كل أما بشغل التكييف بشم رائحة (كمكمة) غير لطيفة وسمعت من المنتدي بتاعنا أن الفلتر ممكن يتنظف، فأنا عايز أعرف هل ممكن أقوم بتنظيفة بنفسي وألا لا، وشكرا...ً
عرض للطباعة
كل أما بشغل التكييف بشم رائحة (كمكمة) غير لطيفة وسمعت من المنتدي بتاعنا أن الفلتر ممكن يتنظف، فأنا عايز أعرف هل ممكن أقوم بتنظيفة بنفسي وألا لا، وشكرا...ً
لازم فني هو للي ينضفه لانه مش زي فلتر الهوا مثلا.
لكن خد بالك انه بعد التنضيف حتحتاج تشحن فريون تاني
ممكن حضرتك تفك الفلتر بنفسك بس عربية حضرتك ايه ؟ وتنضفه عند اي بنزينه بالهوا عادي ده هيشيل منه اي اتربه او حاجه لكن موضوع ريحة الكمكمه انا شخصيا كنت بعاني منه ومالقتشي اي حل للريحه دي غير عند التوكيل انه رشلي معطر على الفلتر وسربنتينه التكيف اللي في الكويل الداخلي وريحة الكمكمه الى حد ما اختفت شويه والله اعلم هاترجع تاني ولا لأ انا عملت الموضوع ده من اسبوع تقريباً.
في فكره تانيه المهندس قاللي عليها في التوكيل لو الموضوع بس ريحة كمكمه مش ريحة عفونه يعني او حاجه وحشه اوي حضرتك ممكن تشغل التكيف على السخن لمدة 15 دقيقه ده هيجفف فتحات التهويه اللي في التكيف عموما من اي رطوبه فيها او روايح كمكمه بعد كده المفروض ان الريحه تروح ان شاء الله او تقل بنسبه كبيره جرب وقوللنا لو جابت نتيجه.
اقتباس:
حازم أنا نضفت فلتر التكييف الصيف إللى فات عند التوكيل من غير ما أشحن فريون كل إللى عمله إنه فكه من مكانه تحت درج التابلوه و نصفه بالهوا و بعد كده حطه تانى و التكيف بقى هواه أنضف و أقوى
يمكن عندك مختلف يا احمد باشا.
انا عندي ورا سربنتينه التكييف و متوصل بالمواسير بتاع الفريون
فى فرق بين فلتر الفريون وفلتر هواء التكيف
الاول موجود امام السرنتينه وفكه بتطير الفريون وبضطر تشحن التكيف تانى
التانى ده فلتر منقى للهواء المكيف الى داخل الصالون