أحساسي النسبة الأكبر من مؤيدي و مشجعي أستمرار المظاهرات والسقف الأعلى للمطالب هم من الشباب الغير مسؤل عن أسرة وأطفال فالكلام ده هايحسو بيه على الطاير غير أحساس خوف الأب والأم على أولادهم وكلنا وأحنا في فترة المراهقة والشباب قبل الزواج كنا بنستغرب أهالينا بيقلقو علينا في أبسط الأسباب!!!!!..........ربنا يهدي الأحوال لما فيه الصالح
و الله متفق جدا معاك يعنى أنا من 20 سنة فاتت غير النهاردة زمان لو حد جة كلمك ممكن جدا تشتبك معاة حتى باليد و ضاربها طبنجة و لا هامك و دة طبيعى فى السن دة . و لو تفتكر زمان الواحد كان فاتح صدرة و مش مقدر اى حاجة و لا هامة و كلنا عملنا تجاوزات بس بعد ما الايام بتمر تلاقى نفسك بتقول اية الى كنت بعملة دة و تتكسف من الافعال دى ههههههههههههههههههههههههه
و الله العظيم فية محلات بتتسرق عينى عينك و الصبح يعنى تلاقى كام عيل كدة شكلهم متشردين يدخلو السوبر ماركت و ياخد شوية حاجات و الراجل بيبقى شايفهم بيسرقو و يحطو فى جيوبهم و يعمل مش شايف و بعد كدة يشتكى نقولة طيب ما مسكتهوش لية و عجنة يقولك لو مسكتة حا تلاقى 20 متشرد زية كدة جم و حدفو طوب على واجة المحل و جريو و بدل ما اخسر 10 جنية قيمة شوية حاجات حا اخسر 1000 جنية لو المحل أتنهب فى الزيطة دى . محلات كتير جدا جدا بقت تقفل الباب الصاج بتاع الفاترينة الخارجية و يقولك كدة أأمن بدل ما حد يعجبة تيلفزيون فى الفترينة يكسر المحل و أتسرق
فى النهايه معظم البلطجة من صناعة الشرطة واتباع النظام المحروق وشويه من الجهل فى الشعب اللى هوة نتيجه غير مباشره من النظام المخلوع - ولا يوجد حل غير الاستعانه بالله والمضى قدما فى طريق التطهير ومهما كانت النتائج والترويع - بالمناسبة عندى 4 اطفال فى المدارس وربنا هو المتطلع
ربنا يستر يا هشام والله الموضوع بقى مقرف لابعدالحدود
واللى بيعملوه البلطجية ده لحد الان اسمه جس نبض يعنى بيشوف
استجابة الامن لاعمالهم وبما ان الاستجابة ضعيفة فالقادم اسوء بكتير
علشان الناس تفهم وتعرف وهيا مش عاوزه تفهم الناس دي ممكن تعمل ايه علشان تفضل في مكانها
زي ايام المظاهرات
بالظبط كده
اللي خلى البطلجية بالشكل ده هو النظام وليس احنا
هو اللي كان بيظبطهم ويخرجهم قبل الأنتخابات علشان يقفوا على اللجان علشان تتقفل لصالح فلان وعلان
يا أخواني مش كل واحد خايف على نفسه
يروح يبقى عاوز يبيع الكل علشان هو خايف او ولاده مش عارف ايه
البلد محتاجه وقفه بجد
البلد محتاجه ان احنا نفكر ككل مش كفرد
أسلوب الحياة اللي عودونا عليه ده 30 سنة انه ياله نفسي نفسي ده غلط وكارثة
مش معقولة علشان انا مرتاح ومدخلتش قسم شرطة او أمن دولة اواتسجنت يبقى مفكرشي في الناس دي ومع اول فرصه ابيع الموضوع علشان انا ارتاح اكتر مع اني اساسا عايش مرتاح من غير حاجه
مش معقولة علشان معايا فلوس يبقى مفكرشي في الناس اللي مش لاقيه تاكل والبهوات قاعدين بيقسموا البلد وبيتكلموا بالمليارات بالشكل ده
مش معقول مع اول ضغطة ابيع كل اللي حواليه
طب بالله عليكم كل واحد يسأل نفسه
لو كان مكان واحد من المعتقلين وبدون سبب او بظلم واتعذب بالكهرباء او ماشابه
بالله عليكم كان موقفه هيبقى دلوقتي كده
كان هيقول كفايه ومش عارف ايه
الناس دي بتثبتلك كل يوم انك لازم تقف وقفة بجد مع الناس كلها علشان الناس دي تمشي ونبدأ حياة أفضل بأسلوب أفضل
النظام اللي احنا فيها ده بيئول في النهاية لما سبق تاني
لو فضلنا كده والله ثم والله كلها 5 سنوات وهنبقى زي الأول مفيش فارق
الفارق ان مبارك مش موجود كشخص ولكن هيجي غيره
هو مبارك كان جاي من جهنم ولا من الشعب
ولكن النظام والوضع اللي بيخلي الواحد فرعون
ياريت نبقى اجدع من كده وبلاش الفزاعة اللي عايشين فيها
والله ثم والله نسبة كبيرة من الأخبار اللي في تخويف ورعب دي كلها مزايد فيها لا مش موجوده اصلا
والله انا ليا واحد صديق بحكيله الحكاية يروح يحكيها والله بيزود عليها بلاوي ويخوف الناس علشان هو خايف من جواه
احنا عندنا سنترال جمصه اتسرق من بطاريات للمكنة الديزل بتاع السنترال
انا اعرف بتاع الأمن هناك
انا سمعت قبل ما اكلمه
ان ناس جت برشاشات وبتاع وضربوا وكلام كبير
وناس تقول مش عارف ايه وناس تقول ايه
وهكذا وفي النهاية ولا حاجه من دول حصلت غير ان البطاريات اتسرقت من المكان ومحدش حس بحاجه
يارب تكون وصلت الفكرة
يا أخي الفاضل بلاش التكذيب بدون أدلة
حضرتك لو لك اي حد من كوادر الحزب الوطني هتعرف احنا بنتكلم في ايه
الحزب الوطني هو النظام السابق
هو مبارك لما مشى اخد معاه اعضاء مجلس الشعب المنتفعين من النظام واللي مصالحهم متعلقة بمكانة الحزب
انت شايف حواليك فقط
حضرتك في كل قرية ومدينة ومركز فيه عضو حزب وطني واخده سطته من الحزب ودلوقتي هياخد بالجزمة
عاوز تقنعني انه هيقعد يتفرج لحد ما هيحصل
واحد زي صفوت الشريف وغيره دول عاوز تفهمني انه منتظر انه يتقبض عليه
يا جماعه مش علشان انت المعلومات الي عندك مش كل حاجه ده يبقى معناه ان كل حاجه اول مره تسمعها او تعرفها تبقى كذب
والحل بسيط لو تقدر تعرف حد من كوادر الحزب الوطني هتعرف ان النظام بيحاول بكل ما يستطيع
النظام ليس مبارك فقط
اللى اعرفه ان المتظاهرين اقوى منها
امال المظاهرات غيرت النظام وهو فى عز قوته
هل فى عز ضعفه هيقدر يعمل ثورة تانية
ممكن يكون حاول
لكن مش هيقدر ينجح بيها
هل تفتكر ان المظاهرات واستمرارها هتخلى الفساد يقل
اللى يخليه يقل العقاب الصارم ليه
قانون صارم
اجهزة بتؤدى عملها
وكل ده غايب حاليا
واستمرار تغيير الوزارات بيخلى البلد عاملة زى ايام الملك فاروق
كل وزارة تيجى متكملش كام شهر وتمشى
مفيش وزير هيعرف يخطط لوازرته
الحلول هتكون مسكنات مش علاج
فى المدى الطويل
هتلاقى البلد صفر
بيعملوها علشان بيحلموا انهم يرجعوا تانى
ولو المتظاهرين خايفين منهم كدة
يبقى خوفهم مش صح
لان فيه شعب بيفكر وعارف هيقف مع مين
مين اللى ممكن يساندهم
الشعب اللى انا وانتى منه
ولا الجيش
يا احمد
انت بتتكلم اكن المظاهرات هيا اللي موقفة البلد
مع ان الأسبوع ده مثلا مفيهوش مظاهرات
والمظاهرة هتبقى يوم الجمعة
الأمن منزلشي ليه
الحرايق اللي بتحصل دي بتحصل من مين
مينفعشي ابدأ حياة اصلاح على ناس فاسدة او مشبوهة
انت لست في طور انك تجرب
انت في ثورة يبقى تغير عالطول
هو اللي خلقهم مخلقشي غيرهم
انا بتعجب بجد
انا لو عندي ريحة الدم والضمير وعدم الخوف من المسائلة
لقيت اتنين من عشرة بيقولوا امشي
امشي
هيا البلد هتقف على فرد او افراد
ماهيا برضه كانت واقفه على مبارك ومشى ومحصلشي حاجه يعني
كله هجايص
ماشي في ناس من الحزب الوطني ما زالو موجودين بس برضو النظام مش هيرجع لان الشعب هو اللي هيختار الرئيس القادم و كذلك البرلمان
انا مش فاهم برضو انتو بتقولو ان النظام بيحاول يرجع طب قولولي هيرجع ازاي المجلس العسكري ضامن للشعب انتخابات حرة نزيهة و اكيد الشعب مش هيختار حد من النظام
و بالمناسبة الناس لازم تصبر شوية لان كل من كان له ضلع في الفساد دوره جي جي
و على فكرة صفوت الشريف و فتحي سرور و زكريا عزمي و صلت ضدهم بلاغات للنائب العام و دورهم جي
بس الناس تصبر
و عايز اقول حاجة اخيرة الناس اللي في النظام السابق اللي بيحاول يرجع على كلامكم يعني اللي هيثبت عليه فساد هياخد جزاؤه
طيب اللي مش عليه حاجة هتعمله ايه يعني هنقتلهم و نحبسهم مثلا عشان نخلص من النظام ؟؟؟!!!!!!!