برجاء التسجيل بجداول الإنتخاب قبل 9 مارس2011 باقي 8أيام

**semsem67** · 01-03-2011 05:16 PM

لمن لا يعلم : كون أن الإنتخابات القادمة بالرقم القومي فلا يغني ذلك عن التسجيل أو القيد في جدول الإنتخاب الذي سوف يغلق بعد يوم 9 مارس وفيه ناس كتير مش واخدين بالهم أو فاكرين أنهم ممكن ينتخبوا في أي لجنة انتخابية طالما معهم بطاقة رقم قومي ودا للأسف غير صحيح بالمرة لأنه يلزم القيد في جدول الإنتخاب علشان يتحدد لكل مواطن لجنته الإنتخابية التي فيها الكشوف بأسماء الناخبين في هذه اللجنة ويوقع الناخب أمام اسمه وكمان بناء على عدد الأسماء بهذه الكشوف تسلم البطاقات الإنتخابية لرئيس اللجنة وذلك بعدد أسماء الناخبين الموجودين بالكشوف.
طبعا فيه ناس كثير عمرها ما راحت انتخابات وفاكرين إنهم ممكن يدخلوا أي لجنة ينتخبوا فيها طالما معهم رقم قومي ولذلك أردت توضيح الصورة حتى لا ينخدع بعض الناس

وجود بطاقة رقم قومي مع المواطن لا يغني عن القيد في جداول الإنتخاب(حتى مع إلغاء البطاقة الإنتخابية)

كيف يتم التسجيل?
مشوار لا يستغرق أكثر من 5 دقائق للقسم اللي أنت تبعه ومعاك صورة من بطاقة الرقم القومي وتملا طلب وتمشي

سوف يغلق باب التسجيل 9 مارس

المفروض أن مواليد 1982 و بعدها مسجلين أوتوماتيكيا ولكن محدش ضامن حاجة بعد حرائق أقسام الشرطة الأفضل يروحوا

أرجو مساعدة كل واحد في نشر هذه المعلومات لأن فيه ناس كتير متعرفش

**زينة الله** · 01-03-2011 05:28 PM

شكرا جزيلا ... ربنا يسهلها

بس مشوار القسم دا إيه نظامه ؟؟ يا ريت التسجيل كان فى السجل المدنى أو مركز اصدار البطايق أو المحكمة مثلا ::::

**korkor** · 01-03-2011 05:28 PM

المعلومه حقيقه وياريت كلنا ننشرها ونشوف اللينك ده على الفيس بوك
http://www.facebook.com/korkor77#!/n...3&id=555420643

**kono** · 01-03-2011 05:46 PM

المشاركة الأصلية كتبت بواسطة korkor

المعلومه حقيقه وياريت كلنا ننشرها ونشوف اللينك ده على الفيس بوك
Welcome to Facebook - Log In, Sign Up or Learn More

حضرتك المحتوى unavailable

**elassar2010** · 01-03-2011 06:05 PM

احنا ماعندناش اقسام خالص محروقة عن اخرها

اعمل اية؟

**Egyzizo** · 01-03-2011 06:22 PM

يبقى استفدنا ايه ، كده بطاقة الرقم القومى زى قلتها طالما فيه مشوار للقسم على أى حال ..

يا ريت يعملوا آلية لتفعيل بطاقة الرقم القومى بدون أى مصاعب لأنى متأكد ان بالرغم من حملات التوعية كتير من الناس مش هيروحوا القسم.

**ramremo** · 01-03-2011 06:29 PM

المشاركة الأصلية كتبت بواسطة egyzizo

يبقى استفدنا ايه ، كده بطاقة الرقم القومى زى قلتها طالما فيه مشوار للقسم على أى حال ..

يا ريت يعملوا آلية لتفعيل بطاقة الرقم القومى بدون أى مصاعب لأنى متأكد ان بالرغم من حملات التوعية كتير من الناس مش هيروحوا القسم.

+111111111111111111111