اخى الحبيب الموضوع ده محتاج منك شوية تركيز بس وربنا يوفقك ان شاء الله .. اول شئ حضرتك بتعمل عقد ابتدائى ببيع السيارة يذكر فيها المبلغ الاجمالى والمدفوع والمتبقى حين استخراج الرخصة الغير محظورة وعمل توكيل البيع بيها ... تانى حاجة حضرتك لو مش واثق قوى فيه وخايف يتاخد ايصال امانة بالمبلغ المدفوع يرد حين الحصول على توكيل او عقد البيع بعد فك الحظر عن الرخصة .. ثالث حاجة تروح معاه البنك وتتأكد من سداد كامل المبلغ المتبقى عليه واستخراج المخالصة النهائية من البنك والموافقة عن رفع حظر البيع عن السيارة وتاخد منها صورة .. رابع حاجة تروح معاه المرور ويتم استخراج رخصة قيادة جديدة غير محظرة او اذا اخذ تصريح تتطلع شهادة بيانات غير محظورة ... خامس حاجة بقى والاخيرة تروح الشهر العقارى وتعمل توكيل باليع لنفسك او الغير والتعامل مع المرو او تسجل على طول وتعطيه باقى فلوسه وايصال الامانة وتاخد ورقك وعربيتك والف مبروك مقدما
المفضلات