السلام عليكم
عايزه اسالكم يا اهل المنتدى
تفتكرم فى ظل الظروف الحاليه وسمعت ان المرور اخر جمال ومفيش غلاسه
ايه رايكم اروح امتحن على طول ولا اقدم فى المدرسه الاول ؟
عرض للطباعة
السلام عليكم
عايزه اسالكم يا اهل المنتدى
تفتكرم فى ظل الظروف الحاليه وسمعت ان المرور اخر جمال ومفيش غلاسه
ايه رايكم اروح امتحن على طول ولا اقدم فى المدرسه الاول ؟
في كل الأحوال الأفضل أن تتعلمي قيادة السيارات بشكل جيد قبل القيادة الفعلية
الغرض ليس الحصول على رخصة القيادة
بل إجاة القيادة
الحقي الفرصة بجد وروحي امتحني
مش هتلاقي فرصة زي دلوقتي
الدنيا دلوقتي بيس على الاخر
بس بعد كده اتعلمي كويس
انا هتعلم طبعا مش همشى الوش يعنى بس انا بقول استغل الفرصه دلوقتى ولا اقدم فى المدرسه عشان الرخصه تطلع بس
امتحان الكمبيوتر معقد و غبي و مفيش مفر منه
ربنا يبشرك بالخير
يعنى مش هعدى منه بسهوله؟؟؟؟
ربنا يطمنك يا ابو صلاح
طيب ايه الخطوات اللى هعملها بالظبط
لو قبل 25 يناير كان معروف ازاى تطلع
لكن بعد 25 يناير الله أعلم
بس انا امتحنت سواقة 3 مرات بس الحمد لله فى الاخر
عملتها
وبالتوفيق ان شاء الله
بس لو فية بقايا من ماقبل 25 يناير
تتعمل فورا بدون انتظار ولاتردد لان مافيش حد عارف ايه اللى هايحصل بكرة
مدرسه القياده اضمن الواحد ميعرفش ايه اللي ممكن يحصل في الاختبارات
طيب مهو حتى اللى بيروحو المدرسه مبيتعلموش حاجه بيروحو بس عشان دى الطريقه المضمونه ان الرخصه تطلع
بس انا بقول مدام الدنيا وردى دلوقتى فى المرور اروح من غير مدرسه
ولا ايه رايكم؟؟؟؟؟؟؟؟؟
هوا انتي اصلا بتعرفي تسوقي ولا ايه
يعني خوفك من الامتحان ولا خوفك من الكوسه ليسقطوكي وخلاص
انا بتعلم دلوقتى
بس انا عايزه اطلع الرخصه ده المهم وطبعا مش هسوق غير لما اتعلم كويس مش هخبط وخلاص
اروح امتحن ولا ادخل المدرسه
فى ناس انا اعرفهم طلعو الرخصه وهما ميعرفوش حاجه خالص فى السواقه بالفلوس والواسطه
بس ده قبل 25 يناير
دلوقتى اعمل ايه
دلوقتي ولا حاجه
تتعلمي كويس
وبعدين تروحي الامتحان تمتحني وخلاص
متدفعيش رشوه
وطالما بتسوقي كويس يبقي ان شاء الله حتنجحي
ولو تعرفي حد واسطه يساعد ويسند اوكي
انما رشوه لا
بس اهم حاجه تكوني اتعلمتي السواقه عشان تبقي عامله اللي عليكي
شكرا لردك
بس مفيش حد عمل رخصه اليومين دول يقول ايه النظام يعنى لازم برده يظبط العسكرى اللى قاعد جنبهع فى العربيه ولا ايه
بصي يامني العسكري ده اصلا مش لاقي ياكل
يعني هيا اساسا مش رشوه
وطول عمرنا اساسا لو ماشيين في الشارع وبنلاقيهم بنديهم فلوس
لان مرتباتهم اساسا زفت
وتقريبا اعتقد ان الفئه بتاعت العساكر دي اكتر ناس اصلا تجوز عليهم الصدقه
:)
بس الفكره بقي انك فيه فرق انك بتديله حاجه ليه هوا طالعه منك انتي شخصيا
وفيه فرق ان رخصتك تقف عالفلوس دي
لا طبعا
لو وقفت واستهبل يبقي اديله علي دماغه
ويبقي يومه منيل لو الرخصه مطلعتش
افضحيه في وسط المرور
وقولي البيه مش عاوز يخلص الرخصه غير اما ياخد كذا
وشوفي بقي الرخصه مش حتخلص ولا لا
انما تدي العسكري حاجه دي منك انتي
حلاوه نجاحك
وهوا اصلا العسكري اساسا بيقعد جمبك ؟
هوا انتي مش رايحه بعربيتك ولا ايه
؟
ماهى المفاجئه انى لسه مجبتش لما اخد الرخصه فى ايدى الاول
وبعدين الاسعار كل يوم بتزيد مش عارفه ايه الحكايه
ربنا يسهل
بس شكرا على رايك والله ليك حق فى كل كلمه قولتها
روحي امتحني وخير ان شاء الله
لو عندك حد من قرايبك عنده عربية اتوماتك هتبقى اسهل عليكي كتير اتعلمي عليها ازاي تعدي الاقماع وادخلي امتحني بيها
وبعد ماتخدي الرخصة ان شاء الله ابقي اتعلمي على راحتك
اليومين دول فرصة محدش عارف بكرة ممكن يبقى فيها ايه
شكرا يا ahmod على ردك
انا عايز اقولك ان الرخصة بتطلع بسهولة جدا بس اهم حاجة تكونى بتعرفى تسوقى عشان تعدى اختبار القيادة
انا تبع مرور طوسون فى اسكندريه و عندى 20 سنة و كان معايا رخصة قبل كده بس اتلغت بس انا بعرف اسوق كويس جدا و الحمد لله
و رحت طلعت رخصة جديدة من اسبوع من غير أى واسطة و طلعتها فى يوم واحد و كل اللى صرفته حوالى 90 جنيه او اقل
يعنى كل اللى انا صرفته كان مصاريف الورق و بس و مدفعتش مليم للعسكرى اللى جنبى و كل اللى اديتله فلوس هو واحد عسكرى غلبان
بيجيب الرخص من الموظفة و يدهالنا فانا قلت اديله حاجة هدية مش عشان يدينى رخصتى بسرعة لانه ادهالى فى دقيقة بدون اى كلام
و دلوقتى فى طوسون مفيش كمبيوتر شغال و عشان كده مفيش اختبار كمبيوتر و لكن بدلا منه بيعملولك اختبار على ورة فىها اشارات و هى ورقة تافهة جدا
و ممكن تتحفظ و انتى واقفة فى 5 دقائق و موجودة مع كل الناس و بعد كده اختبار القيادة و بتكون اماكن القراطيس متعلمة فى الارض يعنى
ميقدرش يوسعها و يضيقها عشان كل الناس شايفة الاماكن كويس جدا و كل حاجة ماشية بالدور و عديت الاختبار بتاع القيادة فى ثوانى و طلعت الرخصة
بس هى رخصة مؤقتة و ورق مش كمبيوتر لانى زى مقلت الكمبيورت عطلان
بس طبعا زى مقلتلك لازم تكونى بتعرفى تسوقى كويس لان حرف ال s مش سهل لأى حد و ناس كتير بتعرف تسوق و كانت بتخبطهم لكن هى عايزه انك
تفهمى انتى هتعملى ايه و هتلاقى الاختبار تافه بمعنى الكلمة
شكرا ليك يا midofayad
بس هى المشكله فعلا فى القراطيس لان انا لسه بتعلم
ربنا يستر بقى
ولا تقلقي
تعالي عندنا شارع الجمهوريه
بيبعوا القراطيس دي
اشتريلك حبه
واتعلمي فيهم
:)
وادخليلهم الامتحان بقي بقلب جامد
وخدي القراطيس علي 120 وغرز كمان
حظك يامني الاوتو كروس لسه خلصان
كنتي دخلتيه
وطلعتي منه عاالامتحان عدل
ويبقي حد يقولك بقي انتي مبتعرفيش تسوقي
حطيه تحت العربيه واعتبريه مطب
ماشلى بتتريا يا funnymickey
طيب بكره اتعلم واسوق غرز وامريكانى وابقى احسن منك كمان
الايام بيننا
:36_2_33::36_2_33::36_2_33: