الموضوع: سؤال برئ

المشاركة الأصلية كتبت بواسطة misoalex

اه مسؤل وعندى بيت وطفل

بس كنت فرحان وانا قاعد فى البيت ومش شغال
اه كنت فرحان

والى نزلو واستشهدو وقدمو حياتهم عندهم برضه بيت واولاد مش كلهم عيال فاضيه فيهم متجوزين ومخلفين

بس انا كنت فرحان عشان عندى مجرد امل انى لو قعدت شهور مش شغال او حتى شغال باللى يكفى بيتى مش مشكله لان فيه سنين جايه حتبقى احسن من الى فاتت

فرحان عشان السرطانات الى ممكن تجيلى او تجى لمراتى او تيجى لولادى فيه امل انها تتمحى من مصر وميبقاش ليها اثر
فرحان عشان الفيروسات والامراض والفشل الكلوى الى بقى اكتر من الانفلوانزا حيجى يوم ويختفى من البلد
فرحان عشان ممكن يوم ادخل قسم او مصلحه حكوميه واخد حقى
فرحان عشان ولادى ممكن يتعلمو تعليم صح ويبقى فيه مدارس ومدرسين صح
فرحان لحاجات كتيييييييييييييير مش عارف اقولك ايه ولا ايه ساعتها

لكن للاسف كل الامال دى راحت لما شفت الناس الى بتفكر فى رغيف العيش الى معمول بعلف الحيوانات وطبق الفول المسوس
وناس تانيه بتفكر ان المرتب بتاعهم حيتضرب شهرين تلاته ومش حيعرفو يصيفو السنه دى
وناس تانيه نازلين خراب ودمار فى كل حته

يعنى ناس بتموت عشان ولادها تعيش وناس بتعيش عشان تموت ولادها بالسرطان وغيره

وجائت المصيبه الكبرى انى اكتشفت اننا عيشنا اكبر وهم وان الثوره بححححح
ايوه يا فندم الثوره بحححح

وعرفو يوصلو للى هما عاوزينه على الاقل حتى الان

متقوليش جيش ضامن ولا غيره كله بيدور على مصلحته دلوقتى زى منت قولت

حاجه اخيره الفراغ الامنى والبلطجيه الى فى الشارع المسؤل الاول والاخير عنه هو الامن نفسه
متحملش ناس بتدور على حقى وحقك وحق ولادك وولادى ذنب هما ملهومش يد فيه بالعكس اكيد برضه عندهم اخ واخت او ابن فى مدرسه وخايفين عليه زيك واكتر
بس ده مش زنبهم

اخيرا فيه اكتر من موضوع اتعمل هنا عن ان الفراغ الامنى ده بأمر من الحكومه
وده موضوع منهم
http://www.nilemotors.net/Nile/204148-a.html

بس للاسف الناس عامله نفسها مش واخده بالها ومغمضه عينها
وزى مقولتلك فى موضوع تانى
اعرف عدوك الاول قبل متفكر فى الحل

المشاركة الأصلية كتبت بواسطة heshamzaky

مقولتش ان مفيش مكاسب اتحققت فية مكاسب اتحققت بس قيس الخسائر الى حصلت و شوف كم المكاسب قدام الخسائر .

مش عارف انهى نوع من الخسائر حضرتك بتكلم عنه ؟؟؟؟؟؟

حضرتك عارف مصر بتخسر كام كل طلعة شمس من تصدير الغاز لأسرائيل ؟؟؟؟؟

حضرتك عارف حجم الخساير فى بيع شركات القطاع العام تحت عنوان الخصخصة ؟؟؟؟؟

حضرتك عارف فى كام عاطل فى مصر ؟؟؟؟

حضرتك عارف صرفنا اد ايه توشكى و ترعة السلام و شرق التفريعة ؟؟؟؟

حضرتك عارف cost of corruption اد ايه فى مصر فى نظر المستثمرين الأجانب ؟؟؟؟؟

حضرتك عارف حجم الخساير فى بيع و تخصيص اراضى الدولة و اصولها ؟؟؟؟؟

حضرتك عارف اد ايه من دخل قناة السويس بيروح لمخصصات مؤسسة الرياسة السرية ؟؟؟؟

المشاركة الأصلية كتبت بواسطة heshamzaky

و هو مستقبل البلد كل يوم مظاهرات ووقوف فى التحرير و مطالب لا تنتهى مين قال أن الناس كلها موافقة على الكلام دة و أن دة مستقبل البلد. دة ضياع البلد لو بالمنظر دة و الفكر دة ممكن يتم ترجمتة على أنة اهواء شخصية لمؤيدين ترشيح شخص ما لتولى السلطة او ظهور حزب معين أمام الاضواء و تلميعة . مش ممكن الناس تفكر برضو كدة و مش عيب أن الواحد يدور على اكل عيشة دة الى بتنتخبة لو مش حا يحسن احوالك يبقى مالهوش لازمة و هل الناس كلها مليونرات و عندها فلوس و مش فارقة معاها تشتغل و لا ما تشتغلشى علشان مطالب ممكن تتوصف بأنها فئوية و ذلك لاستمرار المظاهرات و الفوضى فى البلد كلها

بص حضرتك يا ريت تفصل ما بين مظاهرات التحرير و المظاهرات الفئوية

مظاهرات التحرير مالهاش اى علاقة بالمظاهرات الفئوية ولو وقفت ...... المظاهرات الفئوية مش حتقف

انا مقدر تماما ...... ظروف الناس اللى حالها وقف و عايز اقول لحضرتك معظم الناس اتأثرت بشكل متفاوت

بس ده كان جاى جاى ....... وكان حييجى بشكل افظع و اسوأ بكتير من اللى احنا فيه دلوقتى

ثورة الجياع كانت حتحصل يعنى حتحصل خصوصا لو كان جمال مسك الحكم

بس كان اللى حيدفع ثمنها مش الناس الى فوق ...... الناس العادية اولاد الطبقة المتوسطة هى اللى كانت حتدفع التمن ده

المشاركة الأصلية كتبت بواسطة Mahmoud Saloum

المشكلة يا أستاذ هشام ان الثورة قامت من أجل العدالة الاجتماعية وارساء الديموقراطية الصحيحة. لكن اللى حصل ان الموضوع اصبح فى اتجاه واحد يعنى أطلع بطلب يا يتنفذ يا أعتصم وهكذا طيب انت منتخب من الشعب لأ طيب منتخب من الثوار لأ أنا بتكلم عن 6 أبريل والتانى لأ انا إئتلاف والتالت لأ انا بتكلم عن نفسى وهكذا طيب ماهو الهيكل كله اتغير والاختلاف فى بعض التفاصيل لأ يا تنفذوا يا نعتصم؟ طيب نقعد ونوصل لحلول وسط لأ يا تنفذوا بالملى يا نعتصم. طيب مهو انتو ممكن تكونوا بتتكلموا غلط لأ إحنا معانا شرعية ثورية نعمل بيها اللى احنا عايزينه حاجة كده زى الفيتو. طيب مينفعش فى استفتاء جاى نشوف الشعب هيقول ايه فى التعديلات و لو اللى تم الشعب رفضه والناس مغيرتش اعتصموا حقكوا لأ مفيش استفتاء اللى نقولو لازم يمشى وبعدين نبقى نستفتى. الموضوع اصبح صعب جدا انا حاسس ان الشباب لا يسمعوا الا انفسهم وهى كلمة واحدة مش مهم الخساير أه مش مهم الخساير لفترة بس دى مبقتش خساير ده بقى نزيف اقتصادى وأمنى وصلف فى المطالب وتوجيه المطالب فى اتجاهات. وكل ماتكلم حد يروح قايلك: ثورة مضادة - حزب وطنى - رجال أعمال - فلول نظام- تستهين بدم الشهداء - اعداء ثورة - خونة

بص يا فندم .....

حضرتك شفت ايه هى المطالب ؟؟؟؟؟ فكرت فيها ؟؟؟؟؟ فهمتها ؟؟؟؟؟ كونت رأى فيها ؟؟؟؟؟

بلاش حضرتك عندك مقترحات بديلة افضل ؟؟؟؟ فى تصور للمرحلة الأنتقالية و مستقبل النظام ؟؟؟؟؟

حضرتك حسبت اد ايه الخساير ؟؟؟؟؟ و اد ايه هى المكاسب ؟؟؟؟؟

حضرتك حسبت تكلفة الفساد و الفشل الفعلية فى مصر اد ايه ؟؟؟؟

هى المطالب دى لو تنفذت فيها ضرر للبلد ولا ضمان لعدم القضاء على الثورة و ضمان لأقامة حياة سياسية و ديمقراطية صحيحة ؟؟؟؟

الشباب دول مش عايزين يحجروا على رأى حد ..... هما بيحاولوا يحموا حقى و حقك

لازم نفهم المطالب ايه ونتناقش فيها .... مش بس نقعد نقول سقف المطالب بيرتفع و مش بيسكتوا

يا فندم اكتر من مرة الشباب طلبوا جدول زمنى لتحقيق المطالب ..... ومفيش رد

و تانى الثورة غير مسئولة عن وقف حال البلد

خيانة الشرطة اللى حصلت و لسه مستمرة هى السبب

المشاركة الأصلية كتبت بواسطة Ralliart

رأيي ان الناس اللي في التحرير لو روحو مفيش اعتصامات هتتوقف لانهم مش مسؤولين عن اعتصام حد في شغله
وكمان مش هتغير حاجة من الشرطة لان كل الناس بتكرههم مش اللي في التحرير بس يعني ايه اللي هيحصل لبتوع المرور مثلاً؟؟ تفتكر خلو ميدان التحرير هيكون سبب في ان عسكري مرور يعمل شغله في الهرم مثلاً؟
وتفتكر ان الجيش واقف في جامعة الدول مثلاً علشان بتوع التحرير؟ ولا واقف علشان البلطجية
يعني من الآخر خلو الميدان مش هينتج عنه انسحاب الجيش ولا نزول الشرطة ولا هينتج عنه الشغل في المصانع انما هينتج عنه ان تلميذ مبارك من اكتر من 40 سنة عمره ما هيقلب عليه

المشاركة الأصلية كتبت بواسطة heshamzaky

أنا مش ضد أن البلد تنظف و الفساد يروح فى ألف لا رجعة . بس ما ينفعش كل دة يتعمل مرة واحدة توقع البلد التطهير لة قواعد لازم يتم واحدة واحدة و بدراسة و الا يحصل فراغ و النتيجة تقلب عكسى

يا فندم مين قال بس ماينفعش

لو حضرتك سبت الفاسدين فى مواقعهم عادى عشان تبقى تحاسبهم واحدة واحدة ..... ابقى قابلنى لو عرفت تمسك عليهم حاجة

ده لو هما اصلا فضلوا قاعدين عادى كدة مش بيعملوا حاجة عشان يقلبوا الترابيزة على دماغنا

و بعدين فراغ ايه اللى حيحصل ..... هو انا لو شلت وزير العدل ممدوع مرعى و جبت مثلا المستشار هشام البسطويسى القضاء حينهار ؟؟؟؟!!!!

لو شلت واحد زى ممتاز القط و اسامة سرايا و عبد الله كمال ...... الصحافة حتدمر ؟؟؟؟؟!!!!!!

يا فندم الفراغ موجود من زمان ...... الناس دى كانت صرحا من خيال فهوى

والدليل ........ الفشل اللى فيه مصر فى كل المجالات