عاوز اركب جنوط للجولف 3 وخايف على العفشه بالله عليكم تساعدونى علشان مبوظش العربي

**mans336** · 28-02-2011 11:11 PM

السلام عليكم ورحمة الله وبركاته
انا معايا جولف 3 موديل 97
انا لسه جايب العربيه قريب ولسه مش بفهم اوى فى الكماليات والتعديلات الحاجات دى
العربيه اساسا مقاس الكاوتش بتاعها 13
بس الراجل اللى انا شاريها منه كان مركبلها كاوتشات 14 علشان يعلى العربيه شويه
عاوز اعرف ايه احسن مقاس للكاوتش والجنط اجيبه للعربيه ميأثرش ع العفشه
ياريت تساعدونى قبل ما اجيب حاجة تبهدل العربيه
وشكراااااااااااااااا

**bmw323** · 01-03-2011 12:43 AM

بص ياباشا الجولف بالذات متخفش منها فى أى تعديل لو عاوز تركب جنط 16 , 17 عادى أنا اعرف كذا واحد صاحبى معاهم جولف 3 مركبين جنوط 17 بس فى منهم مغيرين العفشة وموطيين العربية وكل حاجة موجودة للجولف فا متقلقش بس أنتا عاوز تركب جنط كام وعاوز تغير العفشة بعفشة سبور ولا لا

**mans336** · 01-03-2011 12:57 AM

لا انا مش هغير العفشه
انا بسأل يعنى دلوقتى بالكاوتش الـ 14 اللى فيها اركب جنط كام
ولو حبيت اغير الكاوتش اجيب مقاسه كام والجنط كام
معلش لو اسئلتى غبيه شويه بس انا مبفهمش فى الحكايه دى خالص

**bmw323** · 01-03-2011 02:46 AM

بص ياباشا لو الكاوتش 14 يبقى أكيد لو عاوز تجيب جنوط على نفس الكاوتش يبقى لازم تجيب جنط 14 أما لو عاوز تكبر وتجيب جنط أكبر يبقى لازم تغير الكاوتش أكيد شوف حضرتك عاوز تجيب جنط كام 15 16 17 وأنا هقولك على مقاس الكاوتش أنما لو مش عاوز تغير المقاس يبقى هتجيب جنط 14 زى مقاس الكاوتش ألى راكب

**Moe86** · 01-03-2011 02:59 AM

الجولف تاخد جنوط 15 مرتاح من غير أى تأثير على العفشة, و نصيحة برضو شوف جنوط استيراد ألمانى و لا ايطالى كدة ولا حاجة , الحاجات دى بتبقى متينة بغباء و بتعيش
و الصفحة دى فيها معلومات مفيدة جدا, شوف مقاس الكاوتش اللى فى العربية اية و اية البديل بتاعة لو هاتجيب جنط أكبر
Car Bibles : The Wheel and Tyre Bible Page 3 of 4

**mans336** · 02-03-2011 04:28 PM

المشاركة الأصلية كتبت بواسطة bmw323

بص ياباشا لو الكاوتش 14 يبقى أكيد لو عاوز تجيب جنوط على نفس الكاوتش يبقى لازم تجيب جنط 14 أما لو عاوز تكبر وتجيب جنط أكبر يبقى لازم تغير الكاوتش أكيد شوف حضرتك عاوز تجيب جنط كام 15 16 17 وأنا هقولك على مقاس الكاوتش أنما لو مش عاوز تغير المقاس يبقى هتجيب جنط 14 زى مقاس الكاوتش ألى راكب

الف شكرا يا باشا
الحمد لله انا بدأت افهم شويه فى الموضوع ده
بجد احسن اعضاء هم اعضاء نايل موتورز ولا عزاء لباقى المنتديات

**mans336** · 02-03-2011 04:30 PM

المشاركة الأصلية كتبت بواسطة moe86

الجولف تاخد جنوط 15 مرتاح من غير أى تأثير على العفشة, و نصيحة برضو شوف جنوط استيراد ألمانى و لا ايطالى كدة ولا حاجة , الحاجات دى بتبقى متينة بغباء و بتعيش
و الصفحة دى فيها معلومات مفيدة جدا, شوف مقاس الكاوتش اللى فى العربية اية و اية البديل بتاعة لو هاتجيب جنط أكبر
car bibles : The wheel and tyre bible page 3 of 4

تسلم ايدك يا معلم على المعلومات المفيده دى
بس لو ممكن توضيح اكتر للموقع ده علشان انا الانجليزى بتاعى بعافيه شويه
وتسلم ايدك مره تانيه

**Moe86** · 03-03-2011 05:07 PM

مفيش مشكلة, شوف الكاوتش كتوب عليه اية فى الجنب و قولنا و احنا نحسبلك مقاس الكاوتش الجديد فى العرض و الارتفاع
الرقم هيبقى حاجة شكلها كدة مثلا
185/55 r 14

**mans336** · 04-03-2011 10:14 PM

بجد انا مش عارف اشكرك ازاى
والله احسن اعضاء هم اعضاء نايل موتورز
انا الحمد لله انهرده رحت الحرفيين وجبت جنط oz يابانى عامل 1300 بعد الفصال بالعافيه
ده لينك الصوره
ياريت تشوفوها وتقولولى رأيكم
Download SNC00861.jpg ط§ط³طھط¹ط±ط§ط¶ طµظˆط±ط©
والراجل اللى انا اشتريت منه قاللى رش الجنط
هل ارشه كل اسود ولا ارشه اسود والريش من الاجناب اخليها احمر علشان العربيه لونها احمر
انا مستنى ارائكم يا احسن اعضاء فى الدنيا

**Moe86** · 05-03-2011 02:24 AM

ما شاء الله شكله جميل, بس هو محفور عليه هو نفسه o.z ؟ أصل أنا مستغرب شوية علشان الo.z بيبقى ايطالى
ممكن تقولى مقاسه كام و جبته منين بالظبط ؟
بالنسبة للرش, يفضل تسيبه زى ماهو لو مش مبهدل قوى, علشان الرش هيكلفك 200 جنيه أو 300 لو اتعمل بزمة, تانى حاجة الرش دة عمره ما هيكون زى الرش الأصلى و هيقشر بعد كدة, الكلام دة من ناس أصحابى مجربين الموضوع دة
أنا شايف ان لونه كدة يمشى مع لون العربية الأحمر, و القرار يرجعلك طبعا