الموضوع: ملناش فى البورصة بس هنساعد بلدنا ان شاء الله ... كلنا ندخل الموضوع بليز

المشاركة الأصلية كتبت بواسطة som3aa

انا مليش خالص فى البورصة بس طالما حضرتك بتفهم فى البورصة ارجو ان توضح لى وجهة نظرى صح و لا غلط

لو اللى هيسبب وقوع البورصة المصريين اللى هيبيعوا بسبب الفزع فانا رايى بدل ما نعمل حملات علشان الناس تشارك ب 100 جنية نعمل حملات علشان نوعى الناس انها لو باعت فى البورصة هى اللى خسرانة يعنى المصرى اللى هيصمم يبيع هو اللى غلطان , لو الاجانب بس هى اللى باعت و محدش بيشترى السعر هينزل جامد جدا جدا بالنسبة للقيمة السوقية للشركات و ارباحها , لو المصريين مباعوش ساعتها هيبقى الاجانب بس اللى بتبيع طبعا و ساعتها نقدر احنا نخش بالمبادرة اياها بتاعت ال100 جنية و الناس هتكسب و اسعار الاسهم هى اللى هتزيد و اللى هيكسب ساعتها هما اللى اشتروا و اللى مباعوش اسهمهم هيبقى سعرها هى هى.
لو الاجانب كمان مباعوش يبقى مفيش اى انخفاض لما المصريين كمان مبيبيعوش.
اما لو جينا ننزل نشترى علطول دلوقتى يبقى هنشترى اسهم الاجانب او الناس اللى عايزة تهرب بسعرها العالى !!!!!
يعنى هنشترى من الناس بالسعر العالى و دا طبعا مش كويس , دا رايى مش عارف , منطقى؟

ياريت يا جماعة حد فاهم يجاوب على الاستفسار ده

متااااااابع باهتمام