معلش انا مجبر انى اعيد رد كتبتة فى موضوع اخر ردا على كدة
مع العلم ان اسعار التوكيلات هى كدة
حضرتك قلت
لأنه فى تانى مره مش هيعملك حاجه غير تغيير زيت وفلتر ونفخ هوا زى أول مره
مضبوط ؟
هو دة الى مش صحيح
و الى بيحصل بناء على تجربتى معاهم سنين
و حضرتك لو رحت صيانة ال 5000 الاولى يبقى دة الى حصل معاك
هو
تغير الزيت
ربط عفشة
التأكد من سلامة الطنابير و تيل الفرامل
الكشف العام على العافشة
تدوير العجل (حسب طلبك )
نفخ فلتر الهواء
تنظيف او تغير فلتر البنزين
تنظيف بوابات البنزين ( حسب الطلب و ممكن تتعمل مجانى و ممكن يحطوهالك على الفاتورة و التكلفة 50 ج لو اتحملت على الفاتورة )
نفخ الطنابير بالهواء
ضبط نسبة المياة
غسيل الماتور بالفوم (بالتفاهم مع الفنى والا لن تحدث )
الاطمئنان على السيارة بصفة عامة
و بيحصل كل صيانة
برجاء مراجعة الموضوع دة
http://www.nilemotors.net/Nile/185698-a.html
ودة بيحصل كل صيانة
شفت حضرتك انا معترض على اية ؟
طيب اية البديل
انك ما ترحش مضبوط
تمام ماترحش بس كمان انسي الضمان
بس ممكن اعرف فرع اية حضرتك رحتة و معملوش غير نفخ هواء و تغير زيت و فلتر
انا مع محاولة ترخيص سعر المصناعيات اتمنى
و احمد باشا
هو سعر الصيانة بعد زيادة الاسعار الفترة الاخيرة
تقريبا فى المتوسط 200 ج لان سعر صيانة كل ال 5000 ارخص من صيانة كل 15000
و لسة النهاردة قارى موضوع ان تكلفة تغير تيل فرامل شامل تيل الفرامل 520 ج فى رينو ( فى المتوسط لان كل واحد التوكيل عاملة دة بسعر )
مع العلم ان نفس الموضوع للاوبترا تكلفتة حوالى 280 ج
و بالتوفيق فى القرار السليم