الموضوع: موقفي من الثورة من اول يوم

يا دكتور محمد ماتضحكش عالناس
أنا شايفك بودني وإنت بتسلم عالريس فغرفة العمليات وبتتفقوا على تنظيم المرحلة الجاية
lol
ياجماعة الراجل كان ليه موقف من الثورة وهو إنه معاها وشارك فيها
وبعد احداث وتطورات معينة استعمل دماغه واخد موقف هو شايفه صح وفيه ناس كتير شايفينه صح -حقه-

احنا لو قسمنا نفسنا دلوقتي هنلاقينا بتاع 10 مواقف عالاقل
بس بصراحة التحول ده كان مفاجئ أو زي مابيقولوا "we didn't see that comming" أنا نفسي بصراحة استغربت بس ده كان طبيعي فظل نقص المعلومات الصحيحة اللي كان عندنا كلنا

مشكلتك يا دكتور إنك لما رديت عالناس اللي مختلفين معاك فالرأي كان ردك قوي والناس نفسها كانت متحمسة قوي فنتيجة التصادم ده كانت قوية من كل الاطراف
زائد إن احنا أصلا مش كلنا عندنا ثقافة الحوار أو تقبل الرأي الآخر عشان كده كان طبيعي قوي إنك تتهم بحاجة زي دي احمد ربنا غيرك قالوله إنت اسرائيلي

بص أنا قلتلك قبل كده إن كتير من اراءك أنا مش متفق معاها بس مش معنى كده إننا نتهم بعض والا من حقك إنك تتهمني باني متهور أو ما عنديش رواية مستقبلية أو براهن بالبلد وكده

متزعلش يا دكتور وبكرة نشوف مين اللي كان عنده حق في تصوره
بس لو طلع الثورجية هم اللي صح هتعزمهم كلهم على اكلت سمك فالبرج
deal

المشاركة الأصلية كتبت بواسطة wael17

أسوأ شيء لما واحد يدي نفسه الحق في وصف واحد تاني بانه عدو للبلد و مش عايز مصلحتها لمجرد الاختلاف في وجهات النظر

للاسف في ناس هاتضيع كل المعاني الجميلة الي قامت عشانها الثورة و علي رأسها حرية التعبير عن الرأي

يا باشا دة مفيش اى حرية خالص و لو ما قولتش أمين و صدقت على الكلام يبقى انت عدو الثورة .. بكرة أفكرك لما يحصل أنتخابات حا تشوف بلاوى و مهازل حا تحصل كل مجموعة مؤيدة لمرشح ما حا يهاجمو الطرف الاخر و بكرة تشوف و تسمع