عمر عفيفى وزير للداخليه....

**elfashn** · 02-03-2011 03:20 AM

ده مش خبر ده امل عدى على دماغى وانا عمال اقرأ المواضيع الى هنا فى المنتدى الاجتماعى والى معظمها بتتكلم عن غياب الشرطه والشرطه قاصده مش قاصده ظالمه مظلومه والوزير كويس لآ فاسد مخطط لآمنقط زهقت من كتر الى قريته والكلام الى عكس بعضه وبعدين فكرت ببساطه مصحوبه بسذاجه مواطن مالوش فى السياسه والتعيينات الوزاريه بس انا قولت هما جابو وزير كان على المعاش والناس مختلفه عليه وبتشكك فيه طيب الشعب لو حب يرشح حد يبقى وزير للداخليه ممكن نثق فيه ممكن يبقى مين؟؟؟؟؟ انا شخصيا معرفش حد ...لآ استنو العقيد عمر عفيفى الراجل المحترم الى عمل كتاب علشان متضربش على قفاكهوه اينعم خرج على رتبه عقيد بس محدش هيختلف على نزاهته وانه وقف مع شباب الثوره بتوجيهاته الممتازه وانه فى صف الشعب والمواطن الغلبان الى مبيعرفشى ياخد حقه عمر عفيفى رجل قانون وهو يحترم زملائه من ظباط الشرطه....معرفشى تفكيرى ده صح ولا عيالى شويه بس الواحد زهق من عدم وجود الامن وعدم الامان لدرجه الواحد بدء يفكر يشترى ادوات غير قانونيه للدفاع عن نفسه ضد اى خطر من المجرمين والبلطجيه

**aly_hosny** · 02-03-2011 03:35 AM

معلش بس انا ضده
هو لو وطني و بيحب مصر كان حارب الفساد من هنا
كمان محبتش اسلوبه و تلميحاته و حسيت انه بيصفي حساب مع حبيب العادلي

انا ارشح «أحمد رشدي» ولو مينفعش "لكبر سنه"
ارشح اللواء حمدي الجزار "كان مدير امن القليوبية و قبلها اسيوط و دلوقتي مساعد وزير الداخلية"
الناس تشهدله قعد في القليوبية سنة مكنش في زرة مخدرات و لا تسمع عن حوادث السرقة بتاعة نتش الشنط و الموبايلات و السلاسل و الكلام دا
دا غير المرور طبعا ال كان حاجة تانية خالص في عهده

كمان اسمع انه كان في اسيوط وقت القبض على عزت حنفي "الجزيرة "

**elfashn** · 02-03-2011 03:45 AM

ماهي المشكله فى ان لما تختار حد من مديرين الامن تلاقى واحد طلع يقولك اصله كان بيظبط مع تجار القلقاس اصل ابنه كان واخد اسكوتر هديه مش عارف من مين ومش هيجعب البعض واطلع على التحرير يا اوسطا..

**itsonlyme** · 02-03-2011 03:54 AM

لا يا راجل.
أنا كنت متابع فيديوهاته قبل 25 ينيار ونصائحه بس زودها قوي في آخر فيديو.

اسلوب كلامه كأنه بيقود عصابة.

قاعد في واشنطن وحاطط علم مصر وراه وعمال يعمل بيانات وخطابات نارية.

**aly_hosny** · 02-03-2011 04:01 AM

المشاركة الأصلية كتبت بواسطة elfashn

ماهي المشكله فى ان لما تختار حد من مديرين الامن تلاقى واحد طلع يقولك اصله كان بيظبط مع تجار القلقاس اصل ابنه كان واخد اسكوتر هديه مش عارف من مين ومش هيجعب البعض واطلع على التحرير يا اوسطا..

انا معتقدش كدا
يعني رفض محمود وجدي بدا لما بداته تصريحاته الغريبة و الهلامية
دا غير ماضيه " كان عندنا برضو في القليوبية"
انما لو واحد من الاول بان عليه الوطنيه و حب البلد محدش هيقف ضده

**أحمد كمال** · 02-03-2011 04:03 AM

المشاركة الأصلية كتبت بواسطة aly_hosny

معلش بس انا ضده
هو لو وطني و بيحب مصر كان حارب الفساد من هنا

انا لا معاه و لا ضده بس لو حضرتك امن الدولة بتتحرش بيك يوميا و بتطاردك في سيارتك الخاصة و بتفتش بيتك و بتهددك بالتصفية الجسدية مش هتركب اول طيارة و تهرب؟

**أحمد كمال** · 02-03-2011 04:05 AM

المشاركة الأصلية كتبت بواسطة itsonlyme

لا يا راجل.
أنا كنت متابع فيديوهاته قبل 25 ينيار ونصائحه بس زودها قوي في آخر فيديو.

اسلوب كلامه كأنه بيقود عصابة.

قاعد في واشنطن وحاطط علم مصر وراه وعمال يعمل بيانات وخطابات نارية.

هو قاعد في فيرجينيا مش واشنطن ......

**itsonlyme** · 02-03-2011 04:18 AM

المشاركة الأصلية كتبت بواسطة أحمد كمال

هو قاعد في فيرجينيا مش واشنطن ......

بس أنا شوفت البروفايل بتاعه على الفيس بوك كان كاتب واشنطن وشوفته على قناة الحرة كانوا كاتبين واشنطن.

عموما مش مهم، أهو قاعد في أمريكا عمال يدي في خطب نارية.