http://www.nilemotors.net/Nile/203988-a.html
http://www.nilemotors.net/Nile/204148-a.html
عرض للطباعة
المساْلة بقت صعب اوى .الواحد هيتجنن .انا عرفت النهاردة ان عندنا هنا فى مدينة نصر طفلين اتخطفوا من المدرسة .بس هيه مدرسة حكومة مش لغات .مش عارفة الحكاية بالظبط هما خدوا الولاد ازاى .بس خطفوا الاولاد وطلبوا فدية.المفروض المدرسة ما تسلمش الاطفال اللا لما تتاكد من شخصية اللى هيستلمهم .ربنا يستر على الاطفال كلها
و الله يا احمد انا روحت اجيب الولاد من المدرسة النهاردة مش عاوز اقولك الستات أولياء الامور واقفين فى حالة ذعر غير طبيعى و كلة خايف على ولادة . أنا لو اقولك انا عامل ترسانة اسلحة فى العربية عندى و حتى المدرسة بدخلها شايل معايا حاجة للتأمين السريع . المدرسة غيرت النظام كل ولى امر طالب يدخل يستلمة من داخل الفصل بنفسة مش بينزلوهم الحوش زى الاول و تدخل تاخد ابنك و حتى المدرسين مشدودين جدا . كل دة و السبب معروف حاجة بقت مملة فعلا
يعني بالنسبة لموضوع ان الشرطة بيعملوا كده عشان يذلونا فده فعلا حصل خلاص يعني هما عايزين ايه تاني كل شوية الناس تطلع في وسائل الاعلام كلها وتتوسل عشان يرجعوا تاني احنا عندنا مثلا بعد الرعب اللي حصل في البداية بعد ما الشرطة بدأت تنزل كانت بتلف بعربيات في الشوارع الناس عندنا كانت بتسقف رايحين جايين بيسقفولهم كان موقف غريب جدا اعتقد ان الموضوع مش حكاية انهم قاصدين مينزلوش لا هما واضح انهم فعلا خايفين ودي مصيبة اكبر ومعرفش ايه حلها ربنا يهدي الجميع . وبعدين مش لازم الاطفال يروحوا المدارس عشان ايه يعني يذاكروا في البيت ويروحوا ع الامتحانات .
أحتمال كبير جدا جدا أن المدارس فى القاهرة سيتم تقليل ساعات اليوم الدراسى للتلاميذ يعنى ممكن المدارس تخرج الساعة 1.30 ظهرا
نحن كمواطنين عاديين نعرف أهداف الثورة و نسعى للحفاظ عليها , و نعرف دور الشرطة الحقيقي, على استعداد للتعاون مع الشرطة لإعادة النظام و الأمن ، و لكن طبعا دون تجاوزات و مخالفات.
المشلكة تكمن في بعض فئات المجتمع المتواجدة فعلا من قبل و الآن, و التي تريد أن تفرض مصالحها بالقوة - طبعا مصالح غير مشروعة- . مثلا:
- سائقي المكروباصات المخالفين و التوك توك ... نظرة سريعة لما يفعلونه في شارعي الهرم و فيصل تدل على أنهم لا يريدون أي قانون ينظم عملهم و يريدون أن يفرضوا إرادتهم على المشاة , الراكبين و سائقي المركبات الآخرين.
- البلطجية و الخارجين على القانون: من سيتصدى لهم ؟!! المواطن العادي مهما كان حريص لكن يتمكن من التصدي لهم بمفرده خاصة و هو أعزل و غير مؤهل لهذا.
- تجار المخدرات و الممنوعات.
- و غيرهم الكثير.
لا ننكر الفساد الموجود في جهاز الشرطة و علينا التصدي له، و لكن هناك الكثير من المميزات أيضا وأهمها الأمن الحقيقي.
لا اعتقد اننا في حاجة الي مزيد من التاكيد علي ضرورة سرعة تغيير شفيق و وجدي
لانهم فشلوا في القيام بدورهم
طب و هو لما الشرطه كانت في الشارع كان ايه بيحصل و لا كان ليها اي لازمه الا من رحم ربي
حد جرب يروح القسم يبلغ عن حاجة او يتصل بالشرطه علشان حاجة و لا الهوا من غير واسطه محدش بيعبرنا
للاسف الوضع دة هيستمر كتير حتي لما الشرطه تنزل الثورة ليها اعداء كتير جداااااااااا و للاسف اكتر الاعداذ دول نسبة كبيرة منهم مش من النظام السابق هما نتاج لفساد النظام السابق البلد من زمان فيها بلطجيه كتير و ناس عاطله و مش لاقيه شغل و مدمنين اعدادهم كتير جداااااااا و الناس بتوع الانتخابات و البلطجه اللي فيها خير شاهد
في ناس كتير من مصلحتها البلد متنضفشي لانهم بغبائهم و سذاجتهم مش قادرين يبصوا لقدام مش عايزين شغله نضيفه و لا عيشة كويسة هما عايزين يفضلوا عاطلين و يشربوا حشيش و بانجو و و و و و و كل مناسبه انتخابات بقي خناقه اي حاجة ياخدوا اللي في النصيب و خلاص
بس هما برضة بغبائهم و سذاجتهم مش عارفين ان في خطوط حمرا في حياه اي انسان بيتحول فيها من شخص وديع و مسالم لوحش ممكن ياكل اي حاجة قدامه (( الدين - العرض - الاطفال )) دي الحاجات الوحيدة اللي الانسان بيشيل خوفه و رعبه علي جنب بس هما اغبيا و مش قادرين يفهموا
و لو دة ترتيب من الشرطه علشان برضة الناس يترجوهم يرجعوا برضة دة غباء و سذاجه لان بعد فترة الناس هتعتاد انها تحمي نفسها و بعضها من غير الشرطه فرجوعهم بعد كدة هيبقي غايه في الصعوبه لان الناس مش هتقبلهم و منظرهم و احترامهم هيبقي شيء من الماضي لان الناس مش هتتقبلهم
ده كله بسبب تقاعس وزير الداخليه الجديد عن تنزيل الشرطة للشارع لان كما سمعنا عاوزنا نحس اننا فى خطر الاول عشان لما الشرطه تنزل نبقى محترمنها
الغريب ان البلطجيه والغوغاء هما اول ناس حاتبهدلهم وهو عارف كدا كويس ربنا معانا