ياجماعه انا بدور على مازدا 3 بس مش عارف ازاى افرق بين الاوروبى والخليجى واكشف عليها فين انا بدور على واحده 2008 لو حد قدامه حاجه يقوللى
عرض للطباعة
ياجماعه انا بدور على مازدا 3 بس مش عارف ازاى افرق بين الاوروبى والخليجى واكشف عليها فين انا بدور على واحده 2008 لو حد قدامه حاجه يقوللى
انا عندي مازدا 2007 خليجي عامله 90 الف ستيبترونك كامله ماعدا فتحة السقف
عايز فيها 85
السلام عليكم و رحمة الله و بركاته
أنا من فترةكنت بسأل واحد جارى على العربية mazda 3 و قولتله, ايه مكانتها بالنسبة للعربية اللانسر و الكرولا؟؟؟
قالى, ماتقارنش بينها و بين العربيات دى, لكن قارنها مع الbmw 316 .
أنتوا ايه رأيكم فى الموضوع ده؟؟؟
يعنى أنهى الأفضل, الmazda 3 و اللانسر البوما و اللانسر الشارك و الكرولا.
أنهى الأفضل ؟؟؟
شكرا و جزاكم الله كل خير .
مازدا أفضل من حيث الشكل والأمكانيات والموتور والتقفيل والثبات نظرأ لقربها مع الأرض وده عيب فى نفس الوقت فى مصر "أفضل كسيارة من الأخر"اقتباس:
المشاركة الأصلية كتبت بواسطة maserati
الأعتمادية وسعر أعادة البيع أفضل للانسر والكورولا
لو أنت شاب من الأخر مازدا أفضل - لو أنت كبير فى السن فوق ال 40 أنصحك بكرولا
عربية محافظة على سعرها ومحترمة
اللانسر بصراحة مش بحبها "رأى شخصى" - شهرته فى قطع غيرها وتوكيلها وسعر أعادة بيع بس كعربية فى أفضل منها زى المازدا كمثال قريب جدأ
السلام عليكم
أنا كنت عاوز أعرف جمارك العربية المازدا 3 لأنى كنت بفكر أنزل واحدة من السعودية .
انا بفكر أنزل أول فئة خالص أتوماتيك
اقتباس:
المشاركة الأصلية كتبت بواسطة cayenne
حوالي 60 الف جنيه تقريبا
يا جماعة انا رايى ان المازدا احسن بكتير من اللانسر و الكورولا خصوصا ان كانت مشكلتها قطع الغيار بس من كام يوم نزلت شارع دمشق اجيب تيل فرامل لقيت 14 نوع !!!!
الكلام دة مكانش موجود زمان مكانش فية غير تيل فرامل واحد بس الى هو الاصلى و كان ب 1050 جنية دلواتى الاصلى بتاعها ب 350 جنية و دة طبعا انجاز و لما سالت لقيت الرمسا الاسبانى منزل للمازدا تيل ب 170 جنية و انا بصراحة شايفة احسن من الاصلى
و لما لفيت شوية عرفت ان فى ناس كتير بقت بتستورد قطع غيار للمازدا و بقت متوفرة جدا خصوصا ان المازدا 3 و الفورد فوكس و الفولفو اس 40 نفس الموتور و العفشة و الشاسية و تعاون تم بين التلات شركات دول عشان يعملوهم
دة غير ان فى الحرفيين قطعيات المازدا بقت اكتر من اللانسر و التويوتا
لو عايز تقارنها كاداء قارنها بالهوندا سيفيك تقريبا الفرق مش عظيم و السعر ارخص و قطع الغيار ارخص و الاوبشن اعلى
اما الفرق بين الاوروبى و الخليجى بتبقى فروق بسيطة اوى ان الخليجى 2 اير باج الاوروبى 6 ايرباج شكل الشبكة من ادام مختلف شوية و الفوانيس الى ورا مختلفة و الخليجة بتبقى المقابض بتاعة البيبان لون العربية الاوروبى بتبقى نيكل و العفشة مختلفة شوية فى الاوروبى (احساسى لما جربت الخليجى عشان عربيتى اوروبى) و بردو السى دى بلاير مختلف و الخليجى مفيهاش كمبيوتر رحلات
اقتباس:
المشاركة الأصلية كتبت بواسطة pioneerahmed
الله ينور يا احمد
سؤال هو فعلا التيل الاصلى بقى 350 جنيه ؟؟؟؟ ده خبر جميل قوى بس فين الكلام ده
وفعلا انا نزلت الحرفيين مرة حاجات مازدا متوفرة والحمد لله زى الفل
فعلا المازدا افضل عربية فى دول
الحاجة الوحيدة انها صغيرة شوية فى الكنبة الخلفية
وسعر اعادة البيع وده مش مهم لو انت مش بتغير كتير
well i have a mazda 3 model 2008 full options except for the sunroof and i am asking for 86000 LE
about the teel, the original costs now 700 LE, the korean is the one with 350 LE and it damages the tanabeer, and you can find both at sonesta motors
الاصلى ب 550اقتباس:
المشاركة الأصلية كتبت بواسطة kariko
مع احترامي للمازدا زووم زووم
عمر ما مازدا نفسها تقدر تقارن نفسها بالالماني و خصوصا بالبي ام
التويوتا افضل من مازدا
الهوندا افضل من مازدا
ممكن المازدا احسن من اللانسر و الصني
بس خيارات اللانسر الرياضية و اتساع صالنوها احسن من المازدا 10 مرات
ممكن نتكلم عن مازدا 6 الكلام ده
انتوا بتتكلموا فيه ايييييييييييييييييييييييي يييييه
مازداااااااااااااااا افضل سياره ياباني باستثناء الموتور الضعيف
غير كده انسوا ولا هوندا ولا لانسر ولا تويوتا
بس عشان الواحد يتكلم بحق
هوندا محرك قوي جدا وبرضو فيها ثبات حلو بس مش احسن من مازدا
تويوتا عفشه ممتازه جدا جدا جدا وناعمه وثبات مقبول ومرضى خصوصا الموديل الجديد احسن من القديم
لانسر عربيه مالهاش لازمه لا البومه ولا الشارك ومحدش يناقشني في الموضوع ده
مازدا 3 اكترهم ثبات وامتعهم في القياده وفراملها ممتازه وعربيه من الاخر الي بيركب فيها ورا او قدام مش بيحس باي حاجه خالص عيبها ضعف الموتور بس
بالنسبه لان العربيه واطيه ف في عربيات كتير واطيه وبتحك والهوندا بتحك والجيتا اوطى منها مشوفتش
لا يا فندم انا بختلف مع حضرتك فى النقطة دية موتور المازدا مين الى قال انو ضعيف!!!اقتباس:
المشاركة الأصلية كتبت بواسطة حماده المصري
دة اقوى موتور شفتة فى حياتى اقوى بمراحل من التويوتا و اللانسر و الهوندا و مستعد اتحدى اى حد
لسة صاحبى جايب هوندا سيفيك موديل 2010 ماشية 25000 كم و انا عربيتى 2007 ماشية 90000 كم
مقولاكش عملت اية فية :glasses12:
هو ثبات الهوندا افضل شوية من المازدا( بس مش معنى كدة ان المازدا مش ثابتة )
و بردو تكييف المازدا احسن بكتير من الهوندا (بس بصراحة التويوتا تكيفها احسن ) لكن بردو التكييف مش بياثر خالص على سحب العربية عكس التويوتا و الهوندا (و الهوندا بالذات)
و بردو المازدا حريقة بنزين و دة عيب فيها انها بتستهلك بنزين بشراهة و دة مش عندى بس عند كزا عربية مع اصحابى
اما قصة تيل الفرامل يا جماعة لما تيجو تجيبو تيل للمازدا هاتو تيل للفورد فوكاس الاصلى و الله هو هو و ارخص
نفس فكرة الستروين و البيجو نفس قطع الغيار بالظبط بس الستروين اضعاف البيجو
و بردو الالنترا و الفيرنا نفس تيل الفرامل بس الالنترا اغلى 50% على الفاضى
هي بتاعت الوكيل هيا الأوروبي ؟ أنا برضه عايز أجيب mazda 3 موديل 2008 و- لما نزلت أشوف المعروض لقيت عربيتين لونهم أسود أول فئة a\t واحدة فرش بيج و-multi function و واحدة تانية فرش رمادي ومن غير multi أنهي فيهم الوكيل وأنهي الخليجي وأنهي أحسن أنا كنت سمعت أن عفشة الوكيل بتستحمل أكتر وأعلى عن الارض !؟ ايه رايكو في الكلام ده عشان أنا احترت الصراحة :Copy of majd(4):
اولا مفيش مازدا وكيل لان اصلا مكانش ليها وكيل ساعه لما نزلت غبور خد وكالة المازدا اخر 2010 على الشكل الجديد
ثانيا كان فية شركتين بيستوردو المازدا شركة سونستا موتورز و سمارت كار كانوا بيجيبوا مواصفات اوروبى و خليجى
ثالثا الفرق بين الاتنين انا كاتبوا فى مشاركة فى اول الموضوع (سورى مش عارف اجيبها عشان انا دلواتى بكتب من الموبايل) و عامة هو فرق كماليات مش فرق جوهرى اوى يعنى بس الكماليات الاكتر فى الاوروبى
بس أنصحك تخليك في الخليجي عشان التكييف أقوى والدهان أحسن كمان