مع خالص إحترامي للجميع اي شخص عمره ما هايعرف طعم الفلوس الحلال إلا من فلوس الزراعة، انت بترمي البذرة و بتعمل اللي عليك و فعلاً ربنا هو اللي بيقوم بالباقي و مهما اي شخص حسب العائد بمعنى الدخل من الزراعة عمرها ما هاتيجي صح او حتى قريبة ، الزراعة فعلاً مهنه بتكون فيها قريب من الله.
الزراعة في ناس بنت قصور منها و فية ناس قتلت نفسها و ناس دخلت السجن بسببها.
نصحتي للجميع النية الحسنة.
بالنسبة للمكسب فإن مكسب الارض رايح الى اللي قاعد فيها يعني لو انت عايز مزرعة علشان كل شوية تقول انا رايح المزرعة و جي من العزبة يبقى جهز نفسك للخسارة الفادحه، لازم تتابع و تتابع و في الاخر لازم تتابع.
انا شفت نماذج خطيرة من العمال و اللي بيعملوا و لو مش متابع هاتحسر يعني مرة واحد قال نجيب كام خروف و نربيهم الاكل كثير و ببلاش ثم اخضرنا 4 خرفان 3 اناث و ذكر، الانثى خلفت و بعد فترة كلمني في التليفون و قال مات تاني يوم انا رحت اسئل فين الجثة طبعا مش موجوده و بعدها نفس القصة مع الام و برده الجثة تاهت.
عموماً أخواني الأعزاء انا زراعي استشاري (27 سنة خبرة) و اي خدمة انا تحت امركم و ارجو ان تحددوا استفساراتكم في صورة اسئلة و سوف اقوم بالرد عليكم.
(اذا تم تأخير مني في الرد على احد الاستفسارات فأرجو ان تجدوا لي العذر لعدم تواجد الانرنت بإستمرار - ظروف سفر العزبة هههههه)