يا تري رأى حضراتكم فى استفتاء 19/3/2011م
على تعديل بعض بنود الدستور ..ايه ؟
يا ترى هنروح
ولو هتروح - من وجهة نظرى نكون ايجابيين ونروح-
صوتنا هيكون نعم ---ولا --------لا
والسبب ايه
عرض للطباعة
يا تري رأى حضراتكم فى استفتاء 19/3/2011م
على تعديل بعض بنود الدستور ..ايه ؟
يا ترى هنروح
ولو هتروح - من وجهة نظرى نكون ايجابيين ونروح-
صوتنا هيكون نعم ---ولا --------لا
والسبب ايه
السؤوال
لو انا موافق على التعديلات بس مش كلها
-زى جزأية - المرشح يكون مصري ولا يحمل جنسية اخرى وغير متزوج من اجنبية
-
وده هيمنع واحد زى د. زويل من الترشح
فى الحالة دى وعلشان البند ده
اصوت باننى غير موافق
؟؟؟
رغم انى موافق على الباقي
أعتقد إنهم لو حطوها كلها حزمة واحدة أكيد هقول لأ لأن فيها أكتر من ملاحظة لكن لو اتقسمت و كان التصويت على كل مادة على حده ممكن الموضوع يختلف
هي حزمة واحدة زي ما قال عاطف البنا
وبصراحة انا شايف ان فعلا المفروض الرئيس يبقى مصري فقط و متزوج من مصرية
هقول نعم
التعديلات فى مجملها ممتازة وكنا بنحارب علشانها واللجنة على راسها راجل محترم زى المفكر المستشار /طارق البشرى
ومش معقولة هقول لا علشان واحد مهما كان قيمته،
يعنى المقصود الايجابيات اكتر من السلبيات
وبعدين ده دستور مؤقت والرئيس القادم سوف يقوم بإعداد دستور دائم
التعديلات ممتازه وطبعا لازم الرئيس يكون مصرى حتى النخاع ومتزوج مصريه ولا يحمل اى جنسيه اخرى دا اقل واجب
نعم - وخصوصا المادة اللى بتقول ان الرئيس متزوج مصرية وليس له جنسية اخرى. لانه كده حيكون حاسس بكل مشكلات الشعب المصري وعايشها وشايف وعاصر كل فترات الظلام اللى كنا عايشنها
وده مايمنعش العلماء الافاضل مثل د زويل أو اى حد أخر انه يكون مسئول عن اى وزارة تخصصية
الفكرة انى المصري الحامل لجنسية اخرى او متزوج من اجنبية
مر وعاصر ديمقراطية الدولة اللتى عاش بها فترة بره مصر
واكيد افكاره انه يطبق ديمقراطية مشابهة ليها هنا فى مصر
بمعنى عاش التجربة وعايز يطبقها
فممكن تكون رؤويته + وطنيته شيئ ايجابي
وزى ما قلت فى مشاركات قبل كده
انا عاجبنى تجربة ماليزيا - والنمو اللى اتحقق على ايدين ..مهاتير محمد