الموضوع: السلام علي اعضاء المنتدي المحترم و اخواتى المصريين بالاخص

موضوع الحرق دا بصراحه اختلف فيه الناس و الاراء كانت كتير و الكل هايقولك من خاف سلم و كده
بس من خلال ملاحظتي للموضوع ده لاني من هواة الحرق الصراحه
كنت بلاحظ الاتي الحرق لا يتعب الموتور خالص بدليل ان الريد زون بتاع الار بي ام علي 6.5 و العزم بيطلع علي 4 فاحنا كده بنتكلم ان التوكيل اهو بيقولك لحد 4 انت كده في البيس و مابين 4 و 6.5 مش كتير بردوا في القريب يعني
ايام لما كانت الاسطوانه عندي بتودع كنت بلاحظ اني لما بحرق عليها جامد في النقلات الديسك بيسخن فدوسة رجلي علي الدبرياج بلاقيها بصعوبه بعكس لما اسوق براحه طول الطريق و مابعديش ال100 و الكلام البطئ دا بلاقي دوسة رجلي علي الدبرياج اخف من ماكون حارق
حاجه كمان لما غيرتهم بقي في التوكيل فالتوكيل بيحط الحاجات القديمه في العربيه و بالتالي وريتهم للميكانيكي بتاعي قالي كانوا فعلا محتاجين يتغيروا لان السوست اللي في الديسك و الاسطوانه اللي هيا اصلا بتشتغل لما تستخدم الدبرياج شكلها كان باين انها محمصه كده فدا دليل ان في السرعات العاليه و الحرق الحاجه الوحيده اللي بتضر هيا الديسك و الاسطوانه 1200 جنيه في التوكيل ...... طير ياعم محدش واخد منها حاجه
انا غيرتهم علي 85 الف مثلا بس زي ماتقول ايه الواحد خير الله ماجعله خير كده شكله كبر و عقل علي موضوع الجري ده مابقيتش اعمله كتير الصراحه بس اول ماجيبت العربيه كنت نافخها بيني و بينك و جري و غرز بقي و ال160 دي كانت سهله و الحرق علي 5 و 5.5 دا عادي و كانت شرم الشيخ في 4:30 ساعه و الغردقه في 3:30 ساعه كده يعني
ربنا يستر طريقنا ان شاء الله جميعا