احييك على الجملة دى اللى حللت فيها اختلافات الناس حاليا
يا جماعه بالراحه على بعض
والله
كل اللى مشاركين فى الموضوع بيحبوا البلد بجد
بس مختلفين فى وجهة نظرهم
http://www.nilemotors.net/Nile/204835-a.html
ومين قال ان هما دول الشعب ومين قال انها نسبة بأرقام تثبت ذلك طبيعي كل واحد متضايق من الحال الآن ولكن زي ما قال الدكتور مصطفى الفقي امبارح ان كل ثورة لها ضريبة ولا احنا عاوزين الحرية السنين الجايه ببلاش في خلال شهر انا مش فاهم الناس ميتقسشي الأمور ليه يعني انا عاوز البلد تنظف واخد حقي ويبقى فيه حرية كده عالطول فيومين تلاته وببلاش بدون ما اتضايق حتى يعني مش بنقول تحارب وتموت ولكن حته مش هاين عليهم يحسوا بضيق شويه دلع والله
يبقى الواجب على الثوار الأفاضل المستمرين حاليا في ميدان التحرير يمدو أيديهم في جيوبهم ويساعدو الناس الغلابة ألي شغالين باليومية وألي مش هايلاقو يكلو بسبب وقف حال البلد وبعد كده يتفضلو يقعدو براحتهم طالما هايعوضو الخسارة الأقتصادية اليومية وألي مافيش هدف واضح من وراها غيلر التشبث بالرأي
أعملو أستبيان وهاتشوفو النتيجة
ده غير القاعدة ألي مايختلفش عليها 2
درء المفاسد مقدم على جلب المنافع
منطقك مرفوض و تحريضي
الغلابه يعني اللي شغالين باليومية الثورة قامت عشان تحررهم من العبودية دي بلد إيه في العالم اللي لسه حد فيها شغال باليومية و لو جراله حاجه و بقى عاجز يشحت لا تأمينات عليهم و لا يحزنون
و مظاهرات الجمعه هتعطل مين إن شاء الله نقاش شغال في مجمع التحرير و لا بنى في عمارات وسط البلد
أنا بروح الشغل كل يوم و لا متأثر بالتحرير
ميدان التحرير مش موقف حال البلد إرحمونا بقى من النغمه التحريضية دي
مرفوض منك ومقبول من غيرك مش مشكلة
للعلم أن أي كاميرا بتتوجه على ميدان التحرير ويظهر فيها 1000 متظاهر حتى بيسبب قد أيه تأثير سلبي على الأقتصاد وهروب للأستثمار فضلا عن عدم دخوله البلد
مجرد أي خبر عن مظاهرات بيوقع البورصة بال 50%
الدولة بتناشد المواطنين بدعم البورصة ولو ب100 جنيه من كل مواطن علشان يقللو أحتمال أنهيارها وأنهيار أقتصاد الدولة
أنا مش ضد الثورة ولكني ضد أستمرار المظاهرات شرف وعد بالتعامل وتنفيذ المتطلبات يبقى نصبر ونشوف ماتحققتش ننزل أنما مش قاعدين على طول
و دي اكتر حاجة ضايقتني من موضوع " حمل عصام شرف علي الاعناق في ميدان التحرير"
هو احنا عملنا ثورة 25 عشان نشيل اي مسئول علي الاعناق و هو لسه ما بدأش مهام منصبه الجديد؟؟؟؟؟
اللي اعرفه اننا عايزين نبقي زي الدول المحترمة يعني لما يجي مسئول و يخدم البلد نقوله في الاخر شكرا علي اداء واجبك
و لو غلط يتحاسب
ماعملناش ثورة عشان نرجع لعصر الحمل علي الاعناق و اسلوب " بالروح بالدم نفديك يا فلان"