شى لا يصدقه عقل : البلطجية حرقوا (المحــرقة)

**أحمد كمال** · 02-03-2011 04:23 AM

المشاركة الأصلية كتبت بواسطة egyzizo

أيوه .. وبحكم التخصص الدقيق فمعظم المرضى ممن يعانون من فيروسات الكبد سى وبى وأمراض الحميات، يعنى النفايات بتشغى ميكروبات على كل لون.

طبعا دي نفايات خطرة جدا و محتاجة محارق متخصصة و فعلا زي ما بتقول لو واحد ما عندوش ضمير و رماها في الزبالة تبقى كارثة ذنبه ايه زبال غلبان يتشك بابرة ملوثة بفيرس سي مثلا و لا يستنشق بقايا عينة بصاق مريض درن ...... غير عديمي الضمير اللي ممكن ياخدوا السرنجات و يغسلوها و يعيدوا تغليفها !!

لا حول و لا قوة الا بالله .... يعني الكلاب دي استفادت ايه من حرق محرقة طبية؟؟؟؟؟؟؟

**mesaharaty** · 02-03-2011 10:27 AM

عندى إقتراح لا أعرف إن كان يعجبك ولا لأ

ممكن حضرتك تروح أى حتة صحرا وتتعمق فيها شوية وتقوم بحفر حفرة عميقة وتكون جايب كام لتر بنزين وتضع المخلفات فى الحفرة وتحرقهم ثم تردم عليهم .

أعتقد إن ده حل وسط وإن كان غير كافى

وبالتوفيق

**أحمد كمال** · 02-03-2011 10:55 AM

المشاركة الأصلية كتبت بواسطة mesaharaty

عندى إقتراح لا أعرف إن كان يعجبك ولا لأ

ممكن حضرتك تروح أى حتة صحرا وتتعمق فيها شوية وتقوم بحفر حفرة عميقة وتكون جايب كام لتر بنزين وتضع المخلفات فى الحفرة وتحرقهم ثم تردم عليهم .

أعتقد إن ده حل وسط وإن كان غير كافى

وبالتوفيق

المخلفات دي مش هتطهر نهائيا بشوية بنزين و نار غير ان فيها بعض الحاجات الحادة زي سنون الابر لازم تنصهر تماما

المحارق الطبية بتبقى الحرارة فيها تصل لحرارة صهر الحديد

**youssefmustang** · 02-03-2011 12:38 PM

ايه يا باشا حضرتك معاك يورانيوم ولا ايه ده كده غلط على صحتك انت
اتخلص منها وحاول تدفنها

**د/أحمد ابراهيم** · 03-03-2011 01:20 AM

المستشفيات الحكومي بتودي النفايات الطبية فين؟؟

ممكن ده يكون مخرج مؤقت للمشكلة حتى لو اضطريت لاضافة النفايات اللى معاك لنفايات المستشفى (محدش بيعد اكياس الزبالة)

**Egyzizo** · 03-03-2011 01:49 AM

دى فكرة ممتازة فعلاً .. أنت أستاذ ورئيس قسم ، تتحط مع نفايات الحكومة وهم يتصرفوا مع بعض ، حكومة فى حكومة ههههه ..

وان كانت تنفع مع الكميات البسيطة أكتر ..

على أى حال أنا اتصرفت المرة دى ، وعشمى المرة الجاية (فى خلال أسبوعين إلى ثلاثة أسابيع يكونوا صلحوا المحرقة اللى أنا متعاقد معاها).