يا باشا الله ينور بصيرتك
اروح اى مرور ولا لازم مرور معين علشان مترخصة نقل و هل الاجراء ده شرعى و المرور هيوافق عليه ولا لازم واسطة
عرض للطباعة
شوف يا سيدى على قدر معلوماتى يمكنك عمل التالى:ـ
أولاً) تحديد المرور الذى تتبعه تلك السيارة من خلال الحرفين الأوليين فقط ودى ممكن تأخد منك شوية وقت ومجهود خصوصاً لو كانت من خارج القاهرة.
ثانياً) من خلال المحضر الذى حررته فى القسم لا بد من تحويله إلى النيابة المختصة، وهناك يمكنك استخراج تصريح بالاطلاع على ملف السيارة من المرور التابعة له، ولحد دلوقت أنت ماشى قانونى وفى السليم.
ثالثاً) يمكنك التوجه إلى المرور المختص بعد تحديده، والإطلاع على ملف السيارة بشكل ودى يعنى زى قبل الثورة كده، وده أكيد هيكلفك فلوس.
آخر حاجة نسيت أقول لك أن ياريت المرور التابعة ليه السيارة يكون متحرقش فى أحداث الشغب الأخيرة دى، وربنا معاك وتأخد حقك
الحمد لله على سلامتك
حمدالله على سلامتك وان شاء الله توصلة وتاخد حق كل الناس منة اكيد تلاقية عامل بلاوى كتييييير تانية حسبى الله ونعم الوكيل
بالفعل لابد تحدد نوع المرور التابع ليه السيارة
ولكن اعتقد لو رحت الادارة العامة للمرور في مدينة نصر هتقدر تعرف عنها كل حاجة فورا لأنه المركز الرئيسي للمرور
خد صورة من المحضر وروح المرور وقول للضابط الوضع كذا كذا كذا وانا عايز اعرف بيانات العربية دي
اعتقد هيتعاون معاك ان شاء الله
وتابع المحضر بتاعك وخط سيره برده
انا عارف انك عايز تعلمه الادب وازاي يحترم الطريق
بس برده من أفسد شيئا فعليه اصلاحه
لا تتنازل عن قيمة اصلاح عربيتك -دا رأيي-
اعتقد اني اعرف العربيه دي
هاشوف واقولك
فعلا منتهي البلطجه و حرقه الدم