توقع للسيناريو القادم

**Ahmed Anwer** · 02-03-2011 07:14 PM

إن شاء الله ،،

هينقلب السحر علي الساحر

و الناس هتتقلب أكثر عليه بسبب غياب الأمن اللي قال إنه أول مسئولياته

و بسبب الكارثة الإنسانية للمصريين في تونس

قالوها لأبو الغيط (( أحد الفشلة )) ،،، ميعادنا في ميدان التحرير

**تامر.محمد** · 02-03-2011 07:43 PM

المشاركة الأصلية كتبت بواسطة hagan

بصراحة نقل حضرتك للاخبار
افضل بكتير من تحليلات حضرتك الشخصية
تقبل تحياتي
م.حاتم السباعي

هههههههههههههههههههههههه يا ريته يطلع كلام غلط, ما اكرهش و ما ازعلش

المشاركة الأصلية كتبت بواسطة ghada_zaky

المشكلة يا تامر مش بس فى الامن
انا لما كنت بقول شفيق ممكن نديله فرصة مش بس علشان الامن
مش مفترض انى كمواطنة استنى مصيبة تحصل علشان الامن يرجع تانى وحد يجى ينقذ
انا بستنى من حكومتى انها توفر الامن من قبل اى مصيبة تهدد الناس وده لحد دلوقتى مش شايفاه ولا شايفة خطوات تحققه
احنا بقالنا فترة والموضوع مش اشاعات بس لكن فيه فعلا حقايق انا شفتها
فين التحركات اللى ممكن تخلينى اقول ماشى اديلك فرصة وانا بشوف الوضع بيبقى اسؤاء
كمان موضوع الجرايق اللى بتحصل فى كل الجهات اللى فيها مستندات - فين اى خطوات لتأمينها
كمان موضوع المياه - فين اللى حصل فيه وهما مستنين ايه
احنا فى فترة دلوقتى مش كفاية الثقة والامانى والامل
اى حكومة سؤاء كانت شفيق او غيرها مطالبة انها تدى كل يوم تقرير وموقف عن الاحداث اللى بتحصل حوالينا وتقول حصل ايه وهما عملوا ايه
انا مش حعيش فى بلد على كلمة ثقة
وحتى لو الحكومة اتغيرت وجات حكومة كلها احنا راضين عنها مفروض تعرف الشعب ايه اللى بيحصل والخطوات اللى بتتعمل علشان حل المشكلة مش سيبين الناس وسيبين الاشاعات
ديه بلدنا ومن حقنا نعرف ونحاسب اى حد مقصر

تحياتي ليقظة حضرتك

**medo_2060** · 02-03-2011 08:15 PM

انا متوقع منهم اى شىء .... بلطجه وحرائق للادله الجنائيه فى الداخليه سابقا والنهارده جهاز المحاسبات وبكره مين عارف...
شفيق لو اتشقلب وعملوه باتمان حتى مش هينفع ... و هيجى على قناه on tv النهارده ... شفيق الى كان بيقول دى مش ثوره و و و و و.. اتفرجوا عليه النهارده وشوفوا هيقول ايه

**Moh.Abdelbaset** · 02-03-2011 08:20 PM

طب إيه موقف المجلس الأعلى في التحليل ده؟
لو حضرتك خايف من تلميع شفيق و لا تريده رئيساً الجمهورية
لا تعطيه صوتك.

المشاركة الأصلية كتبت بواسطة medo_2060

انا متوقع منهم اى شىء .... بلطجه وحرائق للادله الجنائيه فى الداخليه سابقا والنهارده جهاز المحاسبات وبكره مين عارف...
شفيق لو اتشقلب وعملوه باتمان حتى مش هينفع ... و هيجى على قناه on tv النهارده ... شفيق الى كان بيقول دى مش ثوره و و و و و.. اتفرجوا عليه النهارده وشوفوا هيقول ايه

حضرتك عرفت إزاي إن فيه حرائق للأدلة الجنائية
كل اللي حصل إن العربيات اللي ولعت..الدخنة بتاعتها سودت المبنى من برة
و فيه شوية زجاج مكسر
لكن المبنى من جوا سليم تماماً..اطمئن.

**Donzi** · 02-03-2011 09:26 PM

المشاركة الأصلية كتبت بواسطة moh.abdelbaset

حضرتك عرفت إزاي إن فيه حرائق للأدلة الجنائية
كل اللي حصل إن العربيات اللي ولعت..الدخنة بتاعتها سودت المبنى من برة
و فيه شوية زجاج مكسر
لكن المبنى من جوا سليم تماماً..اطمئن.

نطمئن على المبنى دا تحديدا ولا نطمئن على نيابة الاموال العامة اللي كادت تحترق في مجمع التحرير و لا على الجهاز المركزي للمحاسبات ولا نطمئن على نفسنا و أمننا و لا نطمئن على البلد و مستقبلها ؟؟؟؟

**Moh.Abdelbaset** · 03-03-2011 12:41 AM

المشاركة الأصلية كتبت بواسطة donzi

نطمئن على المبنى دا تحديدا ولا نطمئن على نيابة الاموال العامة اللي كادت تحترق في مجمع التحرير و لا على الجهاز المركزي للمحاسبات ولا نطمئن على نفسنا و أمننا و لا نطمئن على البلد و مستقبلها ؟؟؟؟

كلامي واضح
بتكلم على مبنى شئون الأفراد اللي في وزارة الداخلية

**thedeveloper87** · 03-03-2011 12:42 AM

يا عم لا ينفذوا الخطة دي بجد...

طب ابعتهالنا على الخاص بدل ما تقولها علني كده :d

انت مش عارف إن فيه لجان إليكترونية للحزب اللي ما يتسمى

**otefa** · 03-03-2011 12:50 AM

المشاركة الأصلية كتبت بواسطة mbhead

في حاجة الناس مش مهتمه بيها خالص و طبعا دا طبيعي جدا لان كفاية اللي احنا فيه
بس لو بصينا كده علي ليبيا و اللي بيحصل فيا
دلوقتي اذا امريكا فرضت حظز جوي علي ليبيا يعني حتضطر تدخل في حرب مع ليبيا عشان تمنع الطيران انه يطير لازم يضربوا الدفاع الجوي الليبي و دا شي بسيط امريكا تشوش علي الردارات و توقف منصات الصورايخ و طبعا القذافي مش حيسكت هوا اصلا مجنون حيعمل بلاوي و عنده بيولوجي و حيدمر الدنيا و اكيد عنده سلاح مخبيه للوقت حرج زي دا
و امريكا بدات تحرك الاسطول السادس اللي في البحر المتوسط بالفعل و اكيد هتحرك قوات من القاعدة اللي في قطر و دول كافيين يقضوا علي القذافي في اسبوع
و احنا في حالة لا يرثي لها ... مافيش رئيس جمهورية و الجيش في الشارع و اعتصامات و مظاهرات و اللي احنا عارفينه
فطبعا هنسمح للقوات تعبر قناة السويس و نخلينا في مشكلنا
و قبل ان تطلق امريكا رصاصة واحدة هتبقي حسبه كل حاجة و انها تكسب اضعاف خسايرها
و يبقي مصر بين اسرائيل و امريكا ...يا رب دي مايحصل و يكون مجرد تخويف للقذافي مش اكتر و كفاية علينا خالص مشكلنا الداخلية اللي مش عارفين لها حل

مع الأسف هو ده السيناريو المتوقع من أول قيام الثورة الليبية وربنا قادر يفسد مكيدتهم

-

الموضوع: توقع للسيناريو القادم

LinkBack

أدوات الموضوع

عرض

-

-

-

-

-

-

-

المواضيع المتشابهه

بعد الموافقة على التعديلات الدستورية ,توقع شكل المجالس النيابية القادم

كل شئ تحبه توقع ضياعه!!!!!!!

شوية صور توقع من الضحك

توقع شهر 11 هيحصل فيه ايه ؟؟؟؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة