اللى عارف مواصفات الهوندا سيفيك 2008

انا عاوز اعرف ايه مواصفات الهوندا سيفيك الجديدة 2008 وتمنها كام وكتر خيره اللى يجيبلنا صور للتابلوه بتاعها من جوه

يا باشا الهوندا سيفيك 2008 هى نفس مواصفات 2007 لا اختلاف نهائى بين الاتنين
المواصفات يا باشا
1600 سى سى (140 حصان)
كاسيت شرايط وسى دى (اوديو فقط)
مثبت سرعه فى الدركسيون
مسند يد امامى واخر خلفى
اوتوماتيك CVT
انوار بالصالون اماميه (تحت المرايه )
مرايا جانبيه قابله للطى فى الاتجاهين (الى داخل السياره والى الخارج)
2 حامل اكواب امامى و2 خلفى
طفاية سجاير محموله
4 زجاج كهربائى (زجاج الساق اوتوماتيك حيث يتوقف تلقائيا اذا اصطدم بعائق (ايدك مثلا))
دركسيون باور كهربائى يتمتع بسلاسه عاليه على السرعات المنخفضه وتحكم عالى الاداء على السرعات العاليه
فرش داخلى فاخر
التابلوه تحفه فنيه
عداد السرعه ديجيتال
اقتصاديه فى استهلاك الوقود فى السفر (320 كيلو فى الصفيحه عن تجربه)
تحكم فى ارتفاع وانخفاض الدركسيون وايضا بعده او قربه من السائق (للداخل وللخارج وفى الاتجاهين)
فتح الشنطه وتنك البنزين من الداخل
سير كاتينه جنزير وليس سير مطاطى ويتم تغييره عند 200 الف كيلو
البوجيهات يتم تغييرها عند 100 الف كيلو
مساحات تخزين داخليه وفيره
شنطه زات مساحه كبيره ويمكن طى المقاعد الخلفيه لزياده مساحة التخزين
مساحات الزجاج بتقنيه جديده لضمان اكبر رؤيه للسائق وافضل اداء اثناء المطر
وساده هوائيه للسائق واخرى للراكب الامامى

ودى صوره للتابلوه بتاعها


http://www7.0zz0.com/2008/04/08/21/152093089.jpg


ويلر اكون قدرت اخدمك بحاجه تنفعك

الف شكر يا استاذ ميمو انا كان نفسى اعرف الاوبشنز الى موجودة فى السيفيك بتاعت هنا
بس فى استفسار بسيط هوا التابلوة بتاع هنا نفس اللون والكاسيت والتكييف والعدادات دى
بس على فكرة كان فى جدال بينا عن اللانسر الجديدة والسيفيك وانا كنت بحاول ابين ان اللانسر احسن
بس انا دلوقتى مقتنع ان السيفيك احلى بكتيييييييير بعد ما شوفت الاوبشنز والتابلوة والشكل الخارجى الوهمى والثبات

استاز سعداوى لا شكر على واجب
ده واجب عليا تجاه المنتدى الرائع وكل اخواتى اللى كسبتهم من خلاله انى اجاوب على اى استفسار اكون اعرف اجابته ويارب اكون قدرت اوفى ولو جزء بسيط
بالنسبه للتابلوه هو فيه اختلاف بسيط
1) الزراير اللى فى شمال الدركسيون دى مش موجوده لان دى زراير التحكم فى الكاسيت لكن الزراير اللى على اليمين موجوده ودى زراير مثبت السرعه اللى اكثر من رائع وعن تجربه
2) التكييف فى الصوره يحتوى على شاشه مكتوب فيها رقم 25 الشاشه دى كمان مش موجوده لان التكييف اللى فى الصوره اوتوماتيك ولكن اللى فى العربيه مش اوتوماتيك يعنى ماتقدرش تظبط درجة الحراره على درجه معينه

هما دول بس كل الاختلافات اللى بين الصوره والحقيقه ولكن الباقى كله موجود بنفس الشكل ونفس الالوان مع العلم بان التابلوه له لونين الاول اسود فى بيج زى اللى فى الصوره والتانى اسود فى رمادى وده بيبقى حسب لون السياره الخارجى

نسيت اقولك ان العربيه فيها زرار للتحكم فى ارتفاع الفوانيس الاماميه

وان شاء الله هاصورلك تابلوه عربيتى وارفعلك الصور

بس ايه استخدام d3

بصراحه يا ميمو أنت حببتني في العربيه أكتر أنا حاجزها من الفطيم فرع المهندسين من نص فبراير و ان شاء الله هستلم على آخر مايو بس أنا مخنوق أوي لانها غليت 3100 جنيه واللي خانقني أكتر اني كنت في التوكيل انهارده و قالولي انها احتمال تغلى 2000 أو تلاته تاني لما آجي استلم حسبي الله ونعم الوكيل أنا لو الزمن رجع بيا لورا كنت جبتها فوري ب 148 بس مين فينا يعرف الغيب؟

يا ريت يا ميمو باشا لوعندك السيرفس مانوال أو الكتالوج بتاعها سوفت كوبي تبعتهولي وده ايميلي ahmed_manaa@hotmail.com

أخوك مهندس أحمد (الهنداوي القادم إن شاء الله :))

أنا عاوز أوضح شوية حاجات تانية يا ميمو باشا .... العربية مع واحد صحبي و عارف عنها كل حاجة تقريبا
- الأتوماتك بتاعها مش cvt ده اتوماتك عادي بس بتكنولوجيا متقدمة علي حد معلوماتي يعني
- الثبات ده نتيجة أن العفشة رائعة ( ماكفرسون أمامي و double wishbone خلفي ) مع العلم أن ال دبل ويش بون ده يستخدم للعربيات المطلوب منها الاداء الرياضي
- العداد بيبدي يصفر بعد سرعة ال 120 و لو عديت ال 120 هيفضل يصفر من غيير سكات .... بس مش هتحس بييه
- دواسة البنزين من تحت و ديه حاجة جميلة و احساسها حلو جدا باللمسة
- القعدة بتاعة السةاقة جميلة جدا و دي حاجة معروفة عنها عامة
- من الحاجات الحلوة برضه : أنك لو شادد الهاند و جيت تتحرك بالعربية هتفضل تصفرلك لحد ما تركز
- الاحساس بالسرعة منعدم .....
-لو عايز تجري .... فال vtec يعطي اداء أفضل علي ال أر بي ام العالي و أحسن تسارع
و لو بتتكلم في المتور ...... أشتريها منغيير ما تفكر

شكرا ليكوا يا جماعة على المعلومات الكتيرة ديه وهى عربية فيها سعرها بصراحه واحسن من الكورولا واللانسر اللى سعرهم حوالى 160 الف بجد حرام

Honda is the best I drive acord in Saudi and stability like dream

يا جماعة أنا نفسي جدا أجيب العربية دي.. لكن كل الناس بتحذرني من عيب خطير فيها
إنها واطية من تحت..

أنا قربت يجيلي كوابيس إن اشتريتها وبعدين تيجي مطبات شوارع المحروسة وتاخد ذقن للعربية من تحت :)

ميمو... أرجو المشورة :)

ياباشا والله العربيه مش واطيه زى مالناس متخيله دى مش بورش ولا فيرارى يا جماعه
هو بس الانطباع ده متاخد عنها من زمان
احنا بنبقى والله 3 او 4 فى العربيه ومابتحكش الا طبعا لو الاربعه دول من محبى المحشى
والناس لازم تاخد بالها ان المطب لازم يتاخد بالراحه وان حكمت يبقى بالورب كده بجمب العربيه
وماتخفش لو اتحكت منك لان العربيه مصفحه من تحت وانا نفسى اتحكت منى كذا مره لما كنت شايل 6 افراد ولما روحت التوكيل اعمل صيانة ال 5000 قلت للمهندس يبص عليها من تحت علشان الخبطات دى قاللى يا باشا العربيه مصفحه من تحت وماتخافش عليها ولما رفعها قاللى العربيه زى الفل ومافيهاش اى حاجه

ويجعله عامر

أنت المفروض الفطيم يخصص ليك مكافئة من كتر ما تحبب الواحد في العربية دي

ربنا يباركلك في عربيتك

ويجعله عامر :)

مع احترامى لحضرتك يا استاذ ميمو العربيه فعلا واطيه وده يعتبر عيبها الوحيد ولو العيب دا ما كانش موجود انسى اى حد يفكر يشترى عربيه غيرها

يضاف علي ما قاله الأستاذ ميمو بخصوص مواصفات السيفيك 2008 نظام توزيع قوة الفرملة أوتوماتيكيا وهو المعروف بـ Ebd طبقا لما هوموجود بموقع هوندا وسؤالي لهم بمعرض الفطيم

يا أستاذ ميمو السيفيك 1600 سىسى مش 140 حصان دى ال1800 سىسى
صح و لا غلط

صح السيفيك 1800 سى سى هى اللى 140 حصان بعد الموتور مايركب على العربيه
لكن السيفيك 1600 سى سى الموتور بتاعها 140 حصان وهو لوحده من غير مايركب على العربيه ولكن بعد مايركب على العلربيه مايقلش عن 125 حصان

شكراااااااااااااااااااااا ااااااا

هي العربيه دي ياباني ولا تايلاندي ؟

السيفيك يابانى و السيتى متجمعه فى تايلاند.

مدة ضمان السيفيك الجديدة ايه؟

ثلاث سنوات او 125 ألف كيلو.

ما هى مدة الضمان فى السيفيك الجديدة
وهل يحق للوكيل ان يلغى التوكيل.

انا من ساعت ماجيبت السيفيك خدت بيها يجى 5 مطبات جمدة
النهاردة كنت فى البنزينة و طلبت من الراجل يبص عليها من تحت والى زى الفل مفيهاش خدشة

السلام عليكم انا بسأل عن السيفيك فيها مخل usb و aux

بتسأل على موديل كام ؟