كنت.. مهدد بالقتل........تجربه شخصيه ومنظور أخر للوضع الحالى..

**dramir1** · 02-03-2011 03:26 AM

انا اطالب الاداره بعمل قانون يجعل الموضوع بالكامل في مشاركه واحده لان خلاف ذلك تضييع لوقت الاعضاء
انا مقصدش صاحب الموضوع ولكن اقصد ان المفروض بعد كده لما اكون عارف اني هاكتب موضوع طويل يبقى اكتبه الاول كامل مثلا في word file
بعد كده مجرد ان صاحب الموضوع يعمل copy >>وذلك حتى يستطيع القاريء تحديد الرد على اساس ما قرأ ....والواحد مش مستحمل ضغط اعصاب ونقعد نشوف استغاثات الاعضاء لصاحب الموضوع عشان يكمل ....وكل شويه نعمل refresh عشان نشوف الموضوع انتهى على ايه...وشكرا

**aly_hosny** · 02-03-2011 03:58 AM

معلش انا هنتقد حضرتك
الاول اتريقت على المتظاهرين ال بينزلو كل جمعة عشان حقنا
وفي نفس الوقت مدايق من الروتين
انت عارف البيه بتاع المديرية منزلش حد معاك ليه
عشان ال بيه ال اكبر منه قالو سيبهم كدا عشان يبطلو مظاهرات
دي ملهاش حل غير ان قيادات الداخليه تتغير
و طبعا تصرف الجيش كان غلط و سلبي بس ممكن نراعي كمية الشكاوي ال بتوصله و في منها ناس خايفة بس ف بتقولهم هاتولنا دبابة

**elfashn** · 02-03-2011 04:00 AM

لااله الاالله محمد رسول الله

**dramir1** · 02-03-2011 04:01 AM

ربنا يستر على مصر الايام الجايه

**أشرف فتحى** · 02-03-2011 04:03 AM

المشاركة الأصلية كتبت بواسطة dramir1

انا اطالب الاداره بعمل قانون يجعل الموضوع بالكامل في مشاركه واحده لان خلاف ذلك تضييع لوقت الاعضاء
انا مقصدش صاحب الموضوع ولكن اقصد ان المفروض بعد كده لما اكون عارف اني هاكتب موضوع طويل يبقى اكتبه الاول كامل مثلا في word file
بعد كده مجرد ان صاحب الموضوع يعمل copy >>وذلك حتى يستطيع القاريء تحديد الرد على اساس ما قرأ ....والواحد مش مستحمل ضغط اعصاب ونقعد نشوف استغاثات الاعضاء لصاحب الموضوع عشان يكمل ....وكل شويه نعمل refresh عشان نشوف الموضوع انتهى على ايه...وشكرا

طبعا من حق حضرتك تطالب الإداره برأيك....وبعتذر عن تضييع وقتك وضغط اعصابك وإجبارك على عمل ريفرش وقراءه استغاثات الاعضاء...

لكن يا فندم ليه حضرتك عملت الطلب ده داخل موضوعى....ممكن حضرتك تعمل تقرير مشاركه سيئه وتعرض وجهه نظرك..

ممكن حضرتك تتقدم بالطلب ده فى قسم الاقتراحات والاستفسارات....

ممكن حضرتك طالما شايف اللى كاتب الموضوع رغاى وممل وعمال يعمل فى مشاركات طويله وشكله مش هيخللص تتابع تصفحك لأى موضوع مش هيضيع وقتك زى موضوعى وتبص على موضوعى بكره.....لو كمل ويستحق اهتمامك تكملله ولو مكملش يبقى خلاص...

انا بكتب فى الموضوع ده بقالى اربع ساعات قدام الكيبورد...مش غاصب على حضرتك تقراه يا دكتور..

رأيك يحترم ولك منى التقدير