طيب والمكنة 1500 cc بنفس الكود D15B بس مش Vtec دى تقريباً DOHC دابل كربراتير موجودة ولا ..لا ... ولو موجودة بكام ومعلوماتك عنها ايه ..؟
عرض للطباعة
موجودة بس أكيد أنت تقصد SOHC لكن Dual كربراتير هيا 105 حصان تقريباً بسعر 2500 جنية
أه معلش هوة ما بيبقاش مكتوب عليه dohc ولا sohc بس انت صح هى التكنولوجى اسمها على ما افتكر sohc .
المهم انه موجود يعنى بـ 2500 طيب ده سعره لوحده ولا بمشتملاته وسلطاته وبابا غنونه .
متهيألى ده سعره بلوك فقط ولا ايه ... بس الغريب انا هريت النت فى البحث عن الهورس باور الحقيقى للماتور ده ولاقيت فيه مقارنات واختلافات فظيعة لقوته ومحدش حتى الأن عنده معلومات اكيدة للموضوع ده .
في بيبقى مكتوب وفي لأ عموماً هو التكنولوجيا واحدة في الهوندا بس ده في الانجكشن وهو نظام الـ Vtec وفي المواتير الجديدة i-Vtec القاعدة بتاعه Sohc و Dohc
SOHC دى مواتير الكامة الواحدة
DOHC دى مواتير الكامتين
نيجى للماتور لو D15B فقط من غير اى ارقام بعد حرف الـ B يبقى ده للسوق اليابانى في الغالب ممكن الاختلافات في الهورس باور تختلف من موديل سنه للثانى أو حسب السوق في حدود 10-15 حصان بالكثير يعنى كمتوسط هورس باور للماتور ده من 95 الى 100 حصان بالتقريب وشوفت ناس مسقطة الماتور الانجكشن الـ Vtec على الكربراتير بس محتاج تعديل
والماتور طبعاً بمشتملاته وسلطاته
لا يا نبيل أغلبية الناس فى المواقع الأجنبية مختلفين على قوة الماتور مابين 105 و 130 للـدابل كربراتير مش للـ Vtec
which is better? D16z6 or D15b? - Car Forums and Automotive Chat
وسامح كان برضوا قال كدة زمان انه 130 حصان ... ساعتها دخل ويكبيديا وفعلاً كان مكتوب 130 حصان للكربراتير المزدوج .
بس الغريب بعد كدة دخلت تانى لاقيت حد عمل ايديت للمعلومات الخاصة للماتور ده وعدل بيناته من 130 الى 105 مش عارف ليه .
هو اصلاً صاحب الموضوع اللى في اللينك محددش هو بيتكلم على انهى ماتور الكربراتير ولا الانجكشن Vtec و أقرب الظن انه بيتكلم عن الفى تك عشان هو بيقارنه بماتور الـ D16Z6
كنت شوفت كذا موضوع بيتكلم عن الماتور ده الكربراتير ومعظم الناس قالوا انه في حدود 100 حصان تقريباً المهم هو أنت عاوز تسقط الماتور ده عندك؟