الموضوع: ادخل وشارك وقول مين اظرف شخصيه باعجبك ردودها فى المنتدى

سبعاوي - CryptonX - Xpert - Powert - Flying Peugeot

I Think Sab3aawy

المشاركة الأصلية كتبت بواسطة karim_monir

والله انا احب لو رشحت اقول تقسيمات

يعني في الردود الفنية الميكانيكية يبقي سبعاوي ومعاها كمان الردود الساخرة لان ليه كاريزما خاصة صنعها حب الناس ليه وتقبلها لاي كلام منه مهما كان ساخر

على مستوي التحليل بحب دماغ دكتور احمد سمير ونادر

دكتور احمد عبد الغني ليه دخلة خاصة كدة حزم بحنية ومن غير ما يزعل حد برضه

اخويا وحبيبي حفناوي اللي عاملينة فيه سواقين مصر على كوبري اكتوبر بيبان في ردودة بس لا تخلو من العقلانية برضه

اكسبرت راية الفني وخاصة في الاروبي انا شخصيا بقتنع بيه

اخويا وحبيبي محمد شهبور اسلوبة اتغير بعد ماكانت ناس بتتعمد تستفزة بقي هادئ وراسي كدة وبرضه مقتنع وهايقنعك بالحجة مش بكتر الكلام عشان كدة تلاقي كلامة مسنود بحيطة جامدة من الاسانيد
ا
حمد كلاتاتا بقي مش هاتكلم علية كفاية اللي ناس قالتة بس واضح ان بيدو كنزي بتوعوة مورينوة الويل وانعكس على اسلوب كتابتة (زيتون كلاتاتا) بالمناسبة اسمه استاذ احمد ابراهيم AIF

حازم خضر بتعجبني ردودة وتحيزة لفيات رغم انه تويتاوي جديد بس من فات قديمة

استاذ توت لاعن سلسفين الشعب المصري بس برضه قلبة طيب وردودة قوية وتحمل في طياتها حزنا على حال شعب مصر وتحسرا على ايام اروبا

علا عثمان شخصية جادة وعاقلة وردوها دايما تحمل مضمون فلسفي ومواضيعها كمان وان كان ليها شطحات حلوة :D

نهى (اوننا) شخصية جادة وعاقلة وردودها دايما تحمل مضمون فلسفي ومحدش بيرد ولا يعلق على اي كلمة ليها ومواضيعها بتحمل اقل كمية مشاركات (واعكسوا كلامي عشان تفهموا قصدي):p

شاركي ممتاز وهادي ومحدش بينرفزة بس متوجه قلبا وقالبا للاروبي

محمد ممدوح معظم ردودة فنية بحتة وبيفيد الناس جدا

استاذ متيما ردوده بتوحشنا ودايما محملة بالاسانيد القوية العلمية

احمد تيربو برو درايف سموه زي ما يعجبكم بس ردودة فنية خاصة بالسيارت وهو جاي هنا عشان العربيات

ومش عايز الاجتماعي باللي فيه ونفسة يقلهولكم زي ناس وردودة لو ماكنتش فنية يبقي فيها سخرية مرحة;)

محمد خلف رافع لواء الدفاع عن الصيني بكل منتجاتة بس الى حد ما تتميز ردودة بالعقلانية مع لمسة تحيز

مهندس عمرو سيات لوفر يوووب هو انا دخلت المنتدي الاروبي ليه بس شكلي هاجيب عربية ليون قريب والحدق يفهم بس شخصية محترمة في ردودها بس سريع الانفعال وشوية شوية هايتعود:D

هاني فلاينج لو يعدل اللغة بس عشان حسيت اني رجعت اولى ابتدائى من طريقة كلامة رغم ان فيها فنيات

مهندس حازم حزة بتوحشنا ردودك القاطعة المانعة للجدل الواثقة من نفسها

ام ماللك لو سابت بس العيال شوية هاتكتب اراء سديدة بس العيال اهم:p:p

اسلام المصري ردودة اقل ما يقال عنها انها محترم بتخر احترام لحد ما غرقت المنتدي:D

اسلام شاهين ابن البلد الجدع اللي سايب البلد وخالع

سيادة اللواء حسام حسن ردودة لازم تتقري فيها اللي بين السطور وهاجيبك هاجيبك يا زعبولة:D

الحلو ده نحطة في الاخر عشان نحلى
لو حسيت حد بيرد عليك رد بيطبطب عليك ويحسسك انك في مصر وان مصر دي لسه حاجة حلوة قوي بطيبة اهلها ومعدنهم الاصيل اللي بيبان في وقت الشدة وكل ما تعصر عليهم يستحملو ويدولك الحلو بتاعهم
لو حسيت انك تعبان وكتبت تفضفض ولقيت رد يبرد قلبك ويهديك وياخدك يقعدك في الشباك اللي في ضهر قلعة قايتباي
اعرف من غير ما تبص على صاحب المشاركة ان صاحبها
المهاتما
السندباد الطائر
اخي الذي لم تلده امي
هاني ادام

رد تحليلي مفصل مفصص على مقاس كل واحد.. يعني من الآخر كده يا كريم you have no solution :D