الموضوع: سؤال برئ

الله أعلم
اللى أعرفه ان الحزب شبابه كان منتشر فى كل حته
وفيه ناس اعرفهم حزب وطنى ومحترمين جدا
بلاش تعميم الفساد على كل أعضاء الحزب

وليه لأ.. مش المنتدى متراقب اصلا وبيتعرف بيقال ايه من الاعضاء.. استاذ كريم منير كان عامل موضوع عن اتصال من جهه امنيه قاله خلى الاعضاء تلم نفسها شويه..
واليومين دول شباب الحزب اللاوطنى مليان عالفيس بوك والمنتديات واتوقع جدا نايل موتورز هيبقى له نصيب فى الموضوع دا

اه


وفيه حاجه تانيه مكنتش عاوز اقولها من زمان بس الموضوع زاد عن حده

فيه ناس فى المنتدى مش حزب وطنى ولا حاجه بس خد بالك الثوره وقفت حالهم وقللت من مرتباتهم
ومبقوش عارفين يدفعو اقساط العربيات ولا يقدو باقى مصارفهم
فأصبح الاعتصامات والمطالبه بمطالب الثوره عدو لهم لانه حيمثل ايقاف حالهم مده اطول

تقدر تقول مصالح شخصيه من الاخر

المشاركة الأصلية كتبت بواسطة misoalex

اه


وفيه حاجه تانيه مكنتش عاوز اقولها من زمان بس الموضوع زاد عن حده

فيه ناس فى المنتدى مش حزب وطنى ولا حاجه بس خد بالك الثوره وقفت حالهم وقللت من مرتباتهم
ومبقوش عارفين يدفعو اقساط العربيات ولا يقدو باقى مصارفهم
فأصبح الاعتصامات والمطالبه بمطالب الثوره عدو لهم لانه حيمثل ايقاف حالهم مده اطول

تقدر تقول مصالح شخصيه من الاخر

+1111111111111111111111111111111111111

المشاركة الأصلية كتبت بواسطة heshamzaky

و هو لما الناس يتضرو فى أكل عيشهم و فلوسهم و دخلهم مين حا ينفعهم . حا أسألك سؤال حضرتك بتعمل و مسؤل عن اسرة و لا لآ و لو مسؤل عن أسرة و فاتح بيت و انت الى بتصرف على البيت و حالك وقف حا يكون موقفك أية . من حق كل شخص يدور على مصلحتة زى الاحزاب و الانتخابات الى يعمل برنامج انتخابى ناجح بيفيد البلد بتايدة و الى برنامجة مش موافقك بتعرض عنة . بعنى القصة لا حزب وطنى و لا مؤامرات و لا أمن الدولة عامل مكائد و دسائس و لا ثورة مضادة ولا حاجة من دى الفكرة الناس زهقت من وقف الحال و الفراغ الامنى و الاطفال الى بتتخطف من أهاليها كل دة بسبب الفراغ الامنى . الجيش قال أنا الضامن طيب الناس بتزل لية كل يوم هما بيتممو على الجيش و لا منصبين نفسهم أوصياء و بيتكلمو بلسان الشعب كلة طبعا لآ . الزميل الى كاتب الموضوع الرئيسى أعتقد من المشاركة دى حا تعرف لية فية ناس مش عاجبها بعض الاوضاع و تفهم ان القصة مش لازم يكون ليها بعد سياسى ممكن جدا بعد أقتصادى

اه مسؤل وعندى بيت وطفل

بس كنت فرحان وانا قاعد فى البيت ومش شغال
اه كنت فرحان

والى نزلو واستشهدو وقدمو حياتهم عندهم برضه بيت واولاد مش كلهم عيال فاضيه فيهم متجوزين ومخلفين

بس انا كنت فرحان عشان عندى مجرد امل انى لو قعدت شهور مش شغال او حتى شغال باللى يكفى بيتى مش مشكله لان فيه سنين جايه حتبقى احسن من الى فاتت

فرحان عشان السرطانات الى ممكن تجيلى او تجى لمراتى او تيجى لولادى فيه امل انها تتمحى من مصر وميبقاش ليها اثر
فرحان عشان الفيروسات والامراض والفشل الكلوى الى بقى اكتر من الانفلوانزا حيجى يوم ويختفى من البلد
فرحان عشان ممكن يوم ادخل قسم او مصلحه حكوميه واخد حقى
فرحان عشان ولادى ممكن يتعلمو تعليم صح ويبقى فيه مدارس ومدرسين صح
فرحان لحاجات كتيييييييييييييير مش عارف اقولك ايه ولا ايه ساعتها

لكن للاسف كل الامال دى راحت لما شفت الناس الى بتفكر فى رغيف العيش الى معمول بعلف الحيوانات وطبق الفول المسوس
وناس تانيه بتفكر ان المرتب بتاعهم حيتضرب شهرين تلاته ومش حيعرفو يصيفو السنه دى
وناس تانيه نازلين خراب ودمار فى كل حته

يعنى ناس بتموت عشان ولادها تعيش وناس بتعيش عشان تموت ولادها بالسرطان وغيره

وجائت المصيبه الكبرى انى اكتشفت اننا عيشنا اكبر وهم وان الثوره بححححح
ايوه يا فندم الثوره بحححح

وعرفو يوصلو للى هما عاوزينه على الاقل حتى الان

متقوليش جيش ضامن ولا غيره كله بيدور على مصلحته دلوقتى زى منت قولت

حاجه اخيره الفراغ الامنى والبلطجيه الى فى الشارع المسؤل الاول والاخير عنه هو الامن نفسه
متحملش ناس بتدور على حقى وحقك وحق ولادك وولادى ذنب هما ملهومش يد فيه بالعكس اكيد برضه عندهم اخ واخت او ابن فى مدرسه وخايفين عليه زيك واكتر
بس ده مش زنبهم

اخيرا فيه اكتر من موضوع اتعمل هنا عن ان الفراغ الامنى ده بأمر من الحكومه
وده موضوع منهم
http://www.nilemotors.net/Nile/204148-a.html

بس للاسف الناس عامله نفسها مش واخده بالها ومغمضه عينها
وزى مقولتلك فى موضوع تانى
اعرف عدوك الاول قبل متفكر فى الحل

المشاركة الأصلية كتبت بواسطة aminibrahim

هل ممكن يكون في ناس اعضاء في المنتدي

من ضمن بتوع الثوره المضاده؟

او يعني حزب وطني او يعني واحد بيحاول يوصل حاجه

اكيد فاهمني بس بدون زعل واسف بس هل في؟

انت متأكد إنه سؤال بريئ؟ أنا عايز أعرف يعنى ايه ثورة مضادة؟ دلوقتى الثورة طالبت ان مبارك يرحل ورحل وطالبت الثورة بحل المجلسين والمجلسين اتحلوا وطالبت الثورة بتغيير وزراء حكومة نظيف والغالبية العظمى اتغيرت. والثورة طالبت فى بدايتها ان الجيش يترك الحكم فى خلال 6 شهور والجيش متمسك بكده. والثورة فى بدايتها طالبت بتعديل مواد الدستور 76و77و88 والتعديلات شملت مواد أكثر. و طالبت الثورة بمحاكمة المسئولين عن دم الشهداء ومحاكمة سارقى اموال الدولة وكلهم حاليا تحت التحقيق لدرجة ان رئيس الدولة السابق وعائلته تم منع سفرهم والتحفظ على أموالهم وده تمهيد لفحص الشكاوى ضدهم وطالبت الثورة بحرية الاعلام فتم الغاء وزارة الاعلام.

لما كل ده يتحقق والناس تقول عايزين استقرار ويرفضوا التمادى فى الاعتصامات وحالة عدم الاستقرار يبقى دول ضمن الثورة المضادة. مهو مش كل يوم تطلع شوية طلبات ويتعمل اعتصام ومظاهرات عليهم ولما يتنفذوا يطلع غيرهم وبعد ماكانت المطالب لمصلحة البلد ومصلحة الشعب بقت المطالب لصالح البرادعى مرة والاخوان مرة وشباب عايز يوجد لنفسه مكان مرموق فى الحياة السياسية مرة وكل مجموعة تقعد تخترع شوية طلبات والبلد عمالة تخرب ولما الناس تقول لا احنا مش موافقين على كده نقوم نقول ثورة مضادة.