توقع للسيناريو القادم

**تامر.محمد** · 02-03-2011 06:27 PM

سلام عليكم

سيناريو انا متوقعه

الوضع:
البلد فيها حالة انفلات امني , حالة الانفلات الامني دي صنعها غياب مقصود من الداخلية بشهادة ناس كتير اوي منهم ناس في المنتدى هنا

السيناريو:
1- الانتظار لحد ما الناس تبقى على آخرها , مع الدفع في اتجاه على اخرها ده باستخدام الاشاعات و التسليط الاعلامي (خصوصا من برامج التوك شو , خصوصا العاشرة مساءً لأن نسبة كبيرة جدا من الناس بتتابعه بعد ما برامج مشابهة كتير اتحرقت خلال الثورة ) على الانفلات الامني ان لم يكن بصورة مباشرة هايكون بتسليط الضوء على حوادث بتحصل , ولا مانع من استخدام بلطجية الوطني لافتعال الحوادث دي ثم تسليط الضوء عليها , تاني باقول , مع مزيد من الاشاعات

2- اتوقع ان تحصل , حادثة كبيرة او عمل بلطجة كبير يخض الناس كلها و يهزهم جامد و يحسس كل واحد انه في خطر, مع احتمالات كبيرة لهجوم بلطجية تاني على الناس اللي في التحرير (خصوصا يوم الجمعة) , او افتعال اي مصيبة و تلفيقها لهم لتشويه صورتهم لأكبر حد ممكن

3- شفيق هايتدخل , مش عارف ازاي , اما بإقالة وزير الداخلية , او بأوامر صارمة لنزول الشرطة , او مكافآت للشرطة يتقال انها خلتهم ينزلوا , او بمشروع جديد للتواجد الأمني , او بكشف حقيقة معينة قد تكون حقيقة و قد لا تكون , مع تسليط الضوء على النقطة دي باستخدام نفس برامج التوك شو السابق ذكرها

النتيجة:
اتحل الانفلات الامني , تسليط الضوء مازال شغال و التصفيق مازال شغال ..... شفيق بطل الشعب

**zouba92** · 02-03-2011 06:34 PM

مظنيش ان دا السيناريو بضبط اللى حيحصل بس أنا شايفة ان النتيجة واحدة ... تلميع شفيق و بعد كدا ينتخب للرئاسة و يفوز ( أنظر الى الثورة الروسية اللى فشلت)

**nour_nrc** · 02-03-2011 06:35 PM

ان ينصركم الله فلا غالب لكم

ربنا مع كل مصري بيحب بلده وخايف عليها

**aly_hosny** · 02-03-2011 06:37 PM

المصريين مش اغبية
و ان شاء الله الجمعة دي اخر جمعة ليه في الحكومة

**otefa** · 02-03-2011 06:46 PM

أنا بقه شايف ممكن يتضاف أحتمال كمان يكون الوضع الأقتصادي في منتهى الصعوبة(وبلا شك ده حقيقي)
وشفيق وحكومته تستقيل وفقا لطلبات المتظاهرين ........ وأتفضل حلها يا كمال الجنزوري (بالعصى السحرية )...............مش هو ده طلب شريحة كبيرة من الناس(الشعب)...........مخرج على طبق من ذهب لحكومة شفيق وأتفضلو حاسبو الجنزوري.

**م. حاتم السباعي** · 02-03-2011 06:51 PM

المشاركة الأصلية كتبت بواسطة tlrsiap

سلام عليكم

سيناريو انا متوقعه

الوضع:
البلد فيها حالة انفلات امني , حالة الانفلات الامني دي صنعها غياب مقصود من الداخلية بشهادة ناس كتير اوي منهم ناس في المنتدى هنا

السيناريو:
1- الانتظار لحد ما الناس تبقى على آخرها , مع الدفع في اتجاه على اخرها ده باستخدام الاشاعات و التسليط الاعلامي (خصوصا من برامج التوك شو , خصوصا العاشرة مساءً لأن نسبة كبيرة جدا من الناس بتتابعه بعد ما برامج مشابهة كتير اتحرقت خلال الثورة ) على الانفلات الامني ان لم يكن بصورة مباشرة هايكون بتسليط الضوء على حوادث بتحصل , ولا مانع من استخدام بلطجية الوطني لافتعال الحوادث دي ثم تسليط الضوء عليها , تاني باقول , مع مزيد من الاشاعات

2- اتوقع ان تحصل , حادثة كبيرة او عمل بلطجة كبير يخض الناس كلها و يهزهم جامد و يحسس كل واحد انه في خطر, مع احتمالات كبيرة لهجوم بلطجية تاني على الناس اللي في التحرير (خصوصا يوم الجمعة) , او افتعال اي مصيبة و تلفيقها لهم لتشويه صورتهم لأكبر حد ممكن

3- شفيق هايتدخل , مش عارف ازاي , اما بإقالة وزير الداخلية , او بأوامر صارمة لنزول الشرطة , او مكافآت للشرطة يتقال انها خلتهم ينزلوا , او بمشروع جديد للتواجد الأمني , او بكشف حقيقة معينة قد تكون حقيقة و قد لا تكون , مع تسليط الضوء على النقطة دي باستخدام نفس برامج التوك شو السابق ذكرها

النتيجة:
اتحل الانفلات الامني , تسليط الضوء مازال شغال و التصفيق مازال شغال ..... شفيق بطل الشعب

بصراحة نقل حضرتك للاخبار
افضل بكتير من تحليلات حضرتك الشخصية
تقبل تحياتي

م.حاتم السباعي