الموضوع: ها اية اخبار اللستة النهائية بتاعة الطلبات خلصت و لا لسة ؟

المشاركة الأصلية كتبت بواسطة cayman69300

طبعا وجة نظر جميلة
بس برضوا انا عندى اقتراح عملى
كل اللى زعلان على ارواح الشهداء ( عليهم رحمه الله ) يجمع بينة و بين مجموعة من زمايلة و يشتروا كولديرات او مبرادات مية و يحطوها قدام الجوامع كصدقة جارية على ارواح الشهداء
و بكدة يبقى عمل ايجابى - الحكاية مش فنجرة بوق و لا شعارات و كل شوية ارواح الشهداء - انا عارف انهم غالين بس يا ريت اننا نتجمع على افادتهم فى الاخر بصدقة جارية و فى الدنيا اننا نعمل اللى نقدر علية علشان موتهم ميروحش هدر
يا رب تعو الكلام دة و نمشى فى سكة ايجابية - و ليست سكة شحتفة على الماضى

الايجابية عنك ان ارواح الناس تساوى كوليرات مية
تصدق كنت ناوى ارد على النقط اللى بتتكلم فيها بس ما اقدر اقول غير ان ربنا يكرمك ونبقى نعملك قلة

المشاركة الأصلية كتبت بواسطة fepsceasar

الايجابية عنك ان ارواح الناس تساوى كوليرات مية
تصدق كنت ناوى ارد على النقط اللى بتتكلم فيها بس ما اقدر اقول غير ان ربنا يكرمك ونبقى نعملك قلة

لو المعنى لسة موصلش لحضرتك يا ريت تسال تقرى الرد بتاعى لحد ممكن يفهمهولك
لان معنى كلامى مش كدة خالص
فى حاجة اسمها صدقة جارية
مش عارف سمعت عليها و لا لآ
اسال عليها واحد شيخ هبقولك عليها دى حاجة كويسة و لا مش كويسة
و بعد اذنك انا بتكلم بردود عامة و مش بوجهة كلامى لحضرتك
و ليك كامل الحرية فى الرد طالما فى نطاق الادب
لكن اكتر من كدة ملى واحد تتفضل تحتفظ بردك لنفسك
و شكرا

المشاركة الأصلية كتبت بواسطة fepsceasar

الايجابية عنك ان ارواح الناس تساوى كوليرات مية
تصدق كنت ناوى ارد على النقط اللى بتتكلم فيها بس ما اقدر اقول غير ان ربنا يكرمك ونبقى نعملك قلة

او هرد بطريقتك
عارف القلة دى لمين ؟
...................
ههههههههههههههههههههههه
و لا بلاش

المشاركة الأصلية كتبت بواسطة donzi

اولا مين قال لحضرتك ان مفيش حاجة زي كدة بتتعمل و حاجات تانية غيرها كتير لتخليد ذكرى الشهداء دول ولا كل واحد لازم يمشي يقول انا دفعت كزا و شاركت بكزا عشان اعمل و اسوي للشهداء ؟؟؟ اعتقد ان هي دي فنجرة البوق

ثانيا موتهم مش هايروح هدر لما المطالب اللي ماتوا عشانها و الحقوق اللي طالبوا بيها ترجع و البلد توصل للي هما كان نفسهم فيه مش بكام كولدير ميه على ابواب الجوامع

لو حضرتك بتسمي استرجاع حقوق البلد و الناس اللي بتسسرق و بتموت من الجوع و الفقر و بتتقتل عشان صوتها مايطلعش شحتفة على الماضي يبقى حضرتك اللي مش واعي و مش عارف احنا اصلا بنعمل ايه و بنعمله ليه

لو سمحت ممكن تحتفظ برايك لنفسك
او تقولة براحتك لكنة مش موجة ليا
اعتقد المعنى وصل
و لو مش واضح ممكن اوضح اكتر
و شكرا

المشاركة الأصلية كتبت بواسطة hobiko

أنا مش قادر أفهم ..... إيه المشكلة في المطالب


مشكلتكم الوحيدة في الدنيا ...... إن المطالب عمالة تزيد


أنا قلتها قبل كدة ..... انتو بتحسسني إن مطالب المتظاهرين شقة و عربية و رحلة لدبي مثلاً لكل واحد فيهم

please allow me to copy this place to FB
انتو ليه مش قادرين تشوفو أو تسمعوا ؟؟؟؟؟؟؟؟؟؟؟؟؟؟؟


الناس بتقول عايزين وزارة بعيدة عن نظام مبارك


في حد مختلف فيكو على ممدوح مرعي أو أبو الغيط أو محمود وجدي ؟؟؟؟؟؟؟؟؟


بعيداً عن شفيق ..........


حد فيكو مختلف معاية على عدم صحة تصدير الغاز لإسرائيل بالأسعار المتدنية دي ؟؟؟؟؟؟؟؟؟


طب ليه أجيب وزير كان عضو في مجلس إدارة الشركة المصدرة للغاز لإسرائيل ؟؟؟؟؟؟؟؟؟؟؟؟؟!!!!!!!!!!!!!!!!


يعني خلاص مفيش حد كويس من مئات القضاه المحترمين ......... ينفع وزير عدل


يعني خلاص مفيش حد كويس من مئات السفراء المحترمين ........ ينفع وزير خارجية


يعني خلاص مفيش حد كويس من الشرطة ........ أنا معاكو دي صعبة شوية ...... بس ندور تاني يمكن نلاقي


ليه الإصرار على دول ؟؟؟؟؟؟؟؟!!!!!!!!!!!!!!


طيب حد فيكم مش مع معاقبة قتلت متظاهري التحرير ؟؟؟؟؟؟؟؟؟؟!!!!!!!!


محدش يقنعني إن الداخلية بجلالة قدرها مش عارفة مين إلي فتح النار على المتظاهرين ؟؟؟؟؟؟ ولا إيه ؟؟؟؟؟


مثال : النيابة استدعت وائل الكومي ...... ولا راح ولا جة و مخبياه الداخلية في مديرية الأمن لحد إنهردة


إيه سر الإبقاء على رؤساء الصحف القومية ........ القاصي و الداني عارف أد إيه دول منافقين و زبالة


الشباب طالب إيه تاني .............؟؟؟؟؟؟؟؟؟؟؟؟؟


دستور جديد ...... تعمله لجنة تاسيسية محترمة من كل أطياف الوطن


مجلس رئاسي لإدارة شؤون البلاد ...... حتى دي الشباب إقترح على المجلس إلعسكري لو مش عاجبه في اوبشن تاني


نخلي الإنتخابات الرئاسية الأول و بعد كدة نعمل دستور جديد و بعد كدة إنتخابات برلمانية ...... الطرح دة نفسه واحد ذي عمرو موسى قاله


لو عملنا إنتخابات مجلس شعب من غير تطهير للداخلية أو إعادة هيكلة أمن الدولة و محاسبة صفوت الشريف و زكريا عزمي و فتحي سرور و من غير ما ندي فرصة للاحزاب و القوى السياسية تنظم نفسها معناه اننا بنجيب تاني الحزب الواطي و الاخوان


فقط لا غير



إيه المشكلة في كل الكلام دة ؟؟؟؟؟


دة مذعلكم في إيه ؟؟؟؟؟


بعيد عن خلافاتنا و بعيد عن اننا عايزين نعمل ابطال و اننا عايزين نركب الثورة و الكلام دة ...... إيه رأيكم في الكلام دة

المشاركة الأصلية كتبت بواسطة donzi

اولا مين قال لحضرتك ان مفيش حاجة زي كدة بتتعمل و حاجات تانية غيرها كتير لتخليد ذكرى الشهداء دول ولا كل واحد لازم يمشي يقول انا دفعت كزا و شاركت بكزا عشان اعمل و اسوي للشهداء ؟؟؟ اعتقد ان هي دي فنجرة البوق

ثانيا موتهم مش هايروح هدر لما المطالب اللي ماتوا عشانها و الحقوق اللي طالبوا بيها ترجع و البلد توصل للي هما كان نفسهم فيه مش بكام كولدير ميه على ابواب الجوامع

لو حضرتك بتسمي استرجاع حقوق البلد و الناس اللي بتسسرق و بتموت من الجوع و الفقر و بتتقتل عشان صوتها مايطلعش شحتفة على الماضي يبقى حضرتك اللي مش واعي و مش عارف احنا اصلا بنعمل ايه و بنعمله ليه

لا يا دونزي
ممكن نختلف في الراي بس مش واعي ومش عارف
كده احنا بنجرح في بعض وكمان المشاركه السابقه ( هجيبلك قله )
كده يا جماعه احنا بنخرج من روح النقاش لروح العداء
مش عارف ليه لسه بقول بجد يا استاذ كريم اقفل الاجتماعي احنا عقبال ما الانتخبات تيجي هنكون كلنا خسرنا بعض

المشاركة الأصلية كتبت بواسطة cayman69300

الشعب 85 مليون
غلطة مطبعية

No Comment