| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 44

  1. #1

    الصورة الرمزية dr-mohamed

    رقم العضوية : 40918

    تاريخ التسجيل : 23May2009

    المشاركات : 4,852

    النوع : ذكر

    الاقامة : الجيزة

    السيارة: بروتون بيرسونا 2010 اوتو

    السيارة[2]: لانسر كريستالة 99 اوتوماتيك

    دراجة بخارية: لا يوجد ومش بحبها كمان

    الحالة : dr-mohamed غير متواجد حالياً

    افتراضي موقفي من الثورة من اول يوم - Facebook Twitter whatsapp انشر الموضوع فى :

    hasad">

    بعض الاعضاء بيكدبوا الكدبة وبيصدقوها ومنهم من اعتاد ترديد كلمة اعداء الثورة من اول يوم والمدافعين عن النظام القديم والجديد
    في البداية كان الكلام عام بدون تحديد اشخاص وهو ما يدخل في نطاق الاختلاف في الراي لكن بطريقة من يجهلون كيفية الاختلاف في الاراء ولا يعرفون سوي توجيه الاتهامات بشكل غير مباشر دون القدرة على المواجهة المباشرة

    واليوم تمت الاشارة بشكل محدد لي كأحد اعداء الثورة من اول يوم وانى اهاجمها من اول يوم وادافع عن النظام القديم من اول يوم بالطبع يمكنني تقديم شكوي فيهم لتوجيههم تهمة عداء الثورة لي لكن حتي لو تم عقابهم لن استفيد شئ لان الفكرة في حد ذاتها ستظل موجودة عند اخرين

    لذلك وجدت ان الافضل هو وضع المشاركات من اول يوم للثورة
    هو اول يوم في الثورة كان كام ؟؟؟؟؟؟؟؟؟؟؟؟؟؟
    25 يناير صح

    دي بعض المشاركات في ايامها ومن موضوع واحد فقط
    واستبعدت المشاركات التي يتم فيها نقل خبر فقط والمتعلقة بالاطمئنان على اشخاص ووضعت التي فيها راي فقط
    http://www.nilemotors.net/Nile/198655-a-48.html
    ومن يريد يبحث في بقية الموضوعات وسأخفي اسماء بعض الاعضاء الذين كنت ارد عليهم في مشاركاتي احتراما لرايهم وقتها ولنا احضر مشاركات اعضاء اخرين لنفس السبب لانى مع اختلاف الراي وضد التخوين وتوجيه الاتهامات للجميع واستغلال جو الحرية المفاجئ الذي اصبحنا ننعم به في توجيه الاتهامات جزافا دون دليل وعدم احترام الاخرين

    يوم 25 الساعة 11:18 ردا على احد الاعضاء قال ان المظاهرات تذهب باليلاد للهاوية ولابد ان يتدخل الامن لقمعها
    الحق القمة يا..... اللى هانقع من عليهايا راجل احنا من افقر دول العالم في متوسط الدخلواسوا تعليم واسوا رعاية صحية واسوا تغذية والاكثر فساد والاكثر رشوي والاكثر سرقةيا راجل اراضي الدولة اللى استويل عليها الكبار ب800 مليار جنيه وديون مصر كلها 800 ملياريا راجل الغاز بيصدروه يشغل مصانع وبيوت تل ابيب ارخص من سعره عندك وعايزين يرفعوا دعم الطاقة عنك ويدعموا اليهوديا راجل صبي العالمة الطبال اصبح من كبار رجاال الاعمال فيكي يا بلدشوتر مساء الخير

    يوم 25 الساعة 11:44
    والله يا .... للاسف الشديد وصلوا الناس انهم اصبح عندهم استعداد يتقبلوا اي شئ الا الاستمرار في الوضع الحالي كارثة ان يبقي هدف الناس التغيير فقط والكارثة ان مفيش بديل يصلح والخوف ان اي حد يركب الموجة ونتنقل من عصر لاسواء بس وصلوا الناس انها تقول ان مفيش اسوا من دلوقت

    يوم 25 الساعة 11:52 ردا على احد الاخوات كانت عايزة تنزل بالليل
    يا ريت بلاش بنات تنزللو عايزين انزلوا بكرة لو استمر الوضع على ما هو عليهلكن بلاش بالليل لان الليل هو الساعات الفارقة في تاريخنا ولو فيه عنف هايبقي بالليل

    يوم25 الساعة 12:4 ردا على عضوكان بيتكلم عن 2 لطخ كانوا بيهجموا الثورة في التليفزيون المصري ونقل الجزيرة مباشر لما يحدث

    دول اللطخ ابن امين بسيوني اللى اتعين مزيع لان ابوه مدير امن التليفزيون وقتهاوالبتاع التاني خيري رمضان الصحفي الجاهل اللى بيتكلم من غير ما يعرف بيقول ايه او بيكتب ايه

    يوم 26 الساعة 12:28 يعني يوم 25 بعد منتصف الليل مشاركة رقم 573 ردا على احد الاعضاء المحترمين تهكم على ان التليفزيون بيقول ان كل المتظاهرين في التحرير اخوان
    والله يا دكتور........ ما اخوان ولا احزاب ولا اي حداللى شفته بعيني ناس عادية معظمهم شباب وبنات شكلهم ولاد ناس لا بلطجية ولا متشردين وشوية رجالة كبار وبعض السيدات لكن لا فيه احزاب ولا اخوان ولا اي جهة منظمة والوضع لغاية المغرب كان عشوائي مفيش تنظيم ومفيش قيادة موحدة مجرد اعداد ضخمة جدا بتنادي كل مجموعة فيها باي هتاف يقوله اي حد موجود زي الهتاف الموجود دلوقت حرية حرية وباطل باطل وارحل ووووووو (ودي كمان للناساللى بتقول ان فيه قائمة مطالب من اول يوم وانها كانت متعلقة في التحرير)

    بعدها بقليل يوم 26 الساعة 12:32 متابعة للاخت اللى كانت نازلة مشاركة 577
    يا ..... يا ريت تكلمي .... تقولي لها ترجع فوراواحد من اصدقائي كان رايح دلوقت معرفش يوصل من عند كوبري قصر النيل وبيقولي كان مقفول وهو راجع شاف عريبات امن مركزي بس الغريب ان فيها ناس لابسين مدنيطبعا هو مش عارف ان دي قوات مكافحة الشغب اللى بيلبسوا مدني وبينزلوا وسط المتظاهرين وبيضربوهم او يخطفوا منهم

    يوم 26 الساعة 1:33
    خايف اقول ان الموضوع انتهي
    خايف اقول ان علينا لم القتلي والجرحي
    استاذ كبير زميل لي لسة راجع من التحرير قبل الاقتحام بدقايق بيقولي الوضع متوتر لاقصي درجة وان فيه اصابات كتيرة ده قبل الاقتحام ما بالنا بعده وابنه اتقبض عليه ومش عارف هو فين


    لو الفجر طلع والناس دي مش في التحرير
    لو الفجر طلع ومحدش طلع وقف مكانهم
    يبقي الليل هايبقي طويييييييييييييل اوي فوق ما نتخيل (واضح جدا في المشاركة دي انا عايز النظام القديم يستمر)

    يوم 26 الساعة 1:38
    الحزيرة مباشر جايبة الاشتباكات
    نفسي اعرف الكلاب اللى بتضرب بالقنابل دي متعرفش ان دول اهلهم ؟ (واضح هنا اني بدافع عن الشرطة)

    يوم 26 الساعة 1:57 احد الاعضاء قال ان عساكر الامن المركزي غلابة جدا والمشكلة في الرؤوس اللى بتديهم اوامر ضرب المتظاهرين و ده ردي عليه
    يا اخي والله العصر جبت لاتنين منهم بسكويت كان واحد منهم بيشتريه من كشك صغير في شارع طلعت حرب دفعت تمنهم وقلت للراجل يرجع لهم الفلوس
    لكن لما يوصل الامر انهم يضربوا المتظارين بالغل ده يبقي ملعون ابوهم هم واللي بيديهم الاوامر
    يا اخي دول بشر ومصريين زيك ازاي تضربهم بالطريقة دي (واضح بردو دفاعي عن النظام القديم وعن الشرطة)

    يوم 26 الساعة 2:13 المشاركة 716
    ايمن نور والبرادعي وعفيفي والوفد وكل كدابين الزفة اللى عايزين يركبوا الموجة ويبقوا هما مفجري الثورة لو نجحت كلهم ليس لهم اي دور فيها
    البطل سواء فشلت او نجحت هم شبابك يا مصر اللي كنت فقدت الامل فيهم للحظات شباب وبنات وستات ورجالة

    ولان البعض بدا يركبالموجة بدري زي السيد البدوي بتاع جزب الوفد اللى عمل نفسه فجأة زعيم للثورة كانت مشاركتي دي يوم 26 الساعة 2:19 رقم 743
    ريس الوفد السيد البدوي صنيعة الحكومة من تسبب في اغلاق الدستور في الجزيرة مباشر تسجيل لبيانه
    عامل فيها بطل وليه مطالب كمان
    يا اخي تىىىىىىىىىىىىىىىىىىىىىىىى ىىىىىىىىىىىىىىىىىىىىىىىىى ىىىىت
    وكل واحد يحط اللي هو عايزه مكان التيت

    مش قلت الكل هايحاول يركب الموجة

    يوم 26 الساعة 3:35 احد الاعضاء قال ان الجيشهاينزل يخلص كل حاجة والحكومة مستقرة وووو
    وده كان ردي عليه

    على اد ما انا متغاظ جدا من كلامك على اد ما انا مش قادر اخالفك
    بس الجيش صعب ينزل يضرب الناس في الشارع الجيش مختلف عن الشرطة
    الشرطة اتعودت تضرب الناس وعساكر الامن المركزي بيتعاملوا معاملة الكلاب في المعسكرات علشان كدة بينفذوا اي امر
    الجيش وضعه مختلف مفيش احتكاك بينه وبين الناس وعسكري الجيش معندهوش الخلفية اللى موجودة عند عسكري الامن المركزي
    ومعاك ان مش هايتنحي خاصة بعد ما امريكا دعمته وقالت ان حكومته مستقرة اثناء المظاهرات
    ومعاك للاسف ان مفيش اي حد يصلح ومع احترامي للجميع الاخوان لا والاحزاب الوهمية لا وكفاية و6 ابريل هواة
    طيب والحل ؟
    الحل حل مجلس الشعب والشوري واعلان فترة انتقالية 6 شهور وعزل الحكومة وتعيين حكومة وفاق وطني يسيطر عليها التقنوقراط ولا يدخلها رجال اعمال ومنع تحويل اي اموال للخارج والافراج عن المعتقلين السياسيين وتنظيم انتخابات رئاسية ولمجلس الشعب بعد اصلاح طريقة انتخابه لتصبح ديمقراطية فعلا

    يوم 26 الساعة 3:56 الفجر ولبيان ان كل ابناء الوطن من مسلمين ومسييحين مشتركين في الثورة كانت المشاركة رقم 900
    علشان الناس اللى كانت بتحاول تفرق بيننا قلبها يتحرق

    احتجزت قوات الأمن عدداً من الصحفيين والنشاط والمتظاهرين، على خلفية الاحتجاجات التى غطت البلاد فى عيد الشرطة أمس فيما عرف إعلامياً بـ"يوم الغضب"، وبدأت أجهزة الأمن فى الاعتقال، عبر مخبرين سريين وضباط شرطة ومجندين وعساكر، عقب تفريق المجموعة الأكبر من المتظاهرين فى ميدان التحرير فى تمام الساعة 12:30 من منتصف ليل الثلاثاء.

    وضمت قائمة المحتجزين كلاً من نور أيمن نور، نجل الدكتور أيمن نور مؤسس حزب الغد، ومصطفى النجار أحد أعضاء الحملة المستقلة لدعم البرادعى، وكلاً من الزميل محمود ترك الصحفى بجريدة اليوم السابع، والزميل وائل ممدوح الصحفى بجريدة الدستور وآخرين يتجاوز عددهم المئات منهم: أحمد الرفاعى وجمال الطوخى، وأحمد عبد الناصر، محمد سعيد عبد الحميد، خالد جمال حشمت، محمد أحمد إبراهيم، سيد محمد عبد العال، ويوسف عثمان، وأحمد نبيل، وهانى مصطفى، ومينا شوقى، وأحمد أبو العلا السيد، ومحمد غريب، ومحمد رضا محمود، وعلى أحمد على، ومحمد أحمد السعيد، وعبد الله محمود محمد، أبنوب ممدوح، على رجب محمد، وليد رضوان محمد، وخالد أحمد كمال، ومحمد محمد محمود، أحمد سعيد محمد، محمد على، ومتولى إبراهيم، وكريم أشرف أبو العزايم.

    وقال شهود عيان، إن أجهزة الأمن احتجزت المعتقلين فى قسم شرطة قصر النيل، وإمبابة، وشبرا، بجانب إنها نقلت الغالبية العظمى منهم إلى معسكر السلام.
    وواضح طبعا ان الاعتقال بالمئات وليس 100 والاصابات بردو بالمئات وربنا يستر وميكونش فيه وفيات كمان في مجزرة التحرير


    يوم 26 الساعة 4 ردا على احد الاعضاء تخوف ان المصريين لا يعرفون الديمقراطية المشاركة 907
    متغاظ علشنا على اد ما كلامك يحرق القلب على اد ما هو صحيح

    اما حكاية ان المصريين مينفعش معاهم الديمقراطية فدي الجملة الهبلة اللى قالها نظيف
    طيب يا سيدي اهو الشعب المصري بقاله سنين طويلة من غير ديمقراطية جرب تدي له شوية ديمقراطية وشوف هايعمل بيها ايه


    يوم 26 الساعة 4:22 مشاركةرقم 934
    متغاظ علشنا على اد ما كلامك يحرق القلب على اد ما هو صحيح

    اما حكاية ان المصريين مينفعش معاهم الديمقراطية فدي الجملة الهبلة اللى قالها نظيف
    نضيف قال ... بس انا شايف كلامه صح انا لان الديمقراطية محتاجه وعي سياسي و اخلاقي و للاسف دا حاجات نادرة في مصر شويه
    طيب يا سيدي اهو الشعب المصري بقاله سنين طويلة من غير ديمقراطية جرب تدي له شوية ديمقراطية وشوف هايعمل بيها ايه ....علي رايك يا باشا نجرب

    اسمح لي المرة دي اختلف معاك كلية
    الشعب الذي يخرج بعشرات الالاف في محافظات مختلفة تلبية لدعوة على النت للتظاهر والمطالبة بحقوقه ولا يخرب ولا يكسر ولا يدمر وانما يقوم بمظاهرات تستمر طوال اليوم في صورة قمة الحضارية لا ينقصه وعي سياسي او اخلاقي (متهيالي رايي في المتظاهرين واضح جدا )
    من يفتقد الوعي ويفتقد الاخلاق فعلا هم من لم يعطوا هذا الشعب الذي رايته اليوم ما يستحقه من تقدير (ورايي فيمن هاجموا المتظاهرين والنظام السابق واضحة جدا)


    يوم 26 الساعة 2:51 بعد الظظهر مشاركة رقم 1233
    معلش يا ....... بختلف معاك بشدة
    فعلا كان فيه سوء تنظيم وعشوائية و ده لسبب واحد ان الناس اللى عملت مظاهرات امس كانت خارجة من نفسها يعني محدش نظمهم وقالهم يخرجوا بطريقة معينة ويهتفوا هتافات معينة
    لا اخوان ولا احزاب ولا كنيسة ولا اي حد وجه الناس امبارح
    الناس خرجت بعشوائية تقول انها تعبت وزهقت
    اما عدد المتظاهرين امس او الاصابات او الاعتقالات فالمذكور اقل بكثير مما حدث فعلا عدد المتظاهرين لا يقل بحال من الاحوال عن 20 الف والاصابات بالمئات والاعتقالات ايضا بالمئات لكن افرج عن كثيرين قبل طلوع النهار وفيه وفيات في ميدان التحرير لم يعلن عنها
    وبردو المتظاهرين قدروا يخلصوا كتير من اللى كان بيتقبض عليهم لكن هجمة الواحدة ليلا كانت اقوي من ان يتصدي لها المتظاهرين المنهكين من التظاهر طوال 12 ساعة وتعرض لقنابل الغاز والدخان المباشرة والرصاص المطاطي والعصي الكهربية
    بدل ما نغلط الناس كنا وقفنا معاهم او على الاقل شجعناهم مش نقطم فيهم ونقول كان المفروض يبقوا منظمين

    والله يا ....... في كل الاحوال ما حدث افضل من الثبات العميق والبيات الشتوي اللى دخل فيه الشعب المصري
    والجسم المليان دمامل ده بيبقي رصاص مطاطي لكن الرصاصة انفجرت قريب منه جدا فغطت الجسم كله واسوا حاجة عملها المصابين انهم راحوا المستشفيات الحكومية لان للاسف اتقبض على ناس كتير منها

    والنهاردة مظنش هيحصل زي امبارح لان الامن بالامس لم يتوقع كل هذه الاعداد وفي محافظات مختلفة لان الاخوان والكنيسة والاحزاب كلهم شالوا ايديهم من المظاهرة فلم يستعد لها الامن جيدا قبلها اما اليوم فمستعدين جدا بدليل المئات من الامن المرتدين للزي المدني المحاصرين لكل مكان ممكن يحصل فيه تظاهر علشان يقبضوا على اي حد يشكوا فيه
    وفي المقابل المتظاهرين امس كانوا رايحين يتظاهروا ومش عاملين حسابهم انهم يستمروا ليوم تاني او ان المظاهرات هاتستمر و دي غلطة من دعوا للاضراب كان لابد من التنبيه ان الاضراب سيستمر يوميا حتى الوصول لصيغة تفاهم ترضي الحاكم والمتظاهرين في شكل عقد اجتماعي جديد

    يوم 26 الساعة 2:58 ردا على مشاركة فيها نقل خبر عن رئيسجمعية اصدقاء الشرطة بيطالب بسجن المتظاهرين
    حيوان وكلب من كلاب النظام
    ما يطالب باعدام المتظاهرين بالمرة
    ------------------------

    تم تعديل العنوان الغير مناسب
    م ع 7


  2. #2

    الصورة الرمزية ahmedjumpo

    رقم العضوية : 65606

    تاريخ التسجيل : 19Mar2010

    المشاركات : 583

    النوع : ذكر

    الاقامة : giza

    السيارة: ليجانزا 99

    السيارة[2]: لادا

    دراجة بخارية: لا يوجد

    الحالة : ahmedjumpo غير متواجد حالياً

    افتراضي -

    استأذنك يا دكتور اقتبس مشاركتين لك

    يوم 26 الساعة 3:35 احد الاعضاء قال ان الجيشهاينزل يخلص كل حاجة والحكومة مستقرة وووو
    وده كان ردي عليه

    على اد ما انا متغاظ جدا من كلامك على اد ما انا مش قادر اخالفك
    بس الجيش صعب ينزل يضرب الناس في الشارع الجيش مختلف عن الشرطة
    الشرطة اتعودت تضرب الناس وعساكر الامن المركزي بيتعاملوا معاملة الكلاب في المعسكرات علشان كدة بينفذوا اي امر
    الجيش وضعه مختلف مفيش احتكاك بينه وبين الناس وعسكري الجيش معندهوش الخلفية اللى موجودة عند عسكري الامن المركزي
    ومعاك ان مش هايتنحي خاصة بعد ما امريكا دعمته وقالت ان حكومته مستقرة اثناء المظاهرات
    ومعاك للاسف ان مفيش اي حد يصلح ومع احترامي للجميع الاخوان لا والاحزاب الوهمية لا وكفاية و6 ابريل هواة
    طيب والحل ؟
    الحل حل مجلس الشعب والشوري واعلان فترة انتقالية 6 شهور وعزل الحكومة وتعيين حكومة وفاق وطني يسيطر عليها التقنوقراط ولا يدخلها رجال اعمال ومنع تحويل اي اموال للخارج والافراج عن المعتقلين السياسيين وتنظيم انتخابات رئاسية ولمجلس الشعب بعد اصلاح طريقة انتخابه لتصبح ديمقراطية فعلا

    * موضوع التنحى كما قلت لحضرتك سابقا كان مطروح من البداية و ليس كما حضرتك قلت ان كان من ضمن سقف المطالب اللى على و لكن فقط كان هناك تشكيك فى بداية الثورة انه قد يحدث و مع الايام تأكد الناس ان ليس بالصعوبة اللى كانوا متصورينها

    * طلبات حضرتك هى نفسها طلبات المتظاهرين فى التحرير اذن و بناءا على تعليقات سابقة لحضرتك انك من بعد يوم 28 يناير بطلت تساند المتظاهرين طب ايه اللى حضرتك شوفته اتحقق من طلباتك علشان تتوقف
    يعنى هل فعلا اتحل مجلسى الشعب و الشورى و هل جاءت حكومة تكنوقراط و هل تم الافراج عن المعتقلين السياسيين و هل حدثت فترة انتقالية
    اعتقد الاجابة واضحة و لا حاجة من ديه تم تنفيذها اذن لماذا التغيير المفاجئ فى المواقف و مهاجمتك بعد ذلك لمتظاهرين التحرير و التخويف بالجيش مع ان كلام حضرتك صعب اوى الجيش يضرب فى الناس

    لو الفجر طلع والناس دي مش في التحرير
    لو الفجر طلع ومحدش طلع وقف مكانهم
    يبقي الليل هايبقي طويييييييييييييل اوي فوق ما نتخيل


    اعتقد من كلام حضرتك انك كنت تؤيد الاعتصام فى ميدان التحرير قبل ما يفض بالقوة و انه لو لم يستمر الاعتصام هيكون الليل طويل و سيستمر النظام فى اخراب البلد
    طب ليه رجعت هاجمت الاعتصام و المعتصمين
    يا دكتور حضرتك جبت مشاركات من يومى 25 و 26 يناير كنت متوافقة مع مطالب شباب الثورة و لكن ارجو ان حضرتك برده تجيب مشاركاتك منذ عودة الانترنت و ستجد انها اكثر من الف مشاركة بمعدل يقترب من 43 مشاركة يومية 95% منها تخويف من المجهول و من الجيش و من عيال التحرير و من افكار المعتصمين و مهاجمة لوجودهم و اهدافهم و طلباتهم التى كانت هى نفس مطالبك
    و اخيرا ارجو من حضرتك ان تستمع لكل الاراء التى قد تختلف مع حضرتك بقلب مفتوح دون تعصب و تحياتى لحضرتك

    ان شجرة الحرية يجب ان تروى من حين لاخر بدماء الوطنيين و الطغاة
    فتحية لدماء الشهداء و احذروا ايها الطغاة


  3. #3

    الصورة الرمزية wael17

    رقم العضوية : 40985

    تاريخ التسجيل : 23May2009

    المشاركات : 1,317

    النوع : ذكر

    الاقامة : 6th October

    السيارة: VW Polo 97

    السيارة[2]: Fiat Punto Evo 2011

    الحالة : wael17 غير متواجد حالياً

    افتراضي -

    و الله العظيم يا د محمد حرام واحد عمل المشاركات اللي حضرتك عملتها يوم 25 و نزل في المظاهرات يتقال عليه دلوقتي عدو المظاهرات و مدافع عن النظام.....المشكلة ان في (بعض) الي بيتهموك بكده ممكن تكون أول نزولة ليه لميدان التحرير يوم 12 فبراير عشان يحتفل و يشتري العلم و تي شيرت الثورة

    اخويا قالي علي واحد ماكانش ليه في المظاهرات ولا كان عارف اصلا ان في مظاهرات يوم 25 يناير و بعدين قبل مبارك ما يتنحي بكام يوم نزل التحرير لأول مرة و رجع مبسوط قوي بالجو الي شافه و اشتري خيمة جديدة و كان عايز يروح يبات في الميدان مع اصحابه بس حظه النحس ان مبارك تنحي و كان بيقول لاخويا انا اشتريت الخيمة علي الفاضي
    اللي يضحك بقي انه اخويا بيقولي صاحبه ده سمع ان في اعتصام و خيم دلوقتي في التحرير و ناوي ينزل بالخيمة بتاعته...هيموت و يقضي ليلة جوه الخيمة في ميدان التحرير!!!


  4. #4

    الصورة الرمزية م.محمد علاء

    رقم العضوية : 28477

    تاريخ التسجيل : 26Dec2008

    المشاركات : 2,066

    النوع : ذكر

    الاقامة : جدة.المملكة العربية السعودية

    السيارة: هيونداي I 10 MT GL

    السيارة[2]: نيسان صنى2009 AT Ex

    دراجة بخارية: لا يوجد

    الحالة : م.محمد علاء غير متواجد حالياً

    افتراضي -

    أنا مش من الناس اللي ممكن يقولوا على حضرتك كده..
    بس ...بردو أنا من الناس اللي قرأت مداخلاتك..و أصيبت بالحيره..
    فأسلوب حضرتك يا دكتور توه الناس..و أنا واحد منهم..بس مركزتش في النقطه دي بصراحه..

    م/محمد علاء
    مش شرط اعجب كل الناس .....لان مش كل الناس بتعجبني
    eng:mohamed سابقا


  5. #5

    الصورة الرمزية jojajo

    رقم العضوية : 60609

    تاريخ التسجيل : 01Feb2010

    المشاركات : 161

    النوع : ذكر

    الاقامة : Egypt

    السيارة: Spranza a113

    السيارة[2]: Lada

    الحالة : jojajo غير متواجد حالياً

    افتراضي -

    وقعت بوروندى اتفاقية تقاسم مياه النيل، مما يمهد الطريق لإقرارها وبالتالى لتجريد مصر من العديد من امتيازاتها فى مياه النهر وأبرزها حق الفيتو فى منع إقامة أى مشروع على النهر خارج أراضيها، حسبما أفاد مسئول، الثلاثاء.

    وأعلن دانيال ميبوما، المتحدث الإقليمى باسم مبادرة حوض النيل، ومقرها فى عنتيبى فى كمبالا، "بعد توقيع بوروندى (الاثنين) بات من الممكن أن تدخل الاتفاقية حيز التنفيذ"، مضيفا أنه وبموجب القانون الدولى السارى، كان لابد من أن توقع ست من الدول الأطراف على الاتفاقية قبل أن يجرى إقرارها فى برلماناتها.. ومن المتوقع أن تتم المصادقة عليها فى جميع البرلمانات الستة.


    ووقعت أربع دول مطلة على النيل العام الماضى اتفاقية تتيح للدول الواقعة عند منبع النهر إقامة مشاريع للرى والطاقة الكهربائية من دون الحصول على موافقة مسبقة من مصر.


    ويقوم محور الخلاف حول اتفاقية مبرمة فى 1929 بين القاهرة والمستعمر البريطانى منحت مصر بموجبها حق الاعتراض على مشاريع تبنى على النيل خارج أراضيها.


    كما تمنح اتفاقية أخرى موقعة بين مصر والسودان فى 1959، مصر 55,5 مليار متر مكعب من المياه كل سنة --أى 87 فى المائة من منسوب النيل-- والسودان 18,5 مليار متر مكعب.


    وقاطعت مصر والسودان مراسم إعلان الاتفاقية وتعهدتا بعدم الاعتراف بأى اتفاق يتم التوصل إليه دون موافقتهما.


    واتفقت أوغندا ورواندا وتنزانيا وإثيوبيا فى المراسم التى أقيمت فى مارس 2010 على إلغاء حق مصر فى الاعتراض وفى استغلال 90% من موارد النهر.


    واعترضت مصر والسودان بأن مواردهما من المياه ستتأثر بشكل كبير إذا سمح للدول فى المنبع بتحويل مياه النهر دون مشاورات متعددة الأطراف.

    يا ترى شباب التحرير هيحل المشكله دي ازاي

    اظن بقى لا شفيق له دخل و لا النائب العام و لا المشير و لا حسني مبارك

    اهو الناس بتستغل ضعفنا

    انقذنا يا ميدان التحرير


    والبقيه تأتى
    لقد لهانا الثوار فى الثوره
    ولن نجد ماءا بعد الان
    لقد خربتم مصر
    لقد خربتم مصر
    لقد خربتم مصر
    والبقيه تأتى


  6. #6

    الصورة الرمزية kono

    رقم العضوية : 53144

    تاريخ التسجيل : 16Nov2009

    المشاركات : 753

    النوع : ذكر

    الاقامة : Ras EL-Bar

    السيارة: ....

    السيارة[2]: kia cerato ex 2010

    دراجة بخارية: .....

    الحالة : kono غير متواجد حالياً

    افتراضي -

    اقتباس المشاركة الأصلية كتبت بواسطة jojajo مشاهدة المشاركة
    وقعت بوروندى اتفاقية تقاسم مياه النيل، مما يمهد الطريق لإقرارها وبالتالى لتجريد مصر من العديد من امتيازاتها فى مياه النهر وأبرزها حق الفيتو فى منع إقامة أى مشروع على النهر خارج أراضيها، حسبما أفاد مسئول، الثلاثاء.

    وأعلن دانيال ميبوما، المتحدث الإقليمى باسم مبادرة حوض النيل، ومقرها فى عنتيبى فى كمبالا، "بعد توقيع بوروندى (الاثنين) بات من الممكن أن تدخل الاتفاقية حيز التنفيذ"، مضيفا أنه وبموجب القانون الدولى السارى، كان لابد من أن توقع ست من الدول الأطراف على الاتفاقية قبل أن يجرى إقرارها فى برلماناتها.. ومن المتوقع أن تتم المصادقة عليها فى جميع البرلمانات الستة.


    ووقعت أربع دول مطلة على النيل العام الماضى اتفاقية تتيح للدول الواقعة عند منبع النهر إقامة مشاريع للرى والطاقة الكهربائية من دون الحصول على موافقة مسبقة من مصر.


    ويقوم محور الخلاف حول اتفاقية مبرمة فى 1929 بين القاهرة والمستعمر البريطانى منحت مصر بموجبها حق الاعتراض على مشاريع تبنى على النيل خارج أراضيها.


    كما تمنح اتفاقية أخرى موقعة بين مصر والسودان فى 1959، مصر 55,5 مليار متر مكعب من المياه كل سنة --أى 87 فى المائة من منسوب النيل-- والسودان 18,5 مليار متر مكعب.


    وقاطعت مصر والسودان مراسم إعلان الاتفاقية وتعهدتا بعدم الاعتراف بأى اتفاق يتم التوصل إليه دون موافقتهما.


    واتفقت أوغندا ورواندا وتنزانيا وإثيوبيا فى المراسم التى أقيمت فى مارس 2010 على إلغاء حق مصر فى الاعتراض وفى استغلال 90% من موارد النهر.


    واعترضت مصر والسودان بأن مواردهما من المياه ستتأثر بشكل كبير إذا سمح للدول فى المنبع بتحويل مياه النهر دون مشاورات متعددة الأطراف.

    يا ترى شباب التحرير هيحل المشكله دي ازاي

    اظن بقى لا شفيق له دخل و لا النائب العام و لا المشير و لا حسني مبارك

    اهو الناس بتستغل ضعفنا

    انقذنا يا ميدان التحرير


    والبقيه تأتى
    لقد لهانا الثوار فى الثوره
    ولن نجد ماءا بعد الان
    لقد خربتم مصر
    لقد خربتم مصر
    لقد خربتم مصر
    والبقيه تأتى
    وهم شباب التحرير اللى وقعوا على الاتفاقية بدل بروندى ؟؟
    وهو النظام السابق قدر يمنع الدول الأربعة الأخرى انها توقع عليها ؟؟
    وهو حضرتك كنت لاقى القمح قبل الثورة ؟؟
    وهو مين اللى وصل مكانة مصر للضعف المذل اللى خلى باقى الدول متحترمهاش ؟؟
    مين بالظبط اللى خرب مصر ؟؟

    نحن قوم اعزنا الله بالاسلام فاذا ابتغينا العزة بغيره اذلنا الله


  7. #7

    الصورة الرمزية dr-mohamed

    رقم العضوية : 40918

    تاريخ التسجيل : 23May2009

    المشاركات : 4,852

    النوع : ذكر

    الاقامة : الجيزة

    السيارة: بروتون بيرسونا 2010 اوتو

    السيارة[2]: لانسر كريستالة 99 اوتوماتيك

    دراجة بخارية: لا يوجد ومش بحبها كمان

    الحالة : dr-mohamed غير متواجد حالياً

    افتراضي -

    يوم 26 الساعة 5:41 المشاركة رقم 1467
    4:25 وأنباء عن قيام حمدى خليفة - نقيب المحامين - ومكرم محمد أحمد -نقيب الصحفيين- بإصدار تعليمات لموظفى النقابة بإرسال فاكسات لوزير الداخلية لإخطاره بأن المتظاهرين فى النقابتين ليس لهما أى علاقة بهما.


    كلاب هاننتظر ايه من كلاب معينين حتي لو في شكل انتخابات مزورة

    يوم 26 الساعة 5:42
    انا نازل دلوقت
    في امان الله

    يوم 26 الساعة 10:59 مشاركة رقم 1891
    انا لسة راجع حالا من وسط البلد
    طبعا خرجت من المظاهرة من حوالي ساعة تقريبا لاني كنت راكن عربيتي بعيد ورحت جبتها ورجعت البيت
    هاكل واجي اقولكم
    بس مبدئيا فيه مظاهرات وبطريقة القط والفار والضرب غبي

    يوم 27 الساعة 12:!8 مساء يعني يوم 26 بعد نص الليل المشاركة 2021 ردا على احد الاعضاء اتهم المتظاهرين انهم بيكسروا ويحرقوا البلد
    بعد اذنك يا اخ ........ مش هاتهمك بالجهل او عدم العلم باي شئ معاذ الله
    لكن هاعتبرك من الناس اللى بتصدق دريم والحياة والنيل للاخبار
    بص يا سيدي الفاضل
    امس واليوم لم اشاهد متظاهر واحد يحرق او يكسر الممتلكات سواء العامة او الخاصة
    اي تدمير حصل سببه الشرطة وضربها العشوائي للقنابل في كل مكان
    حرق الكاوتش دي وسيلة دفاع عن النفس وليست تدمير
    واذا اظهرت بعض القنوات الرسمية صور اشخاص عاديين يكسرون ويحرقون فتأكد انهم من الشرطة التي نزلت منها اعداد كبيرة اليوم بملابس مدنية للتخريب والاساءة للمتظاهرين واعتبارهم مخربين وللقبض علي المتظاهرين بسهولة ولو مش مصدق شوف الصور اللى في الجزيرة مباشر وفيها مدنيين بيجروا ورا المتظاهرين بالعصي وبيمسكوهم ويضربوهم متهيالي دول مش من ضمن المتظاهرين



    المشاركة 2024 الساعة 12: 24 رقم 2024
    الجزيرة مباشر الان علشان تشوفوا المدنيين اللى بيعتقلوا الناس واللى هما بردو بيخربوا فعلا مش المتظاهرين

    المشاركة 2029 الساعة 12:29
    ايوة كنت هناك لغاية الساعة 10 تقريبا وكانت الصورة مرعبة
    حرب شوارع بمعني الكلمة
    المتظاهرين يتجمعوا في دقيقتين من اي مكان وتحاصرهم قوات ضخمة من الشرطة وضرب قنابل بكميات غير طبيعية ويتفرق المتظاهرين بسرعة البرق وتستمر الشرطة في ضرب القنابل على الفاضي ويعدها بعشر دقايق يتجمعوا في شارع تاني يبداوا عشرة او عشرين فرد وفي دقيقتين تلاتة يبقوا الف او الفين ويبدا الضرب بالقنابل من جديد وهلم جرا

    الساعة 12:37 المشاركة 2033 عن الاحوال عند جامعة القاهرة
    لو تقصد جامعة القاهرة يبقي خد عندك
    حوالى 20 عربية لوري وعربيات بوكسات صغيرة وكام مصفحة عند الباب الرئيسي

    الساعة 12:29 عن سؤال عن كثرة القنابل وانها لا تنتهي
    ههههههههههههههههههههههههه ههههههه
    انا من كتر القنابل اللى انضربت حتي بعد ما المتظاهرين بيهربوا قلت هما عندهم قنابل قربت ينتهي صلاحيتها وبيخلصوها فينا ولا ايه ؟
    لقيت اصحاب المحل اللى كنت جنبه وقعوا على نفسهم من الضحك

    والله ما عارف يا ......
    بس حتي لو الناس مخرجتش بكرة بردو مش هيروحوا هايفضلوا في الشوارع خايفين من نزول الناس في اي لحظة
    و ده افضل انهم يفضلوا مترقبين ومشدودين والناس هي اللى تاخد راحة بكرة ليوم الجمعة

    المشاركة 2053
    يا سيدي الفاضل انت بتقول على اللى شفته واللى هما بيقولوه
    بقولك تانى
    امبارح كانت سلمية هل ده منع الامن انه يضرب في المليان ويضرب بالقنابل ويضرب بالمطاطي والذخيرة الحية
    امبارح كانت سلمية وبرغم كدة اتقتل 3 في السويس والله اعلم كام في بقية المحافظات

    وبرغم ده باكد لك تاني ان مفيش حد بيدعي او بيوافق على العنف لكن فين العنف في ان الشباب يولعوا كاوتش علشان يبقي ساتر بينهم وبين الشرطة اذا كانت الشرطة بتضرب في المليان وبكل قسوة وعنف

    واللى بيكسروا مرة تانية مش المتظاهرين دول الامن الىل لابسين لبس ملكي شوف تاني الجزيرة مباشر لما تعيد اللقطات وهاتلاقيهم لابسين ملكي وبيعتقلوا الناس وبيضربوهم بالعصي ولو فيه تدمير يبقي منهم

    ومبني مديية الامن في السويس الىل اتحرق هما الىل حارقينه علشان يبرروا ضرب المتظاهرين بالذخيرة الحية امس واليوم

    ضرتك في ألكس والجو عندكم بديع وقفلتوا على كل المواضيع سيبوا اللى في باقي المحافظات يمكن يكون فيه امل في السويس والقاهرة ونشوفكم يوم الجمعة

    وبردو ان شاء الله سلمية زي امس واليوم
    لكن المهم الشرطة تكون سلمية شوية
    وجنب تمثال محمود مختار بتاع نهضة مصر كمان حوالى 10 عربيات
    التحرير والشوارع المحيطة به لا يقل عن 200 عربية بعساكرهم في كل مكان في الميدان والشوارع المتفرعة منه

    وتخوفي مما بعد القضاء علي النظام السابق من اول يوم وواضح اني كان عندي حق في المشاركة 2074 الساعة 1:03
    يا رب والله ما خايف غير على مصر
    نفسي اشوفها احسن دولة في العالم
    نفسي اشوفها اجمل واقوي دولة في العالم
    نفسي اشوفها في مكانتها اللى تستحقها
    نفسي اشوفها قبل ما اموت ولو حتي في نص مكانتها اللى تستاهلها

    وفعلا خايف لو النظام انهار من اللى هايمسكها
    هل واحد من راكبي الموجة زي البرادعي ولا ايمن نور كل همهم مصلحتهم وفيه شكوك في عمالتهم هما كمان لامريكا
    ولا الاخوان ولو وصلوا يا تري هايحكموا فعلا بالعدل ولا هايبقي اسوا من الموجود حاليا
    ولا الاحزاب وكلها فاشلة
    ولا ولا ولا ولا
    الخوف مما بعد التغيير ان حدث اصبح اكبر من اي تفكير اخر


    يا رب والله ما خايف غير على مصر
    نفسي اشوفها احسن دولة في العالم
    نفسي اشوفها اجمل واقوي دولة في العالم
    نفسي اشوفها في مكانتها اللى تستحقها
    نفسي اشوفها قبل ما اموت ولو حتي في نص مكانتها اللى تستاهلها

    وفعلا خايف لو النظام انهار من اللى هايمسكها
    هل واحد من راكبي الموجة زي البرادعي ولا ايمن نور كل همهم مصلحتهم وفيه شكوك في عمالتهم هما كمان لامريكا
    ولا الاخوان ولو وصلوا يا تري هايحكموا فعلا بالعدل ولا هايبقي اسوا من الموجود حاليا
    ولا الاحزاب وكلها فاشلة
    ولا ولا ولا ولا
    الخوف مما بعد التغيير ان حدث اصبح اكبر من اي تفكير اخر

    الساعة1:36 تعليق على خبر ران ميلشيات تابعة للامن تخرب في السويس
    ده اللى كنت عمال اقوله للاخ اللى كان فاكر ان المتظاهرين هما اللى بيحرقوا ويدمروا ويسكروا
    قوات شرطة بلبس مدني + شوية حرامية وبلطجية يتم اخراجهم من السجون لهذا الغرض = تدمير للمتلكات العامة والخاصة واتهام المتظاهرين بها كوسيلة لتشوية سمعتهم وتصفيتهم بسهولة والظهور بمظهر الحلم الوديع في الداخل والخارج
    الغريبة ان الكلام ده شفناه كتير في الانتخابات وغيرها قبل كدة بس الظاهر مش فاهمين ان اللعبة تتلعب مرة واحدة بس وبعد كدة بتبقي مكشوفة

    المشاركة 2158 رد على عدم وجود راعي للثورة يوم 27 الساعة2:13
    يا باشا البرادعي هبط من السماء بعد حياة كاملة في الغرب وميعرفش حاجة عن مصر
    وايمن نور نصاب من ايام فؤاد باشا سراج الدين لما كان صحفي في الوفد
    الاتنين والاخوان لا
    المطلوب وجه جديد نضيف سمعته نضيفة ممكن يكون عمرو موسي ممكن عمر سليمان ممكن عبد الجليل مصطفي ممكن ناس كتير بس المهم متقعش في ايد حد من اللى قلت عليهم

    المشاركة 2197 عن الفساد في بيع اراضي الدولة
    ومستوعبين اكتر الوضع الحالي
    لما 800 مليار تضيع للكبار في بيع اراضي الدولة والديون كلها 800 مليار هتفرق اي حاجة بعد كدة في ايه ؟

    مشاركة 2420 عن موقف بعض الجهات الدينية
    يا .....
    الازهر صمت كصمت القبور
    والحمد لله جبهة علماء الازهر اعادت الامل واصدرت بيان رهيب بمعني الكلمة
    والكنيسة اعلنت رايها بالفعل وهي ضد المظاهرات وطالبت الاخوة المسيحيين بعدم المشاركة فيها


  8. #8

    الصورة الرمزية jojajo

    رقم العضوية : 60609

    تاريخ التسجيل : 01Feb2010

    المشاركات : 161

    النوع : ذكر

    الاقامة : Egypt

    السيارة: Spranza a113

    السيارة[2]: Lada

    الحالة : jojajo غير متواجد حالياً

    افتراضي -

    اه طبعا وانت مين قالك ان لو يوم 25 ده مجاش تفتكر كانوا ممكن يعملوا اتفاقية زى دية
    يا جدعان لازم نفوق والله دلوقتى مش كل حاجة الثورة الثورة الثورة عايزين نشوف هتودينا على فين واهو ده اولها


  9. #9

    الصورة الرمزية eng/muhamad

    رقم العضوية : 885

    تاريخ التسجيل : 08Jun2007

    المشاركات : 2,786

    النوع : ذكر

    الاقامة : zagazig

    السيارة: no car

    السيارة[2]: no car

    دراجة بخارية: no

    الحالة : eng/muhamad غير متواجد حالياً

    افتراضي -

    الناس اللى بتتكلم عن اعداء الثوره هما نفسهم اعداء الثوره
    عشان الثوره حصلت و الحمد لله حققت نجاح اينعم مش فى كل المطالب
    بس حققت حاجات مكنش حد يتخل عمره كله انها ممكن تحصل
    و اللى بيتكلمو عن اعداء الثوره بقول لهم ده مش وقت تصفيه حسابات
    مش وقت نقول فيه مين مع و مين ضد ده وقت مصر محتاجه فيه لينا كلنا عشان نبنيها من جديد و نعرف العالم كله يعنى ايه مصر
    بلاش بقى الكلام الفاضى و خلونا نشتغل و نبنى و نطور و نرفع مصر اللى اهم من كل الناس و اهم من اللى نزلوا التحرير كمان

    كلمه اخيره للناس اللى كانت مع الرئيس و بتقول ان صاحب الضربه الجويه
    و الله انا كان اهون عندى ان فى الضربه الجويه يضرب مصر و يروح يحكم اسرائيل

    على رأى أبو مروى
    ان لم تكن ذئبا أكلتك الذئاب

    Eng/ Muhammad Hamdy
    civil engineer



  10. #10

    الصورة الرمزية mmolazem

    رقم العضوية : 8581

    تاريخ التسجيل : 07Apr2008

    المشاركات : 778

    النوع : ذكر

    الاقامة : Cairo

    السيارة: Verna

    السيارة[2]: Fiat 128

    دراجة بخارية: no

    الحالة : mmolazem غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة ahmedjumpo مشاهدة المشاركة
    يا دكتور حضرتك جبت مشاركات من يومى 25 و 26 يناير كنت متوافقة مع مطالب شباب الثورة و لكن ارجو ان حضرتك برده تجيب مشاركاتك منذ عودة الانترنت و ستجد انها اكثر من الف مشاركة بمعدل يقترب من 43 مشاركة يومية 95% منها تخويف من المجهول و من الجيش و من عيال التحرير و من افكار المعتصمين و مهاجمة لوجودهم و اهدافهم و طلباتهم التى كانت هى نفس مطالبك
    و اخيرا ارجو من حضرتك ان تستمع لكل الاراء التى قد تختلف مع حضرتك بقلب مفتوح دون تعصب و تحياتى لحضرتك

    ما بين ميلاد رسول الله موسى وهلاك فرعون عشرات السنين . . يُمهل ولا يُهمل !!



 
صفحة 1 من 5 1 2 3 4 5 الأخيرةالأخيرة

المواضيع المتشابهه

  1. اشتريت رينو 2011وسافرت ايه موقفي من الصيانات
    بواسطة Sabr في المنتدى قسم خاص بالسيارة لـــوجـــــان
    مشاركات: 11
    آخر مشاركة: 18-06-2012, 11:28 AM
  2. الحمد لله اخيرا انتصرت الثورة وتم القضاء على الثورة المضادة
    بواسطة waleedfadeel في المنتدى المنتــــــدى الاجتمــاعى
    مشاركات: 20
    آخر مشاركة: 06-03-2011, 11:14 AM
  3. مين اللي قال ان قبل الثورة غير بعد الثورة .. المرور مازال فيه فساد ومرتشين
    بواسطة nonetta في المنتدى ساحة المرور وموضوعات التأمين في مصر
    مشاركات: 26
    آخر مشاركة: 28-02-2011, 03:16 PM
  4. سؤال مهم ، بناء عليه هحدد موقفي !
    بواسطة mahmoodallam في المنتدى المنتــــــدى الاجتمــاعى
    مشاركات: 2
    آخر مشاركة: 15-05-2010, 07:53 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2