صوت القاهرة تكذب أحمد شفيق: لم يتم تخفيض راتب محمود سعد ولا يتقاضى 9 مليون جنيه

**أبو عبدالله** · 02-03-2011 08:47 PM

حسم إبراهيم العقباوي رئيس مجلس إدارة شركة صوت القاهرة ما تردد مؤخرا على لسان أحمد شفيق رئيس حكومة تسيير الأعمال عن أنه تم فسخ التعاقد بين الإعلامي محمود سعد والشركة بسبب تخفيض راتب محمود سعد بنسبة كبيرة.
وكشفت إيميلات متبادلة بين محمود سعد وإبراهيم العقباوي- حصل الدستور الأصلي على نسخة منها- عن أن الأخير نفي كلية أنه كان هناك أي حديث عن تخفيض أجر محمود سعد.
وقال محمود سعد في رسالته الإلكترونية لإبراهيم العقباوي:"أثير في وسائل الاعلام في الفترة الأخيرة ما مفاده أني قد أنهيت تعاقدي معكم بعد مخاطبتي في مسألة تخفيض أجري من تسعة مليون جنيه الى واحد و نصف مليون جنيه.. و تعلمون وأعلم أني أولا: لم أنهي عقدي الا بسبب ما تعرضت له من صعوبات بالغة في العمل في الفترة الأخيرة. و ثانيا: أني لا أتقاضى هذا المبلغ كأجر و لم أتقاضاه يوما.. و ثالثا أنه لم يحدث أن خاطبني أحد في مسألة تخفيض أجري اطلاقا حتى تاريخ فسخ العقد..

اسمحوا لي، و أنا أدرك حساسية الموقف و أثق أنكم لا تخافون في الحق لومة لائم، أن استفسر منكم بشكل مباشر ما اذا كانت قد تمت مخاطبتكم من قبل أي جهه في مسألة تخفيض أجري حتى تاريخ انهاء تعاقدي معكم".
وكان رد العقباوي على محمود سعد نصه كما يلي:بالإإشارة إلي الـ e-mail المرسل من سيادتكم حول ما أثير في وسائل الإعلام بأنه تم إنهاء التعاقد مع سيادتكم بعد مخاطبتنا لكم في مسألة تخفيض الأجر..لم يكن مطروحاً للنقاش بيننا موضوع تخفيض الأجر."

وتحسم هذه الإيميلات التي ينشر الدستور الأصلي نسخة منها الأسباب التي كانت تقف وراء ترك محمود سعد لبرنامج مصر النهاردة، وهو الصعوبات التي يواجهها في التليفزيون المصري كما تحسم قضية أنه يتقاضى 9 ملايين جنيها وذلك لأن إبراهيم العقباوي لم يذكر ذلك مطلقا ولم يعلق على ما قاله سعد بأنه لايتقاضي هذا المبلغ كأجر ولم يتقاضاه يوما.

طµظˆطھ ط§ظ„ظ‚ط§ظ‡ط±ط© طھظƒط°ط¨ ط£ط.ظ…ط¯ ط´ظپظٹظ‚: ظ„ظ… ظٹطھظ… طھط®ظپظٹط¶ ط±ط§طھط¨ ظ…ط.ظ…ظˆط¯ ط³ط¹ط¯ ظˆظ„ط§ ظٹطھظ‚ط§ط¶ظ‰ 9 ظ…ظ„ظٹظˆظ† ط¬ظ†ظٹظ‡ | ط§ظ„ط¯ط³طھظˆط±

**نور القمر** · 02-03-2011 09:34 PM

اول كذبة في كلام العقباوي
ان محمود سعد لما انس الفقي قاله على الهواء مباشرة انه بياخد 9 مليون ويطمح لل 15 مليون أكد في سياق الحديث انه بياخد 9 مليون فعلا
ودي انا شوفتها بنفسي والفيديو هيكون على النت للي عايز يشوف الحوار بالظبط

**MASERATI** · 02-03-2011 09:38 PM

السلام عليكم و رحمة الله و بركاته

يعنى, بأه, يبقى كده أحمد شفيق بيكدب و لا محمود سعد هو اللى بيكدب, حاجة غريبة و الله .

طاب, لما محمود سعد يكدب, أوك, مش مشكلة, بس لما رئيس الوزرا يكدب , تبقى فضيييييييييييييييييحة .

**amado ibrahim** · 02-03-2011 09:39 PM

المشاركة الأصلية كتبت بواسطة نور القمر

اول كذبة في كلام العقباوي
ان محمود سعد لما انس الفقي قاله على الهواء مباشرة انه بياخد 9 مليون ويطمح لل 15 مليون أكد في سياق الحديث انه بياخد 9 مليون فعلا
ودي انا شوفتها بنفسي والفيديو هيكون على النت للي عايز يشوف الحوار بالظبط

راجعى الحوار يا نور

هتلاقى العقباوى مجبش سيرة المبلغ كام

تقبلى تحياتى

hh · 02-03-2011 09:46 PM

المشاركة الأصلية كتبت بواسطة نور القمر

اول كذبة في كلام العقباوي
ان محمود سعد لما انس الفقي قاله على الهواء مباشرة انه بياخد 9 مليون ويطمح لل 15 مليون أكد في سياق الحديث انه بياخد 9 مليون فعلا
ودي انا شوفتها بنفسي والفيديو هيكون على النت للي عايز يشوف الحوار بالظبط

أنس الفقي قال له انت كنت عايز تزود أجرك من 7 الى 9 مليون و محمود سعد رد بنوع من التريقة 15 مليون.

تاني بنقول محمود سعد مش موظف في التليفزيون المصري. محمود سعد عامل عقد سنوي مع الشركة الأعلانية اللي بترعى البرنامج, و الله لو شايفينه مايستاهلش المبلغ ده مكانوش تعاقدوا معاه. و بيتهيألي كلنا متأكدين ان محمود سعد من المذيعين المطلوبين جدا و يقدر بسهولة يتعاقد بالمبلغ ده و أكتر مع أي قناه فضائية. شغل تلقيح الكلام بتاع أنس الفقى و بعده أحمد شفيق ده أقل ما يقال عنه انه غير محترم, بغض النظر بقى عن شخص محمود سعد نفسه.

**ashrafakl** · 02-03-2011 09:47 PM

السلام عليكم ورحمة الله وبركاته
الواضخ من الكلام ان العقباوي لم يذكر راتب محمود سعد وبالتالي هو اصلا لم يكذب

وتحسم هذه الإيميلات التي ينشر الدستور الأصلي نسخة منها الأسباب التي كانت تقف وراء ترك محمود سعد لبرنامج مصر النهاردة، وهو الصعوبات التي يواجهها في التليفزيون المصري كما تحسم قضية أنه يتقاضى 9 ملايين جنيها وذلك لأن إبراهيم العقباوي لم يذكر ذلك مطلقا ولم يعلق على ما قاله سعد بأنه لايتقاضي هذا المبلغ كأجر ولم يتقاضاه يوما.

حلقة محمود سعد مع انس الفقي انا شفتها وانس الفقي قال ان راتب محمود سعد 9 مليون جنيه لكن فيما بعد محمود سعد قال في نفس الحلقة الدخل ده مقابل الاعلانات يعني مش راتب ثابت

**medo_2060** · 02-03-2011 09:49 PM

والله الموضوع ماعاد محتاج ادله جديده.. دا حكومه شفيق دلوقتى كانها بتقول للشعب انا الثوره المضاده وانا الى بساند القائمين عليها

**Egyzizo** · 02-03-2011 09:52 PM

مش مصدق موضوع الإيميلات ده ما هو كان يرفع سماعة التليفون وياخد الرد فى ساعتها ..
والدستور ليس جهة محايدة يمكن الوثوق فى مصداقيتها فى ظل الفوضى الإعلامية السائدة.

**kono** · 02-03-2011 10:00 PM

لنفترض ان محمود سعد كذاب ولنتناسى موقفه مع التليفزيون يوم 25 يناير
ينفع رئيس وزراء مصر يطلع فى وسائل الاعلام يتكلم عن تعلامى ويقول اصل راتبه هينخفض فزعل ومشى
عمرنا شوفنا اوباما مثلا طلع اتكلم على اوبرا ؟؟؟

**أبو عبدالله** · 02-03-2011 10:01 PM

المشاركة الأصلية كتبت بواسطة egyzizo

مش مصدق موضوع الإيميلات ده ما هو كان يرفع سماعة التليفون وياخد الرد فى ساعتها ..
والدستور ليس جهة محايدة يمكن الوثوق فى مصداقيتها فى ظل الفوضى الإعلامية السائدة.

طيب ماهو ممكن حضرتك يكون مقصود علشان يكون دليل مادي الناس تشوفه بدل ما يبقى كلام في اي برنامج يتقال وبعدين نلاقي ناس طالعه يقولك ده كلام مفيش اثبات
يعني ليه الأحتمالات تبقى بالسالب مش بالموجب