عليك وعلى التوكيل يا باشا يحضهالك على اسكانر علشان يشوفوا العيب من ايه وخاصه انها لسه زيرو
رقم العضوية : 84666
تاريخ التسجيل : 31Dec2010
المشاركات : 6
النوع : ذكر
الاقامة : cairo
السيارة: لا توجد
السيارة[2]: لا توجد
الحالة :
السلام عليكم يا أعضاء المنتدى الكرام .انا الحمد لله اشتريت صنى EX ٢٠١١ اوتوماتك و عندى كذا نقطه عايز اسأل فيها العربيه حتى الان عملت ٦٠٠ كم.
١- فرامل العربيه واطيه و ضعيفه مع انها ABS و لمبه ال ABS check بتقول ان مفيش مشكله بس انا ملاحظ ان الفرامل بتعلى شويه و انا ماشى بسرعه هل ده طبيعى و بيتصلح فى صياته ال ١٠٠٠
٢- انا عارف انه عادى انى احس بنقل غيار العربيه لكن انا بحس بنتشه كمان اما اكون ماشى و العربيه لسه نفله وانا شيلت رجلى من على البنزين عشان اقف او اهدى والنتشه دى بتكون اقوى من نتشه النقله نفسها و احس العربيه بتمد لقدام فهل دى نتشه ناتجه عن ان العربيه رجعت نقله عشان انا شيلت رجلى بعد ما خدت النقله
٣- العربيه صوتها مش عالى بس اما باكون واقف فى اشاره و دايس فرامل رجل بحس رعشه او اهتزازات الموتور فى دواسه الفرامل فهل ده نتيجه ان فراملها اصلان واطيه و مش جامده اوى ولا دى حاجه فى الموتور
برجاء الافاده لان النقط دى مخليه سواقه العربيه مش حاجه لطيفه و ممتعه ذى ما توقعت
رقم العضوية : 49520
تاريخ التسجيل : 10Oct2009
المشاركات : 6,024
النوع : ذكر
الاقامة : 6 اكتوبر
السيارة: كيا سيراتو 2010
السيارة[2]: دايو لانوس 2006
الحالة :
عليك وعلى التوكيل يا باشا يحضهالك على اسكانر علشان يشوفوا العيب من ايه وخاصه انها لسه زيرو
اللهم ارزقنى بر والدى
[SIGPIC][/SIGPIC]
رقم العضوية : 29806
تاريخ التسجيل : 11Jan2009
المشاركات : 102
النوع : ذكر
الاقامة : Cairo - Nasr City
السيارة: NA
السيارة[2]: Nissan Sunny 2011 EX Salon
دراجة بخارية: NA
الحالة :
1000 مبروك يا باشا وربنا يكفيك شر الطريق ويباركلك فيها.
1- بالنسبة للفرامل , أنا شايف انها واخده هوا وده نتيجة ان الي حط زيت الفرامل مسحبش الهواء كويس, علي العموم ديه حاجة بسيطة متقلقش, انت بس قلهم ملاحظاتك ديه عند صيانة ال 1000 (الفرامل ضعيفه و وانا دايس عليها بحس ان فيه رعشة في الدواسة).
2- بالنسبة للموتور والجير بوكس, بلغهم برضة علي ملاحظاتك وديه برضه سهله جدا إنشاء الله, بيتم إعاده ضبط ال tps عن طريق الكمبيوتر.
ربنا يوفقك وتبقي تطمنا.
تحياتي
-=superhano=-ARRIVE ALIVE
رقم العضوية : 18439
تاريخ التسجيل : 09Sep2008
المشاركات : 8,548
النوع : ذكر
الاقامة : حدائق الاهرام
السيارة: بولو 99
السيارة[2]: تيدا 2009
دراجة بخارية: honda
الحالة :
اولا الف مليون مبروك استلامك للعربية وربنا يعطيك خيرها ويكفيك شرها
ثانيا اهلا بيك معانا فى قسم نيسان عضو جديد ,متفاعل معاانا ان شاء الله
ثالثا بنشكر العربية والمشاكل البسيطة دى اللى عرفتنا على حضرتك واتشرفنا بيك
رابعا زى ما قالولك الاعضاء خير ان شاء الله وكلها امور بسيطة وباذن الله حتتمتع بالعربية , وده وضع طبيعى ان ممكن يظهر بعض الملاحظات فترة التليين
بخصوص الفرامل بيفضوا الهواء فيها لان على وصف كلامك وان الفرامل بتكون واطية وبتعلى تانى يبقا فيها هوا
فا باذن الله فى صيانة الالف حيعملولك الموضوع ده وتاكد انهم حيرجعوا منظومة الفرامل كويس من زيت فرامل وتيل لان ممكن يكون عاوز يتنظف ,يتصنفر يعنى ,والطنابير كمان , فخير ان شاء الله
بس حاول تعجل فى صيانة الالف بمعنى انك تخصلهم بدرى بدرى
وكمان لما تروح تعمل الصيانة حيحطوا العربية على الكمبيوتر ويظيبطوا كل الحساسات وباذن الله النتشة دى مش حتحس بيها تانى
ودون كل ملاحظات دى وقولهم عليها , ومتمشيش الا لما تجرب عربيتك مع مهندس الصيانة
وتيجى قبل ما تعمل 1002 كيلو تدخل على نايل موتورز قسم نيسان وتطمنا عليك وتقولنا ايه الاخبار
وتحت امرك فى اى خدمة
تحياتى
محرر فى دعم اتخاذ القرار بوزارة الاعلامقليل المشاركة فى الموضوعات والرسائل الخاصة لانشغالى بالعملبرجاء الاتصال بى : 01288814049
رقم العضوية : 85890
تاريخ التسجيل : 15Jan2011
المشاركات : 442
النوع : ذكر
الاقامة : cairo
السيارة: Nissan Sunny AT 2011
السيارة[2]: Poloneze 1989
دراجة بخارية: لا يوجد
الحالة :
1000 مبروك يا باشا
موضوعك قلقني جدا
أنا استلمت نيسان صني 2011 أول امبارح و لسة معملتش غير 150 كم العيوب اللي عندي لحد دلوقتي كلام فارغ (السنتر مابيقفلش باب السواق و الكرسي بتاع السواق عايز يتربط كويس عشان الكرسي بيتهز مع الفرامل الجامدة)
بس بصراحة الميل بتاعك قلقني
انا متابع باهتمام شديد جدا
رقم العضوية : 530
تاريخ التسجيل : 08May2007
المشاركات : 3,300
النوع : ذكر
الاقامة : alexandria
السيارة: nissan
السيارة[2]: بيجو 406
دراجة بخارية: مالها
الحالة :
مبروك عليك العربية ربنا يبارك لك فيها ويكفيك شرها وتستخدمها فى الخير دائما إن شاء الله
مين اللى يستحمل كل ده
رقم العضوية : 49520
تاريخ التسجيل : 10Oct2009
المشاركات : 6,024
النوع : ذكر
الاقامة : 6 اكتوبر
السيارة: كيا سيراتو 2010
السيارة[2]: دايو لانوس 2006
الحالة :
والله المفروض ال خرج العربيه من المصنع من غير ما ياخد هواء للفرامل يتعاقب على الاهمال بس دا عيب فردى مش عيب عربيه والحمد لله انها بسيطه
على فكره السنتر لما بيتقفل الباب بتاع السائق بيبق مفتوح دا مش عيب
اللهم ارزقنى بر والدى
[SIGPIC][/SIGPIC]
رقم العضوية : 10922
تاريخ التسجيل : 18May2008
المشاركات : 180
النوع : ذكر
الاقامة : مصر
السيارة: فولكس فاجن جيتا
السيارة[2]: نيسان صنى
الحالة :
بس يا باشا انا هقوللك على موضوع احساسك بالاهتزازات
طبعا حضرتك مش دافع حاجة و تسعين الف جنيه عشان تبقى حاسس باهتزازات تقل مزاجك
انزل من العربية و بص على الموتور والعربية دايرة و ركز:
هل الموتور ثابت تماما؟ و لا فيه اهتزازات و كل شوية يترعش؟
انتظر حتى تدور المروحة على السرعة العالية(و ليس السرعة المنخفضة)
هل الاهتزازات بتزيد سرعتها قدام عنيك؟
الطبيعى فى السيارات المضبوطة( و اسأل كهربائى شاطر) ان الموتور لا يهتز امام عينيك
لو لقيت الموتور ثابت يبقى الف مبروك الموضوع طبيعى و شوف موضوع النتشة بيعرفوا يضبطوها فى التوكيل بسهولة
لو لقيت اى اهتزازات فى الموتور فى الغالب دة عيب كهربا و دة مشهور فى بعض سيارات الصنى و لو رحت التوكيل هيقولك دة عادى كل الصنى كدة
شوف الاول و ابقى قوللى
نصيحة لله:
ما تسمعش كلام الناس اللى هتقولك كله تمام و اهم حاجة الروح الطيبة و الاخوة و الكلام دة و عربيتك مفيهاش حاجة انتا بيتهيألك او انت اللى مابتعرفش تسوق
ركز جيدا
لو شايف حاجة ماتسكتش عليها انت لسة فى اول الضمان
و بكررلك تانى
انت مش دافع مبلغ بسيط عشان تبقى مش مبسوط و انت سايق
و ربنا يباركلك فى السيارة و يكفيك شرها
رقم العضوية : 18439
تاريخ التسجيل : 09Sep2008
المشاركات : 8,548
النوع : ذكر
الاقامة : حدائق الاهرام
السيارة: بولو 99
السيارة[2]: تيدا 2009
دراجة بخارية: honda
الحالة :
حضرتك يا استاذ خالد تقصد بايه من كلامك
الراجل لما يدخل عندنا فى القسم لازم نرحب بيه ونحتويه ومهما كانت مشكلته نهديه عشان نعرف نفكر معاه بالعقل
وده شان الاعضاء المحترمة وشان المنتديات المحترمة
مش احسن بدل ما يدخل فى موقع اخر ويفضل ينادى ويتكلم ومحدش بيرد عليه ولا حتى يقوله وعليكم السلام !
الحاجة التانية مين هنا من الاعضاء بيطلع العضو انه ميتهياله ومجنون . لان معنى كلامك كداا !
الاعضاء اللى هنا المحترمين و بيحبوا الناس وبيخدموهم من القلب وده بيميز اعضاء النايل موتورز عن اى مكان اخر وبنحب نحل المشاكل بهدوء دايما
وحتى الناس الموسوسة واللى بتروح منتديات اخرى غير منتدانا ,بيطلعوهم الاعضاء هناك ان اصحاب المشاكل دى موسوسين وبيقولوا كدا ليهم , والحمد لله ده مبيحصلش عندنا ولا عمر حد اتجرا وقال لفظ لحد كدا زى اى مكان اخر
وغير كدا مش لازم عشان نريح صاحب المشكلة نقوله اه فى مشكلة وان فى مصيبة فى العربية عشان اتفق معاك ومع كلامك , ولو اختلفت وقولت عكس كلامك ابقا وكيل نيابة وابقا بقول للعضو متهيالك وانه مجنون
وده حصل فى مشاركات كتير لحضرتك وذكرت علينا كدا
انا عايز الاعضاء اللى الحمد لله خدمناهم يدخلوا ويردوا هل كلامى غلط ولالا , كام واحد كان غضبان من مشكلته وحلينا مشكلته بهدوء وجبناله حقه
كام مساعدة حققناها للاعضاء فىا لقسم بدون تحيز
والاعضاء ياريت يقولوا لما كنا بنحل مشاكلهم بنكون معاهم ولا مع التوكيل !!
وكل ده بايه بقا هل مش باهلا وازيك وبالمحبة وبالاخوة اللى حضرتك بتتريق علينا بيها
فاتمنى من حضرتك لو حابب تشرح وجهة نظر تشرحها بدون تجريح فى الاعضاء بالعموم
لان المكان ده اتاسس بحب وبود وباحترام بين كل الاعضاء والشغل والجهد ده مبنى بالاخوة والطيبة والمحبة
تحياتى
محرر فى دعم اتخاذ القرار بوزارة الاعلامقليل المشاركة فى الموضوعات والرسائل الخاصة لانشغالى بالعملبرجاء الاتصال بى : 01288814049
رقم العضوية : 82616
تاريخ التسجيل : 03Dec2010
المشاركات : 6,066
النوع : ذكر
الاقامة : حلمية الكلاماتا :)))
السيارة: Ex Sunny M/F/O 2011
السيارة[2]: Polo M/F/O 1995
دراجة بخارية: مولتوسيكل :)
الحالة :
السلام عليكم
أخي الكريم ..... كيف حالك يا فندم
اولا الف الف الف مبارك عليك وربنا يرزقك خيرها ويكفيك شرها وتتمتع بيها بفضل الله
ثانيا : اتمني الاعضاء يكونوا افادوا حضرتك ومش عايزك تقلق خالص والعربية مفيهاش حاجة ان شاء الله ولو لا قدر الله لقيت حاجة التوكيل هايحلها
تفتكر حضرتك عملوا الضمان ليه ... واول صيانة كمان ببلاش علشان هما عارفين الضغط اللي علي المصنع ومش كل العربيات بتطلع بيرفكت حتي ولو نسبة 10:1 ...... !!!
بالله عليك ... علشان انا الحمد لله تقريبا خفيت من المرض ده قريب بفضل الله
انسي الوسوسة ديه خالص وثق بالله ثم بالعربية ... انت مش شاري عربية لسه نازله جديدة ومحدش جربها والكلام ده
ابدا ابدا حضرتك شايف انتشرت ازاي وبتعيش قد ايه ... واديك شايف ماشاء الله حاجتها معمرة ازاي بفضل الله
لو لقيت حاجة لاقدر الله يبقي التوكيل هايحلها وروق بالك كده ومتخليش حاجة تعكنن عليك
واكيد اكيد مفيش حاجة كاملة 100% حتي لو bmw ولا مرسيدس او خلافه
واعرف انك شاري عربية دافع فيها قرش وواخد قدامه عربية وعشر قروش .. ربنا يباركلك فيها ويكفيك شرها
بالنسبة لأسألتك بقي
1- الفرامل : أعتقد انها عايزه تاخد هوا ... او ممكن تكون خايف علي العربية زياده عن اللازم يعني كذا حاجة
وده مش معناه اني اقول ان حضرتك مبتعرفش تسوق ... حاشا لله (زي ما في ناس بتقول)
انا بقولك علي اللي جربته .... انا كنت بخاف ادوس علي الفرامل جامد وكنت بخاف علي الفتيس اوي واخد كل نقلة براااااااحة بطريقة تخنق وهكذا ... بس الحمد لله خفيت منه هههههه
2- بصراحة مش هاقدر افيد حضرتك فيها علشان عربيتي مانويل.
3- اعتقد اني ممكن اجاوبها باللي قريته في المنتدي
انت لما بتقف في اشارة .... بيبقي الغيار علي الn ولا الd
لو علي الd يبقي عادي علشان العربية عايزة تمشي وانت ماسكها ومش عايزها تمشي وبالطبع لاوم الموتور يرعش
لو علي الn يبقي ممكن في حاجة في كهربة العربية وعايزة تتظبط وان شاء الله يظبطوها في الصيانة.
وبالنسبة للسواقه مش ممتعة .... هي اكيد في الشوارع والزحمة ديه مش ممتعه
بس باانسبة للعربية ... ان شاء الله مفهاش حاجة وشيلها من دماغك لغاااااااااااااية صيانة الالف ... بعديها اعمل اللي يريحك :))
تقبل مروري .... واقعد بالعافية :))
اخي الكريم كيف حالك
الف الف مبارك علي حضرتك
يعني في يوم واحد كسبنا عضوين جليلين ..... ايه الهنا ده
ان شاء الله في انتظار تفاعلكم وتقاريكم عن الصني وتساؤلاتكم ..... :)))
انا مش عايز اعيدلك نفس الكلام ... علشان متحطهوش في دماغك واتمتع بعربيتك علي قد ما تقدر ربنا يرزقك خيرها ويكفيك شرها
وانت لسه في الضمان والوكيل محترم وكله تمام .... انت متركزش مع العربية وتطلع فيها القطط الفاطسة
مفيش حاجة كاملة ..الكمال لله وحده
الفكرة ان في توكيل بيصلح لا قدر الله من غير مشاكل وباحترام كمان
انا مش عايز اقولك انا اول ما جيبت العربية كنت عامل ازاي والحمد لله بقيت دلوقتي ازاي
وانت كل ما تخاف علي الحاجة اووووووووي تخنقك اوووووووي وتزهق منها
تقبل مروري
وأفعد بالعافية :))
السلام عليكم
أخي الكريم ...كيف حالك
دلوقتي انا عايز اعرف بس انت معاك صني ولا مش معاك ولا ايه ؟؟
انا ملاحظ انك عمال تخبط فيها وعلي المصنع وعلي التوكيل وعلي الناس حتي اللي بتسأل وعايزة تتطمن
يعني محدش قاله انه مش سواق .. ولا انت عايزه يفكر زيك
واهم حاجة فعلا الاخوة والروح الطيبة ... انت لو معانا وبتتفاعل هاتحس بيها ... لكن انا ملاحظ اوووووي انك كل ما تلاقي الاعضاء المحترمين هنا بيعملوا تقاري جميلة عن النيسان عموماوالصني خاصة .. وتقارير بتفيد الناس وبدون ادني مقابل .!!
لالالالالالا تصدق في مقابل بس انت ممكن متاخدش بالك منه ....... المقابل الروح الطيبة والاخوة والاعضاء المحترمين اللي بنكسهم
واحنا لا شغالين لا مع نيسان ولا مصنع ولا غيره
وغير الناس اللي بتيجي بتسأل عن حاجة للصني ... سواء اول مرة تشرفنا او اعضاء محدش غصبهم عليها .... الناس اشترت الصني وبتسأل عن حاجات فيها
اكيد حضرتك مش فذ لدرجة انك تعرف كل حاجه من غير ما تسأل .. حتي لو انت كده
غيرك كتير مش كده
وبعد اذنك بقي ... هاتلي عربية تسااااوي القيمة السعرية بتاعتها زي الصني ... مفيش وانا واثق من كلامي
يعني لو كان جاب انفنيتي ولا مرسيدس .. ولقي فيها عيوب كنت هاتقوله انت مش جايب عربية بمليون جنيه علشان تتمتع وفي الاخر تلاقي اهتزازت
وياريتك ... طمنته ولا قلتله سبب الاهتزازت ... لالا في الاخر بتقوله عيب كهربا
اهلا بيك ... نورت المحكمة
والعربية لسه في الضمان ومكملتش 600 كم .... وممكن يكون احساسه هو بس مش اكتر.
يبقي ياريت بعد اذنك
هتشارك معانا يبقي تقول حاجة تفيد السائل وتفيدنا وتفيدك... ده لو معاك صني
مش معاك صني وبتكلم من غير علم ... يبقي حضرتك تسمع الناس اللي بتتكلم عن علم وتفهم منها
ده مش عيب .. العيب انك تقول حاجة مش متأكد منها .
تقبل مروري
أُمـــ الغوالــــــــــــــــي ..... أُسطــــورة لـــــهــــــا تاريـــــخ
[img3]https://fbcdn-sphotos-g-a.akamaihd.net/hphotos-ak-prn1/524144_516916281678719_387980934_n.jpg[/img3]
[marq="4;right;2;scroll"]Eng.Hussein GaMal[/marq]
[marq="4;left;2;scroll"]Mob. +20111 960-9399[/marq]
المفضلات