ازاي نحافظ علي الفتبس الاتومتيك

**M_H** · 06-04-2008 10:24 PM

السلام عليكم ورحمه الله
ازيكم يا شباب اتمني ليكم كل خير وصحه - انا معايا لنسر 1600 (2007)
ممكن يا جماعه تفيدوني في صبانيه الفتيس الاتومتيك و ازاي احافظ عليه وانسب وقت لتغير الزيت - وايه افضل انواع من الزيت مناسبه ليه.
كمان Ds ممكن امشي عليه فترات طويله بس بسرعه عاديه من (90:60) ك/س مثلا غلط ولا صح .
مع الشكر

**mido_smsm** · 07-04-2008 03:17 AM

بص يا سيدى على السرعات العاديه ما تسخدمش ds نهائيا لانه بيعلى استهلاك البنزين قوى ولكن انصحك بيه لما تكون بتشد جامد قوى مع حد
انما العادى استخدم d
بلاش تعمل n جامد وبعدين تنزل علىd فاجاه لانه بيكسر التروس وبيقلل عمر الفتيس

**fahd_628** · 07-04-2008 03:29 AM

لازم يا باشا و انت بتنقل من اى نقلة من ال L-p - R - D لازم تكون فى حالة توقف تاااااااااااااااااام علشان انا بشوف ناس بيسيبو العربية تريح شوية و يقومو ناقلين و برضة لو حتركن و قدامك و وراك عربيات متسبهاش على ال P لأنها لو اتزقت حيبقى غلط سيبها على N و تشد فرامل اليد بالنسبة لموضوع الصيانة و الزيت فا استنى رأى الخبراء

**أبو_حمزة** · 07-04-2008 09:51 AM

غيار الزيت على 40000 زى ما ها تلاقى فى كتيب الصيانة
الزيت اللأفضل هو Diamond SPIII و ده موجود فى التوكيل بس و 30 جنيه اللتر ان ما كانش غلى
الغيار بيحتاج 9 لتر
اظن الفتيس عندك CVT فلازم عشان تحفافظ عليه تستخدم الزيت اللى قولت لك عليه
و على فكرة ممكن يقعد لحد 60 بدون مشاكل طالما بتكشف عليه باستمرار
اظن غيار الزيت هايكلفك 400 - 450 فى التوكيل

**atolba** · 07-04-2008 07:52 PM

The CVT fluid must be changed with the specific oil mentioned up if u changed it with any other oil it will fail imediatly and u will have to throw away ur transmission box !!!!!!!!!!!!!!!!!!!!!!

**M_H** · 23-06-2008 12:59 AM

شكرا لي روددكم يا شباب الف الف شكر

**Ramy.Gamal** · 23-06-2008 03:18 AM

ميزة اللانسر انك ممكن تسيبها على ال N غير الكورولا والصنى اللى لازم تسيبها على ال p فقط

**hazem_khidr** · 23-06-2008 03:43 AM

تغيير الزيت و ليس تزويده فقط كل فتره حسب كتالوج العربيه ما يقولك
و الاستعمال الهادئ و ليس العنيف

**Abdo_Eldesokey** · 23-06-2008 04:25 AM

طب يا جماعة لو أنا مثلا ً ماشي على الـ D وداخل على مطلع عالي محتاج عزم ... هل لازم أوقف العربية وبعدين أنقل على L ولا أدوس فرامل وأنقل عادي ؟؟؟

**MaaG** · 23-06-2008 08:39 AM

المشاركة الأصلية كتبت بواسطة Abdo_Eldesokey

طب يا جماعة لو أنا مثلا ً ماشي على الـ D وداخل على مطلع عالي محتاج عزم ... هل لازم أوقف العربية وبعدين أنقل على L ولا أدوس فرامل وأنقل عادي ؟؟؟

ال L حسب السرعة ، يعني حدود سرعو ال L هتلاقيها مكتوبة في الكاتالوج و هيا تقريبا 40 لو إنتا كنت أسرع من كده هيبقى حمل زيادة أوي على المطور ، و عموما لأ مش لازم تقف ممكن لو انتا ماشي على 30 أو 25 و تديها L بس لو إنتا عاو تحافظ على الجير بوكس و الفتيس و المطور متستخدمش الغيار L إلا من الثبات و بعد كده لو عاوز تسقط إديها Ds أحسن .

ملاحظة : لو كهربة العربية سليمة هيبقى السحب لما تسقط على ال Ds هوا نفس السحب لما تدي العربية الكيك دون ( المفاجئ ) بس ال Ds بيفرق معاك في إنك لما تشيل رجلك من على البنزين بيديك فرملة مطور قوية ( مبينقلش التروس ) ، أما الغيار ال D العادي لو خفيت رجلك بينقل .