الموضوع: مطلوب مساعده من دكتور جامعه على درايه باللوائح

الاول احب احييك علي تأييدك للثورة من اول يوم وانك لست من كدابين الزفة
http://www.nilemotors.net/Nile/198655-a-113.html

المشاركة الأصلية كتبت بواسطة eng/muhamad

بسم الله الرحمن الرحيم
انا طالب فى المعهد التكنولوجى العالى بالعاشر من رمضان
اخر سنه ليا فى قسم مدنى
المعهد يعمل بالنظام الامريكى ( نظام الساعات المعتمده ) السنه الدراسيه 3 تيرمات
المفروض ان التيرم التانى بتاعنا بدا يوم 22\1 و طبقا لظروف البلد خدنا اسبوع واحد بس
و الدراسه وقفت
المعهد العميد بتاعه هو مصطفى ثابت ابن عم السيده سوزان مبارك و هو شريك فى المعهد
و متقدم ضده بلافات باختلاس 250 مليون من اموال المعهد و مش عارفين هترسى على ايه
المهم ان الدراسه فى المعهد واقفه بسبب اضراب عمال و موظفين و طلبه و مشاكل ماليه و حاجات كتير اوى و طبقا لقرار الوزاره ان الدراسه تبدا فى الجامعات الخاصه السبت اللى فات و فعلا بدات
لكن نظرا للظروف عندنا الدراسه مبداتش و فى كلام انها هتتاجل تانى كمان اسبوع
و فى بعض الناس بتقول انها لو اتاجلت هيطلع قرار من الوزاره بالغاء التيرم
انا عاوز اعرف هل فعلا ممكن يطلع قرار بالغاء التيرم
و لو حصل احنا مصيرنا ايه انا المفروض كنت هخلص التيرم ده و معايا فى التيرم الصيفى تدريب و شكرا اخد الشهاده
طيب لو التيرم اتلغى ايه موقفى هتاخر تيرم و لا ايه اللى هيحصل انا خلااااااااااااص هيحصلى حاجه

بالنسبة لالغاء الترم تماما لم يتخذ فيها اي قرار من اي جهة وكتخمين ليس الا لن يجرؤ مخلوق على اتخاذ مثل هذا القرار لانهم ليسوا على استعداد لمواجهة ما لا يقل عن مليون طالب جامعي في الشوارع يتظاهروا ضدهم والوزير الجديد من الناس المحترمة جدا من ايام ما كان ماسك وزارة التعليم سابقا فلا تقلق
بالنسبة لمعهدك هناك احتمالات كثيرة منها ان يتم وضع المعهد تحت الاشراف المالي والاداري لوزارة التعليم العالي مباشرة وتستمر الدراسة به تحت اشراف الوزارة من جميع النواحي وهذا هو الحال صاحب الحظ الاكبر من التنفيذ
الاحتمال الثاني ان يتم اغلاق المعهد وفي هذه الحالة الوزارة ملزمة باعادة توزيعكم على معاهد مماثلة في نفس المرحلة التي انتم فيها دون اخلال بأي حق من حقوقكم
الخلاصة لا تقلق وتفائل خير ان شاء الله

المشاركة الأصلية كتبت بواسطة eng/muhamad

لو فرضنا ان الحل ده هيتنفذ هو حل غير مرضى بالنسبه لناس كتير
اولا لما اتخرج هتخرج بشهاده منين ؟ المعهد اللى كنت فيه فعلا و لا اللى تم نقلى له
انا دخلت معهد معين و له سمعه معينه و شهاده معينه معترف بيها مينفعش مره واحده الاقى نفسى فى مكان تانى الله اعلم ظروفه ايه
انا قلت ان الاحتمال الاول هو الطبيعي وان شاء الله يكون هو الحل واتنفذ قبل كدة في اكتر من معهد فيهم مخالفات مالية وادارية رهيبة فلا تقلق لان الاحتمالاللى انت خايف منه ده من اضعف ما يكون وان شاء الله لن ينفذ لكن انا قلته علشان تبقي عارف كل الاحتمالات مش اكتر

شكرا لحضرتك بس الحمد لله مصر كلها تقريبا كانت مع الثوره مش انا بس
و المنتدى فى ناس كتيير مش انا بس
حضرتك لو كنت نزلت ميدان التحرير و شفت الناس
انا اول مره ابكى و احس الاحساس ده فى حياتى
اقسم بالله مفيش حد كان بيكره مصر قدى كنت بعد الايام و الساعات اللى هخلص فيها دراسه و اسافر بره و اعيش بره مصر فى بلد محترمه و كل اصحابى كانوا عارفين عنى كده
و دلوقتى الحمد لله بقولها فى كل مكااااااااااان انا مصرى و افتخر

كلنا نفس المشاعر وكلنا نزلنا ادخل الموضوع ده
http://www.nilemotors.net/Nile/204427-a.html