و عمرو اديب كمان ... معاهم و وشة مايع و بأتجاهين
عرض للطباعة
و عمرو اديب كمان ... معاهم و وشة مايع و بأتجاهين
خيرى رمضان و نامر أمين دول لازم التليفزيون ينضف منهم.....والله دمى بيفور لما بشوف حد منهم
حد كان سمع خير رمضان في اخر ايم المظاهرات قبل التنحي بكام يوم
لما كان مستضيف بعض شباب الثورة فعلا
وكان بيحكلهم عن موقفين حصلوا امامه امام مجلس الوزراء وهو كان رايح داخل مجلس الوزراء فالظابط وقفه وقاله انا عارف حضرتك بس لازم حد يجي من جوه ياخدك ...... يا سلام
المهم
وهو واقف خير الله ما اجعله خير
واحده عجوزة جايه بتجر شنطة كبيرة وداخله جوه الميدان بتاع التحرير
فالظابط قالها راحه فين يا حاجه
قالتله ده انا داخل واخده ميه وحاجه ساقعه للناس جوه
قالها الظابط عاوز اشوف ايه اللي في الشنطة
قالتله مفيهاش حاجه غير الميه والحاجه الساقعه
قالها مش مشكلة هبص بص
واذ به ينظر يجد خير الله ما اجعله خير
15 الف جنيه
قالها ايه ده يا حاجه
قالتله اصل انا راحه اشتري حاجات من نص البلد
حلو الكلام
ماشي
بعد شويه برضه وهو لسه واقف مع الظابط
شاب فلسطيني جه ومعاه لفه في ايده قاله رايح فين قاله الشاب انا داخل اتفرج على الشبابا جوه
الظابط قاله معاك ايه
قاله مفيش شوية اكل باين على ما اتذكر
قاله طيب اشوفها
لقى ايه خير الله ما اجلعه خير
لقى اللفه فيها حشيش و 10 الاف جنيه
المهم في النهاية ايه الفائدة من الكلام ده
ان خيري به كان بيستشهد بالقصص دي ان انت ممكن يحصل امامك مواقف تاخدها بمحمل الشر يعني لو انت مش فاهم الوضع ايه
يعني خيري بيه عاوز يقول للشباب بتوع الثورة انه فهم ان ده عادي بس لو حد تاني كان فهم الست العجوزة دي غلط هيا والشاب الفلسطيني
يا سبحان الله
انا برضه لو كنت قاعد امامه كنت ......... ولا بلاش
يالهمناظر قذرة والله العظيم
كنت عاوز اعلق بس لاقيت الناس قامت بالواجب 100%
والله أنا مش بطيق اشوفة من ساعة ما بدأ حملة على القنوات الدينية وعمل حلقات عنها وانها بتفرق الامة وانها بتنشر الفكر الصحراوي والفتاواى الفضاية وشوية كلام حمصي على كسكسي
وهووووب القنوات اتوقفت كأنه بيمهد للناس وبيشحنهم ضد القنوات الدينية
أنا سمعت انه هو اللى قال على موضوع مدارس الشويفات و فى الأخر أصلا الشويفات طلعت مش نطلع باصات الفترة دى و دا كلام من واحدة صحبتى أختها هناك !!! ربنا يهدى!!!
الحمد لله انني لا اعرف هذه الاسماء وبحثت عن صورهم في جوجل يمكن اعرفهم !!!!
لانني بحمد الله اخر مرة شفت فيها اي قناة مصرية حكومية كان سنة 2000
ولو مرت امامي اثناء ترتيب قنوات الدش اصاب بالغثيان
اما القنوات الخاصة
بعد الثورة بدأت اتابع يسري فوده على on tv شخص محترم ومهني ويحمل عبق قناة الجزيرة كما ان هذه القناه هي القناة الوحيدة نقلت احداث الثورة بطريقة صحيحة غير موجهه مبكراً
وفي قناة الفراعين في واحد فلاح ممتع جدا بس مش عارف اسمه هو واخد القناه على حسابه مذيع ومحلل وسياسي وكل حاجه امبارح عامل حلقة فضح فيها جهاز ماسبيرو كلو .... بس جدع جدا
قناة on tv ملك لنجيب ساويرس
و فعلا برنامج يسري فودة برنامج محترم زي مقدمه
قناة الفراعين دي بقى نكتة
أنا أعرف إن صاحبها من نبروه - قرية في الدقهلية - و كان مترشح في مجلس الشعب المشئوم الأخير ده و تقريبا كان شغال في القناة السادسة .. هو فعلا بينقل القرية المصرية بكل ما فيها إلى العالم
إسمه حاجة عكاشة مش فاكر بالظبط