الموضوع: مشروع زراعي - المزرعه-

حد سمع عن زراعه الكوالا
د نبات بينتج زيت طعام خالى الكوليسترول
اللى عنده معلومات يقول

يا جماعة انا قريت الموضوع و هو قيم لكن اعتقد نه ينقصة سؤال من يتعاملون فعلا فى الارض الزراعية ملاك فعليين / مزارعيين ( فلاحيين ... معلش بقينا فى زمن ناس بتزعل من الكلمة دى )

فأسمحوا لي بتعليقي المتواضع عن هذا الموضوع

أولاً : لابد من التفرقة بين ( ارض سوداء / ارض صفراء ، )

الارض السوداء : و هي الارض التى تزرع بالفعل ، و يتم ريها بالغمر " مصدر مائي موجود كالترع ، و مثل الموجودة بالقري الريفية ، و تزرع كل المحاصيل : غلة / قمح ، ارز ، ذرة ، زمااان قطن ( معدش حد بيزرعوا )

الارض الصفراء : و هي الرملية بتاع الاستصلاح ، و تزرع اما من ترع صناعية او ابار يتم حفرها و اعتقد تكلفة البئر من 10 الاف الى 20 الف حسب الطبيعة و ظروف الحفر ، و ترزع عادة خضروات كالخيار و طماطم ( وان كان يعد فاكهه ) ، فواكهه كالبرتقال ، زيتون و في مراحل لاحقة بعد تحسن جودة الارض و توفير المياة مع نوعيات معينة من البذور تزرع قمح و ارز .

ثانياً : التفرقة بين زراعة الاشجار المثمرة / الفاكهة ، الغلال

الاشجار المثمرة : مثل البرتقال / المانجو ..... ، و يتم زراعتها كأشجار و الانتظار لفترة من 4 : 5 سنوات حتى تعطي بشائر انتاج و فى المقابل يكون عائد ايجارها مجزي جدأ معى زيادة السنوات و زيادة الانتاج

الغلال : مثل الارز و القمح و الفول .... ، و يتم زراعتها سنويا ً و يتوقف العائد منها على حسب سعر الدولة فى تجميع المحاصيل

لاحقاً استكمل الرد .....

و لنا عودة ....

نيجي للنقطة اللى تهم كل الناس ( العائد )


العائد علي حسب نوع المحصول و أنتاجة و ملكية الارض ، بمعني اكثر توضيحاً :

- الجنائن / الفواكـــة :

و دي لها حسبة خاصة بها ، يعني أنت بتبدي اول سنة تظبط الارض و تشوف الاصناف اللى تنفعها و يفضل عمل تحليل للتربة للوقوف على طبيعتها قبل الزراعة و أختيار نوع الشتلات .

الانتاج عادة تبدأ بشائرة بعد 4:5 سنوات و لا يكون انتاج مجزي لكنة مؤشر لنوع المحصول و مدي جودة الشتلة المستخدمة لكن ما يأتي من الانتاج يعوض التكاليف السابقة تدريجياً ، و لا تحتاج مجهود كبير فى العناية ، و يتمثل فى متابعة الارض فى مواعيد رش المبيدات و التسميد بالكــيماوي ، و يفضل فى حال امكانية زراعة خضروات فى السنة الاولي تحت الشجر ان يتم ذلك لانة يعوض جزء كبير من التكاليف المدفوعه إلي ان تقوم الاشجار بالانتاج

و في الاغلب لو فى ارض ريفية يقوم بتأجيرها فلاح بسعر اقل من الاسعار المتداولة فى ايجار الارض ، مع قيامه بتسميد الارض و يقوم المالك بتوفير السماد و يراعي الفلاح / المزارع بشيكارة له مجاملة

و يكون ايراد الفدان فى الجنائن المثمرة المنتجة برتقال من 7000 جنية حد ادني إلي 15 الف للفدان ، و على حسب جودة الصنف يزيد اكثر ، و جنائن المانجو تزيد لكن لا اعرف بالظبط الاسعار

- المحاصيل الزراعية :

و عادة بيكون محصولين فى السنة ( صيفى و شتوي ) زي ما اتفقنا هي عبارة غلة / قمح و دي بتبقى في الفترة من أخر شهر 11 إلي شهر 6 يونية و يطلق علية المحصول الصيفي ، و في الأرز و محصول الذرة و دي بيبقى من شهر 7 الى أخر شهر 10 و يطلق عليها المحصول الشتوي

و يكون ايراد الفدان على حسب الانتاج بالاردب مضروباً في سعر تسلم / توريد الحكومة للمحصول .

و عادة بيكون الارض اللى بتزرع محاصيل زراعية الايراد بتاعها حاجة من اثنين :

يا أما صاحب الارض بيقوم بتأجير ها لمزارع و يحاسبة على ايجار سنوي و ليس لة علاقة باى شيئ غير قيمة الايجار اخر السنة بمعني القيراط ب = 100 ج ، اذن الفدان 100 ج * 24 قيراط = 2400 جنية مثلاً ، و يتم تحديد قيمة ايجار القيراط بنسبة ثلث الايراد المتوقع للمزارع من الارض ، اى اذا كان الايراد المتوقع حوالى 7200 ج في السنة للفدان ، يكون نصيب المالك الثلث = 2400 ج .

يا اما صاحب الارض هو اللى بيزرع ملكة بنفسة و هذا هو المستفيد الاكبر بلاشك ، و بعيداً عن الظروف الغير طبيعية ، مفيش فلاح / مزارع بيخسر ابداااااااااااً

أستكمال :

* لي ملاحظة على زراعة الطماطم

الطماطم زرعة قد تثري البعض ، و قد تخرب بيتة ، و زى كلنا بنقول مجنووووووووووونة لية؟؟؟؟

لان فى سنة كيلو الطماطم يوصل ل 5 ج ، و سنة بيبقى سعرة .5 قرش

طيب ابو 0.50 قرش دة هيتلم من المزارع بكاااااااااااااااام ؟؟؟؟

و بالتالى فبلاش اللى يفكر فى العائد من الارض انة يركز فى اسعار الطماطم ، لانها اسعار يا فالسماء يا فى الارض .... و ربنا يســتر على الكل و يرزقة .

يا ريت الحسابات تبقى على المحاصيل التقليدية ، لان هى دى اللى ممكن تعطي صورة مبدئية لعائد و تكاليف اي مشروع زراعي .

يا جماعة الموضوع ده جميل جداا والله انا نفسى استريح من الغربة واعيش فى بلدى بس خايف اعمل مشروع زى كده ويخسر يعنى مثلا لو معايا 100 الف جنية دول ممكن اقدر ابتدى بيهم موضوع الزراعة ده بس الفكرة انى مش بفهم خالص فى الزراعة