كنت عاوز اعرف فتيبس الاتوماتيك للنوبيرا الاستيراد بكام
وطقم الاصلاح بكام
لاني الفتيس بيتأخر في الغيرا ممكن يكون من ايه تأخير الغيار ده
عرض للطباعة
كنت عاوز اعرف فتيبس الاتوماتيك للنوبيرا الاستيراد بكام
وطقم الاصلاح بكام
لاني الفتيس بيتأخر في الغيرا ممكن يكون من ايه تأخير الغيار ده
تاخير الغيار من سلك العيار بتاع الفتيس شوف حد يعايرلك رجلاش سلك الفتيس و ان شاء الله حاجة بسيطة
كل ما ترخي السلك هتجي النقلات بدري بس هتلاحظ ان العربية كسلانة لنها بتاخد غيارتها كلها بدري
كل ما تشد السلك تتاخر النقلات ودة بيديك اداء احسن مع زيادة بسيطة في استهلاك البنزين
علشان توصل للوضع الموصي بة خلي حد محترف يظبطهالك وتطلع تجرب و هكذا لحد ما توصل لوضية مريحة ليك و للعربية
و للمعلومة النقلات المظبوطة بتكون كالتالي
1-2 عند rpm 2.5 ودي حسب ضغطة رجلك و الطبيعي عند 30 كيلو او عند 2.75
2-3 عند 2.75 او 50 كيلو و ممكن تيجي عند 3 و 60 كيلو
3-4 عند 2.75 او عند 70 كيلو و تيجي برضة عند 3 او 80 كيلو
اه نسيت لو الرجلاش مجبش نتيجة يبقي هتنظف فلتر الفتيس و تغير زيت الفتيس
وانت مش هتحتاج تغير فتيس لهذا السبب الا لما تحصل عيوب في الكلتشات فبلاش فكر تغيرة انت ممكن اللي عندك احسن من الأستعمال
عيوب الكلتشات ان صوت الموتر عمال يعلي و لفاتة بتزيد و مفيش اي زيادة في السرعة كأنك ممور وبتدوس بنزين
و
عموما اجابة علي سؤالك سعرة يعمل في حدود 1500 جنية بالتركيب
الف شكر علي الرد السريع والاهتمام يا moko وربنا يبارك لك
800 جنيه فى الحرفيين
زيت الفتيس و الفلتر سبب فى تاخير نقلات الفتيس لازم تغير الزيت و الفلتر عند مكانيكى لانة حينزل كرتيرة الزيت و ينظفة و الفلتر لان انا كان بيحصل معايا كدا و لما غيرت الزيت و الفلتر اتظبط معايا
الف شكر علي الاهتمام والرد
بس انا كنت عاوز حد بيعمل رجلاش كويس
انا مش لاقي حد في فيصل
اعملة بايدك وجرب وابدا مرخي جدا يعني حتت الرصاص الصغير علي وسك انها تبقي لازقة في مسمار الرجلاش و اطلع جربو خلي رجلك خفيفة قوي علي البنزين عشان تحس بالنقلة وبعدها شد السلك حسب الحاجة
الأدوات المطلوبة مفتاح 10/11 فقط
طيب معلش هو مكان الرجلاش فين
عارف سلك الأكسرتير السلك اللي بنزود منة البنزين
في واحد تاني تحتة متوصل علي بكرة البوابة هتلاقي صمولتين ماسكينة ريح و احدة و ابدا حرك التانية قدام او ورا و بعد كدة اربط علي الوضع الجديد طبعا الوضع الأصلي انة يكون في فرق 2 ملم مابين قطعة الرصاص الصغير علي السلك و بداية مسمار الرجلاش لو رخيت عن كدة تبدأ النقلات تيجي بدري لو شديت تيجي النقلات متأخر و يديك اداء شبة رياضي
العفو و انا في الخدمة اي وقت