السلام عليكم يا جماعة
النهاردة رحت اغسل الموتور وبعد ما مشيت لقيت العربية سحبها اضعف قولت لسة باردة....بعدها بساعتين لقيت الموضوع زى ما هو حاسس زى ماتكون مخنوقة او سحبها ضعيف....ماذا تفعل لو كنت مكانى ؟؟؟
عرض للطباعة
السلام عليكم يا جماعة
النهاردة رحت اغسل الموتور وبعد ما مشيت لقيت العربية سحبها اضعف قولت لسة باردة....بعدها بساعتين لقيت الموضوع زى ما هو حاسس زى ماتكون مخنوقة او سحبها ضعيف....ماذا تفعل لو كنت مكانى ؟؟؟
ربنا يستر ميكونش النجيكشن حصل له حاجه عموما روح اكشف علي البوجيهات ممكن يكون جه عليها ميه و اكشف علي الرشاشات و مضخه البنزين
اسمح لي اكمل علي موضوعك
ايه هيه احسن طريقه لغسل الموتور
الاسبراي ولا الجاز ولا الميه ولا ايه
يا جماعه غسيل الموتور ده أكثر حاجة وحشة على العربية لأن الماء له تأثيرات عدة :
1- بداية الصدأ لجسم الموتور و الأماكن المحيطة
2- وصول الماء إلى الوصلات الكهربية أو إلى أى حاجة مكشوفة ممكن يسبب مشاكل كثير
3- إغسل الموتور بخرطوم الهواء و بس أقصى طموحك نجيب الفوم بتاع الموتور وده بيتباع عند الماركت بتاع المحطات النضيفة أو تخلى العامل بتاع المغسله بعد ما ينضفة بالهواء يجيب فوطة و يمسحه بيها
4- متعملوش بالجاز و ما شبه لأنه بيلم التراب أكوام عليه و بيعرضه للإشتعال فى حالة السخونه أو حدوث ماس كهربى أو أى شئ آخر
5- غسيل الموتور مش نضافة كل شهر ذى جسم العربية لأ ده ممكن تعمله مرتين فى السنه بالكثير
انا فعلا محتار لان فى التوكيل قالولى انى مغسلش العربية خالص و اسيبها لحد ماروح للصيانة الدورية و هما هيغسلوها، هل ده افضل و لا اروح على الاقل اغسل البودى و العفشة؟؟ :?:
احنا فى الاسكندرية دلوقتى ماشين فى تراب على طول بسبب حملة تكسير شوارع الاسكندرية فالعربية بقى شكل كأنها ماشية فى الصحراء الكبرى :?
روح اغسل البودى والعفشة عادى بس اياك وغسيل الموتور, يجب ان يتم غسل الموتور بواسطة متخصص والا سينال محرك سيارتك الكثير من الاذى..
وبالنسبة للسحب الضعيف تأكد من الوجيهات او من سلوك البوجيهات , واذا كنت حاسس ان فى هزة قوية شوية فى العربية يبقا الافضل تروح لميكانيكى.
شكرا يا جماعة اوى على ردودكم ولكن عاوز اسأل احسن مكان فى الجيزة مثلا اكشف على الانجيكشن والرشاشات والكلام دا كله فين .... وياريت تكون اسعاره معقولة برضه