عريس وسينما وإنترفيو وخناقة
خطر على بالى موضوع أرجو أن يكون مقبول لديكم ودمه خفيف على قلبكم .
الموضوع فكرته هى إن لكل مكان ثقافته ومفرداته
يعنى إيه
يعنى مثلا فيه مفردات وثقافة لموقف زى ركوب الميكروباص - عريس بتقدم لعروسة وقاعد فى صالون بيتهم - راجل ومراته داخلين يتفرجوا على فيلم فى السينما - واحد رايح يعمل إنترفيو علشان يشتغل - مدرس بيدى حصة فى درس خصوصى - خناقة بين اتنين بلطجية - خناقة بين اتنين مثقفين .
أكيد لكل موقف من دول فيه مفردات لغوية وتصرفات مصرية مية المية .
فهمتوا فكرتى
إن كانت عجبتكم ممكن نختار أى Topic حتى من اللى انا كاتبهم ونبدأ حفلة مفردات وألفاظ مصرية صميمة وقد لا تخلو من خفة الدم .
أرجو المشاركة خلونا نرفه عن نفسنا شوية (محتاجين ترفيه اليومين دول)